#Сўраган_эдингиз
#Call_markaz

❓Mening yashash manzilim qaysi maktab mikrohududiga kirishini qayerdan bilib olsam bo‘ladi?

✅ Buning uchun Maktabgacha va maktab ta'limi vazirligining my.maktab.uz elektron portalida yashash manzilingiz bo‘yicha tegishli maʼlumotlarni kiritib, farzandingizni taʼlim olish tilini tanlaganingizdan so'ng "Qidirish tugmasi"ni bosasiz. Shundan so'ng, oynada yashash manzilingiz qaysi maktab mikrohududiga biriktirilganligi haqidagi ma'lumotlar paydo bo'ladi.

Bundan tashqari har bir maktabda ota-onalarga qulay bo‘lgan, barchaga ko‘rinadigan joyda 1-sinfga qabul jarayonlariga oid, jumladan, mikrohudud haqidagi maʼlumotlar joylashtiriladi.

❓Farzandimni 1-sinfga topshirish uchun elektron platforma orqali onlayn ariza berib bo‘lganimdan so‘ng, shaxsiy maʼlumotlarimda xatoliklar aniqlansa, ularni qay tartibda to‘g‘rilashim mumkin?

✅ Bunda arizangiz maktabga yuborilgan bo‘lsa, maktab tomonidan arizangiz sababi ko‘rsatilgan holda rad etiladi. Shundan so‘ng, shaxsiy ma'lumotlaringizni tahrirlab, qayta ariza berishingiz mumkin.

❓Bolaning ota-onasi chet elda, jiyanlarimni maktabga joylashtirish uchun o‘zim ariza topshirsam bo‘ladimi?

 ✅ Ha, topshirish mumkin. Bunda elektron platformada shaxsiy maʼlumotlarni shakllantirganingizdan so‘ng, tegishli maydonni belgilab, vasiylik bo‘yicha qarorni biriktirishingiz kerak bo'ladi.

❕Shuningdek, qo‘shimcha maʼlumotlar olish uchun Vazirlikning “Call markazi”- 71-203-07-04 raqamiga murojaat qilishingiz mumkin.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз
#Call_markaz

❓Farzandim 2018-yil 1-yanvarda 7 yoshga to‘ladi, davlat maktablariga qabul qilishmas ekan, nodavlat maktabiga joylashtirsam bo‘ladimi?

✅ Yo‘q, “Taʼlim to‘g‘risida”gi qonunga muvofiq, birinchi sinfga bolalar ular yetti yoshga to‘ladigan yilda qabul qilinadi.

Mazkur qonun talabi barcha turdagi maktablar, jumladan nodavlat taʼlim tashkilotlari uchun ham taalluqlidir.

Bu yil 2017-yil 31-dekabriga qadar tug‘ilgan bolalar 1-sinfga qabul qilinadi.

❓Agar mening yashash manzilimga biriktirilgan (mikrohudud) maktabda taʼlim tili rus tilidagi sinflar bo‘lmasa, farzandimni qaysi maktabga joylashtirishim mumkin?

✅O‘zbekiston Respublikasi Vazirlar Mahkamasining 2022-yil 1-iyundagi 295-son Qarori bilan tasdiqlangan Reglamentga muvofiq, ota-onalarga qulaylik yaratish maqsadida, yashash manzilingiz bo‘yicha tanlagan taʼlim tilidagi sinf bo‘lmagan taqdirda, yaqin hududda joylashgan boshqa umumiy o‘rta taʼlim maktabi mikrohudud sifatida biriktirib beriladi.

❓Men farzandimni biriktirilgan mikrohududdagi maktabga emas, ish joyimga yaqin bo‘lgan maktabga joylashtirsam bo‘ladimi?

✅ Albatta. Buning uchun 1-avgustdan keyin Siz mikrohududdan tashqari hududlar bo‘yicha tanlagan maktabingizga farzandingizni joylashtirish uchun ariza bilan (elektron qabul amalga oshirilayotgan hududlarda elektron tizim orqali) murojaat etishingiz mumkin.

Bunda, tanlagan maktabingizda o‘quvchi o‘rni, malakali pedagoglar bilan taʼminlaganligi, sinf xonalarning o‘quv mebellari bilan jihozlanganligidan kelib chiqib, qabul jarayoni amalga oshiriladi.

O’quvchi o’rniga nisbatan taʼlim olayotgan o‘quvchilar soni ko‘p bo‘lgan maktablarda mikrohududdan tashqari qabul amalga oshirilmasligi mumkin. Bunday holatlarda hududiy boshqaruv idoralari Sizga yaqin hududdagi boshqa maktablarni tavsiya etadi.

❕Qo‘shimcha maʼlumot olish uchun Vazirlikda tashkil etilgan Call markaziga — 71-203-07-04 raqamiga murojaat qilishingiz mumkin.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз
#Call_markaz

❓Ariza jo‘natmoqchi bo‘lganimda “Siz tanlagan manzilga biriktirilgan maktab topilmadi” degan xatolik chiqqanda nima qilish kerak?

✅ Bunda Siz shaxsiy kabinetingizga kirib, "Mening maʼlumotlarim" bo‘limidan yashash manzilingizni tahrirlashingiz, so‘ngra "Saqlash" tugmasini bosib, qayta ariza yuborishingiz kerak bo‘ladi.

❓Bir vaqtning o‘zida bir nechta maktabga ariza topshirish mumkinmi?

✅ Yo‘q, Siz dastlab joriy yilning 31-iyuliga qadar faqat biriktirilgan mikrohududdagi bitta maktabga, 15-avgustga qadar esa mikrohududdan tashqaridagi ikkinchi maktabga ariza yuborishingiz mumkin.

❓Xorijiy davlat fuqarolari yoki fuqaroligi bo‘lmagan shaxslar farzandlarini qanday tartibda maktabga joylashtiradi?

✅ Xorijiy davlat fuqarolari yoki fuqaroligi bo‘lmagan shaxslar farzandlarini davlat xizmatlari portalining my.gov.uz platformasida “Сhet el fuqarolari va fuqaroligi bo‘lmagan shaxslar farzandlarini O‘zbekiston Respublikasining umumiy o‘rta taʼlim muassasalariga qabul qilish” xizmatidan foydalangan holda 1-sinfga qabul qilish bo‘yicha ariza yuborishi mumkin.

❕Qo‘shimcha maʼlumotlar olish uchun Vazirlikning “Call markazi” — 71-203-07-04 murojaat qilishingiz mumkin.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз
#Call_center

❓Men farzandimni 1-sinfga qabul qilish uchun ariza topshirayotgan vaqtimda ta’lim tilini tanlashda xato qilibman. Arizamni qanday tahrirlashim mumkin?

✅ Bunday holatda siz hujjat topshirgan maktabingizga borishingiz va ariza maktab tomonidan rad etilishi lozim. Shundan keyin moderatorlar tomonidan ariza tizimdan ham o‘chiriladi. So‘ngra qaytadan mikro-hudud doirasida ariza topshirishingiz mumkin bo‘ladi.

❓Men Samarqand viloyatida doimiy ro‘yxatda turaman. Ayni vaqtda Nukus shahrida istiqomat qilmoqdamiz.

Farzandimning hujjatlarini yashash joyimga yaqin maktabga topshirmoqchiman. Ammo, tizimda Nukus shahridagi maktabni belgilashni imkoni bo‘lmayapti. Bunday holatda qanday yo‘l tutish kerak?

✅ my.maktab.uz tizimidagi ma’lumotlar IIV bazasi bilan bog‘langan va talabgorlar doimiy yoki vaqtincha ro‘yxatdan o‘tgan joylariga biriktirilgan mikro-hudud doirasida ariza topshira oladilar. Shu bois, siz Nukusdagi yashash joyingiz bo‘yicha vaqtincha ro‘yxatdan o‘tib, so‘ngra ariza topshirishingiz mumkin.

Eslatib o‘tamiz, my.maktab.uz saytida yuzaga kelayotgan muammolarga oid savollar yuzaga kelsa @mymaktab_uz telegram kanali yoki 71 203-07-04 telefon raqami orqali javob olish mumkin.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз

❓Yashash joyi bo‘yicha ro‘yxatdan o‘tmagan harbiy xizmatchilar  farzandini umumta’lim maktabiga o‘qishga joylashtirish uchun qanday tartibda ariza topshirishlari mumkin?

✅ Elektron platformada shaxsiy ma’lumotlarni shakllantirgandan so‘ng, harbiy xizmatchi katakchasini belgilab yashash joyi bo‘yicha davlat soliq idoralari ro‘yxatidan o‘tgan ijara sharnomasi yoki tegishli harbiy qism (muassasa) tomonidan yashash manzili ko‘rsatilgan ma'lumotni tizimga yuklagan holda ariza topshirishlari mumkin.

❓Nima uchun mikrohududdagi maktabga joylashtirishda ustuvorlik belgilangan?

✅ Qonun hujjatlariga muvofiq, maktab ta’limi, ya’ni umumiy o‘rta ta’lim olish majburiy. Shu bilan birga ta’lim oluvchilarning yashash joyidagi (mikrohududdagi) davlat umumiy o‘rta ta’lim muassasalariga qabul qilish huquqi kafolatlangan.

Shu bois birinchi navbatda mikrohudud doirasida qabul jarayonlari amalga oshirilishiga ustuvorlik beriladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз

❓Bolaning hujjatlarini maktabga topshirganda, o‘qish boshqa tilda olib boriladigan tillar uchun suhbat o‘tkaziladimi?

✅ Ota-onalar farzandini ta’lim boshqa tilda (jumladan rus tilida) o‘qitiladigan sinfga o‘qitish uchun ariza topshirgan bo‘lsa, bolaning shu tilda boshlang‘ich so‘zlashuv ko‘nikmasiga ega ekanligi qabul komissiyasi tomonidan o‘rganiladi.

Namunaviy savollar Maktabgacha va maktab ta'limi vazirligining rasmiy sayti (www.uzedu.uz) "Ota-onalar" bo‘limida e’lon qilingan.

Bola tanlagan tilda boshlang‘ich so‘zlashuv ko‘nikmasiga ega bo‘lmasa, qabul komissiyasi bolani so‘zlashuv ko‘nikmasiga mos sinfga yoki boshqa maktabga joylashtirish bo‘yicha xulosa beradi.

❓Bolani maktabga qabul qilish rad etilishi mumkinmi?

✅ Vazirlar Mahkamasining tegishli qarori bilan tasdiqlangan Reglamentga muvofiq, Qabul komissiyasi 3 ta holatda arizani rad etishi mumkin:

➖bolaning tibbiy ma’lumotnomasida umumta’lim maktabida ta’lim olish tavsiya etilmagan bo‘lsa;
➖ tanlagan ta’lim tilida boshlang‘ich so‘zlashuv ko‘nikmasiga ega bo‘lmasa;
➖so‘rovnomada keltirilgan ma’lumotlar noto‘g‘riligi aniqlansa.

❗️Arizasi rad etilgan fuqarolar avvalgi ariza raqamini ko‘rsatib, aniqlangan kamchilikni bartaraf etgan holda qayta ariza berishlari mumkin.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз
#Sertifikatlar

❓Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining 2024-yil 29-maydagi 3515-son qoʻshma qarori izoh qismi 2-bandida majburiy attestatsiyada imtiyoz beriladigan sertifikatlar roʻyxati belgilangan. Bunda faqat til bilish sertifikatlari qabul qilinadimi?

✅ Mazkur imtiyoz qarorning 3-bobida keltirilgan Common European Framework of Reference (CEFR) tizimiga mos keladigan xorijiy til bilish sertifikatlari uchun amal qiladi.

❓Matematika boʻyicha SAT (Digital Scholastic Assessment Test) sertifikatini topshirishda yoshning ahamiyati bormi?

✅ Maktabgacha va maktab taʼlimi vazirligi hamda Collegeboard xalqaro tashkiloti o‘rtasida olib borilgan hamkorlik natijasida joriy yildan boshlab matematika bo'yicha SAT sertifikatini topshirishdagi yoshga doir cheklov bekor qilindi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз

❓ TESOL, TEFL, TKT sertifikatlariga endilikda ustama toʻlanishda ayrim shartlar mavjud ekan. Shu haqida maʼlumot berib oʻtsangiz.

❗️ Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligining 2024-yil 29-maydagi 3515-sonli qoʻshma qaroriga koʻra:

➖ umumiy oʻrta taʻlim muassasalarida faoliyat yuritayotgan pedagoglardan Teaching Knowledge Test (TKT), Teaching English for Speakers of Other Languages (TESOL), Teaching English as a Foreign Language (TEFL), Teaching English as a Second Language (TESL) sertifikatlari Common European Framework of Reference (CEFR) tizimining B2 sertifikati bilan birgalikda qabul qilinadi va ularga ustama belgilangan tartibda toʻlanadi.

👉 Barcha Teaching English for Speakers of Other Languages (TESOL), Teaching English as a Foreign Language (TEFL), Teaching English as a Second Language (TESL) sertifikatlari oʻqituvchi (trener) bilan kamida 100 kontakt soat shugʻullanishi va kamida 40 soatlik oʻqituvchi-pedagogik amaliyotini qamrab olishi, bunda amaliyot qismi instruktor tomonidan kuzatilib baholanishi zarur.

——-

❓ Farzandim 2018-yil 5-yanvarda tugʻilganligi sababli maktabning 1-sinfiga qabul qilinmayapti. Oʻgʻlimni bu yil maktabga berishimning imkoni bormi?

❗️ Oʻzbekiston Respublikasi “Taʼlim toʻgʻrisida”gi Qonunining 9-moddasida umumiy oʻrta taʼlim tashkilotining birinchi sinfiga bolalar ular yetti yoshga toʻladigan yilda qabul qilinishi belgilangan.

➖ Shunga muvofiq, 2024-2025-oʻquv yilida respublikamizdagi barcha davlat va nodavlat taʻlim tashkilotlarining 1-sinfiga ular 7 yoshga toʻladigan, yaʼni 2017-yilning 31-dekabriga qadar tugʻilgan bolalar qabul qilinadi.

👉 Maʼlumot uchun: 6 yoshdan 7 yoshgacha boʻlgan bolalar maktabgacha taʼlim tashkilotlarida bir yillik maktabga tayyorlov kurslariga jalb etilishi nazarda tutilgan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#сўраган_эдингиз

Yangi baholash tizimiga doir 3 savolga 3 javob

✅ Xabaringiz bor, 2024-2025-oʻquv yilida mamlakatimizdagi 1500 ta maktabda yangi baholash tartibi joriy qilindi va ayni vaqtda ushbu taʼlim muassasalarida oʻquvchilarning bilim darajasi mazkur tizim asosida baholanmoqda.

👉 Shu oʻrinda yangi baholash tizimi boʻyicha pedagoglar va ota-onalardan kelib tushayotgan ayrim savollarga javob berib oʻtsak.

❓1. Savol: Biz turli ijtimoiy tarmoq sahifalari orqali CHSB test savollarini olyapmiz, ammo ushbu savollarda turli tafovut va noaniqliklarni kuzatyapmiz. Buning sababi nimada?

❗️ Javob: Yangi baholash tizimi joriy etilgan maktab oʻquvchilari bilimini baholash uchun Pedagogik mahorat va xalqaro baholash ilmiy-amaliy markazi tomonidan namunaviy test savollari ishlab chiqilgan hamda Maktabgacha va maktab taʼlimi vazirligining e-maktab.uz platformasiga joylashtirilgan.

➖Pedagoglar va ota-onalardan yangi baholash tizimi boʻyicha barcha fanlarga tegishli namunaviy test savollarini faqat e-maktab.uz platformasidan yuklab olishlarini soʻraymiz. Boshqa turdagi axborot kanallari va ijtimoiy tarmoq sahifalaridagi savollarning toʻgʻriligi haqidagi xabarlar haqiqatga mos emas.

❓ 2. Savol: CHSB imtihonlari uchun sarflanayotgan qogʻoz va bosmaxona xarajatlari qaysi mablagʻlar hisobidan qoplanyapti? Buning uchun ota-onalardan mablagʻ talab etiladimi?

❗️ Javob: Yoʻq, ota-onalardan mablagʻ talab etilmaydi.

➖Maktabgacha va maktab taʼlimi vazirligining 2024-yil 17-oktabrdagi tegishli buyrugʻiga asosan, 2024-yil I va II chorak imtihonlari Toshkent shahar, Xorazm va Toshkent viloyatlaridagi tanlab olingan va yangi baholash tizimi joriy etilgan 168 ta maktabda e-maktab.uz platformasi orqali onlayn, qolgan 1332 ta maktabda anʼanaviy tarzda tashkil etilishi belgilangan.

➖Anʼanaviy tarzda imtihon oʻtkaziladigan 582 ta maktab uchun ajratiladigan (6400 ta oʻram) qogʻoz mahsulotlari Maktabgacha va maktab taʼlimi vazirligi huzuridagi Taʼlim sohasida islohotlarga koʻmaklashish jamgʻarmasi mablagʻlari hisobidan qoplanadi. Shuningdek, ushbu maktablarning nazorat materiallari hududiy boshqarmalarga maxsus ajratilgan printer qurilmalarida chop etiladi.

➖Qolgan 750 ta maktabga ajratiladigan nazorat materiallari oʻrnatilgan tartibda vazirlik tizimidagi G‘afur G‘ulom nomidagi nashriyot-matbaa ijodiy uyida chop etib kelinmoqda.

❌ Mazkur xarajatlar uchun ota-onalardan pul mablagʻlari talab etilishi mumkin emas.

❓ 3. Savol: Agar imtihon kunlari farzandim kasal boʻlib qolganligi sababli sinovlarda qayta ishtirok etsa, imtihon ballari tushib ketar ekan, shu toʻgʻrimi?

❗️Javob: Maktabgacha va maktab taʼlimi vazirining 2024-yil 7-avgustdagi tegishli buyrugʻi bilan tasdiqlangan “Mezonlarga asoslangan baholash tizimini umumiy oʻrta taʼlim maktablariga joriy etish boʻyicha tartib”da bu haqida batafsil aytib oʻtilgan.

➖Unga binoan, asosli sabablar (kasal boʻlganligi, yaqin qarindoshlaridan birining vafoti, turli olimpiada va tanlovlardagi ishtiroki)ga koʻra baholash jarayonida qatnasha olmagan oʻquvchilar uchun sinovlar alohida oʻtkaziladi. Bunda oʻquvchilarga amaldagi baholash mezonlari (maksimal 40 ball)ga koʻra olgan ballari qoʻyiladi.

➖Uzrsiz sabablarga koʻra baholashda qatnashmagan, ichki tartib-qoidalarni buzgani uchun jarayondan chetlashtirilgan yoki 12 balldan past natija qayd etgan oʻquvchilarning maksimal bali 26 balldan oshishi mumkin emas.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Yangi_baholash
#Сўраган_эдингиз

❓Yangi baholash tizimi — CHSB imtihonlarida tushgan savollarni qayerdan olish mumkin?

Savolga Maktabgacha va maktab ta'limi vaziri o'rinbosari Sardor Radjabov javob beradi:

✅ Maktabgacha va maktab ta'limi vazirligi tomonidan markazlashgan tartibda o‘tkazilayotgan CHSB imtihonlarida tushgan test savollari bilan https://t.iss.one/natijalaruz1bot orqali, javoblar varaqasi bilan esa https://t.iss.one/natijalaruzbot bot manzili orqali tanishishingiz mumkin.

Bunda ID raqamingizni kiritish orqali javoblar varaqasini, fan va tilni tanlab esa savollar kitobini olishingiz mumkin.
________
❗️Ushbu bot manzillarida faqat markazlashgan tartibda o‘tkaziladigan fanlarga oid CHSB savollar kitobi va javoblar varaqasi joylashtirilgan.

Markazlashgan tartibda o‘tkazilmayotgan barcha CHSB va BSB sinov savollari esa maktablarga yetkazilgan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз

❓ Eshitishimizga qaraganda yangi yildan e’tiboran boshlang‘ich sinflarda ham CHSB va BSB imtihonlari o‘tkazilarkan. Shu rostmi?

✅ Yo‘q, bu gaplar haqiqatga to‘g‘ri kelmaydi. Mezonlarga asoslangan yangi baholash tizimining boshlang‘ich sinflarga joriy etilishi ko‘zda tutilmagan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз
#мактабгача_таълим

❓Bogʻchalardagi metodist shtati direktor oʻrinbosariga oʻzgartirilibdi, shu toʻgʻrimi? Ularning oylik maoshi hamda vazifalari qanday belgilanadi?

❗️Oʻzbekiston Respublikasi Prezidentining 2024-yil 30-sentabrdagi “Maktabgacha taʼlim sifati va samaradorligini yanada oshirish boʻyicha qoʻshimcha chora-tadbirlar toʻgʻrisida”gi Farmoni asosida:

➖ 2025-yil 1-yanvardan boshlab maktabgacha taʼlim tashkilotining direktori oʻrinbosari lavozimi joriy etilmoqda.

✅ Ushbu lavozim maktabgacha taʼlim tashkilotlarining tarbiyachi-metodist lavozimi negizida amaldagi mehnatga haq toʻlash shartlarini saqlab qolgan holda tashkil etiladi.

👉 Maktabgacha taʼlim tashkilotining direktori oʻrinbosari taʼlim sifatini taʼminlash, pedagog xodimlarni uzluksiz kasbiy rivojlantirish, taʼlim va tarbiya jarayonlariga innovatsiyalarni, ilgʻor pedagogik va raqamli texnologiyalarni keng joriy qilish vazifalarini bajarishi koʻzda tutilgan.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз
#maktabga_qabul

❓Yurtimizda yashovchi chet el fuqarolari oʻz farzandlarini davlat maktablari yoki bog‘chalariga joylashtirish tartibi qanday? Buning uchun ulardan toʻlov undiriladimi?

❗️ Vazirlar Mahkamasining 2022-yil 1-iyundagi 295-son qarori bilan “Chet el fuqarolari va fuqaroligi boʻlmagan shaxslar farzandlarini umumiy oʻrta taʼlim muassasalariga qabul qilish uchun arizalar olish boʻyicha davlat xizmati koʻrsatishning maʼmuriy reglamenti” tasdiqlangan.

✅ Unga koʻra, farzandini Oʻzbekistondagi davlat umumiy oʻrta taʼlim muassasasiga qabul qilinishini istagan chet el fuqarolari va fuqaroligi boʻlmagan (chet elda doimiy yashovchi) shaxslar Yagona interaktiv davlat xizmatlari portali yoki Maktabgacha va maktab taʼlimi vazirligining elektron xizmatlari portali orqali oʻrnatilgan tartibda ariza yuboradi.

⭕️ Arizalar vazirlikning hududiy boshqarmalari huzurida tashkil etilgan tegishli komissiya tomonidan yetti ish kunida koʻrib chiqiladi va belgilangan davlat umumiy oʻrta taʼlim muassasasiga qabul qilishga yoʻllanma berish yoki yoʻllanma berishni rad etish toʻgʻrisida qaror qabul qilinadi.

➖ Ariza beruvchi komissiya qaroriga asosan farzandini tegishli davlat umumiy oʻrta taʼlim muassasasiga qabul qilish boʻyicha yoʻllanma yoki yoʻllanma berishni rad etish toʻgʻrisidagi maʼlumotni oʻzi murojaat qilgan portaldagi shaxsiy kabinetidan yuklab oladi.

👉 Eslatma: davlat umumiy oʻrta taʼlim maktablarida taʼlim olish barcha (chet el fuqarolari va fuqaroligi boʻlmagan shaxslarga ham) uchun bepul.
____

❗️ Bolalarni davlat maktabgacha taʼlim tashkilotlariga qabul qilish tartibi Vazirlar Mahkamasining 2018-yil 28-martdagi 244-son qarori bilan tasdiqlangan maʼmuriy reglamentda toʻliq bayon etilgan.

✅ Unga koʻra, yurtimizdagi davlat maktabgacha taʼlim tashkilotlariga bolalarni qabul qilishda barcha uchun bir xil talab mavjud hamda ota-onalardan olinadigan oylik badal toʻlovlari ham mahalliy va chet el fuqarolari uchun bir xil miqdorlarda belgilangan.

👉 Mazkur maʼmuriy reglament bilan quyida batafsil tanishishingiz mumkin.

❌ Yuqorida keltirib o‘tilgan davlat xizmatlarini koʻrsatilganligi uchun ariza beruvchi (chet el fuqarolari va fuqaroligi boʻlmagan shaxslar)dan yigʻim undirilmaydi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

#Сўраган_эдингиз

❓Farzandimni xususiy maktabdan Toshkent shahridagi davlat maktabiga o‘tkazishim uchun qayerga murojaat qilishim kerak?

✅ Buning uchun Yagona interaktiv davlat xizmatlari portali (my.gov.uz) yoki Maktabgacha va maktab ta'limi vazirligining elektron xizmatlar portali (my.maktab.uz) orqali onlayn shaklda ariza yuborish lozim.

Yuborilgan ariza maktab ma’muriyati tomonidan 3 ish kuni ichida ko‘rib chiqiladi va arizaga ijobiy javob berilgan taqdirda bu haqda elektron tizim orqali xabar beriladi.

Shundan so‘ng, o‘quvchining hujjatlari (baholar tabeli, tibbiy kartasi) avvalgi maktabidan olinib, yangi maktabiga olib borib beriladi va farzandingizni maktabga qabul qilish bo‘yicha buyruq rasmiylashtiriladi.

Vazirlikning rasmiy sahifalariga ulanish:
❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin