Bahodir Jalolov ikki karra Olimpiya oʻyinlari chempioni!

Boks boʻyicha Tokio-2020 yozgi Olimpiya oʻyinlari chempioni Bahodir Jalolov ikkinchi bor Olimpiada chempioniga aylandi. Eng ogʻir vazn toifasida ishtirok etayotgan yurtdoshimiz hozirgina yakunlangan jangda ispaniyalik raqibi Ayub G’adfani magʻlub etdi.

Jangni oilaviy tomosha qildik, hayajonlarga boy, shiddatli bahsda Bahodir raqibiga hech qanday imkoniyat qoldirmadi.

Xabaringiz bor, Toshkent shahrida Boks bo‘yicha Bahodir Jalolov sport mahorati maktabi faoliyat yuritmoqda. Maktabga tashrif buyurgan davlatimiz rahbari “Endi Bahodir Jalolov maktabi o‘z yo‘nalishida xuddi Prezident maktabidek namunaviy tizim bo‘ladi”, degan edilar.

Bugungi bellashuvni ayni vaqtda seminar-treninglarda qatnashayotgan tizim xodimlari, maktab direktorlari, vazirligimiz jamoasi ham qizg’in kuzatib bordi.

Bahodirning tinimsiz mehnati va Prezidentimiz tomonidan bildirilgan ishonch bugun o’z mevasini berdi. Bahodir Jalolov maktabi bu yurtga hali yuzlab, minglab bahodirlarni yetishtirib berishiga ishonamiz.

Olimpiadada munosib ishtirok etib, Vatanimiz bayrog’ini baland ko’targan, rekord natijalar bilan yurtdoshlarimizni faxrlantirgan barcha sportchilarimizga minnatdorlik bildiraman.

“Hayot maktabi-maktab o‘quvchilarini kasb-hunarga o‘qitishning yangi tizimi” mavzusida kasblar forumi tashkil etildi

Unda kasbga yo’naltirish tizimi joriy etilgan maktab direktorlari, kasbiy ta’lim ustalari, amaliyotchi psixolog ham barcha tegishli mas’ullar ishtirok etdi.

Savdo –sanoat palatasi viloyat boshqarmasi, Professional ta’lim muassasalari, “Ishga marhamat” monomarkazi vakillari va usta-hunarmandlar jalb etilgan tadbirda umumta’lim maktablarida o‘zi qiziqqan yo‘nalish bo‘yicha muvaffaqiyatga erishib, daromad topayotgan o‘g‘il-qizlarning 100 dan ziyod mahsulotlari ko‘rgazmasi ham o’tkazildi. 28 nafar kasbiy-ta’lim ustalari sertifikat bilan taqdirlandi.