🧠 Toshkentda International Inclusive Hub ochildi.

Hub - bu inklyuziv O‘zbekistonni rivojlantirish bo‘yicha loyihalarning akseleratori bo‘lib, milliy, xalqaro va jamoat tashkilotlarini birlashtirgan platformadir.

💻 Hozirgi bosqichda xabda kasbga yo‘naltirilgan ta’lim dasturlari amalga oshiriladi va sinovdan o‘tkaziladi.
Bu noyob maskan yoshlarning abilitastiyasi, reabilitatsiyasi va jamiyatga moslashishi maqsadida ularga sifatli ta’lim olish, iqtidorlarini namoyon etish, zamonaviy hamda istiqbolli kasblarni tanlashda teng imkoniyatlar yaratadi.

📌 Yuqori darajadagi tayyorgarlikni aniq va gumanitar fanlar, IT sohasi bo‘yicha O‘zbekistonning yetakchi mutaxassislari va xorijiy ekspertlar, shuningdek, taniqli san’at arboblari, moda, fotografiya, kino, tasviriy san’at va boshqa ijodiy yo‘nalishlar ustalaridan iborat o‘qituvchilar tarkibi ta’minlaydi. Bundan tashqari, bu yerda ilmiy-tadqiqot ishlari ham olib boriladi.

🧠 Loyiha O‘zbekiston Respublikasi Prezidenti huzuridagi Ijtimoiy himoya milliy agentligi, Maktabgacha ta’lim va maktab ta’limi vazirligi, Oliy ta’lim, fan va innovatsiyalar vazirligi, Bandlik va kambag‘allikni qisqartirish vazirligi hamda "Zamin" fondi tomonidan amalga oshirilmoqda.

🎖 Xab faoliyati haqida batafsil ma’lumotni uning rasmiy sahifalaridan olish mumkin.

#BizTurlimizBizTengmiz
#InklyuzivOzbekiston