#yashil_makon #яхшидан_боғ_қолади

Президентимизнинг “Яшил макон” умуммиллий лойиҳани амалга ошириш бўйича ташаббуслари ҳозирги кунда энг долзарб вазифа эканлигини об-ҳаводаги охирги ўзгаришларни ўзи яққол кўрсатиб қўйди. Ушбу лойиҳани амалга ошириш учун Вазирлик жамоаси ҳам Яшнобод туманидаги 255-мактаб ҳудудида дарахт экиб, ўзига хос зиёлилар боғини барпо этишни режа қилдик ва ҳозир суғориш тизимларини ўрнатмоқдамиз. Ушбу лойиҳага қўшимча ҳомийлар ҳам ёрдам беришга тайёр эканликларини билдирганлари эса қўшимча ғайрат бағишламоқда.

Келинг, 10 ноябрь – кузги таътилдан кейинги биринчи ўқиш кунидан бошлаб, шу каби барча мактабларда дарахт экишни ташкиллаштирайлик. Жойларда ҳокимликлар ҳам мактабларга кўчат олиб беришда ва артезан қудуқ ёки суғоришга бошқа сув манбалари билан таъминлашга ёрдам беришга ҳаракат қилишади, лекин 10 мингдан ортиқ мактабни барчасида ҳам бирдек имкон бўлмаслиги мумкин. Шунинг учун, экишга ери бор мактаб жамоалари ҳар қандай ёрдам учун миннатдор бўлишади.

https://bit.ly/3GZDYXL

#yashil_makon #яхшидан_боғ_қолади

Халқ таълими вазирлиги “Мактабларни яшил масканга айлантирамиз” акциясини эълон қилади

Халқ таълими вазирлиги юртимизда эълон қилинган “Яшил макон” умуммиллий лойиҳаси асосида дарахт экиш бўйича “Долзарб 40 кунлик” доирасида умумтаълим мактабларида “Мактабни яшил масканга айлантирамиз” акциясини эълон қилади.

Акция доирасида жорий йилнинг 10 ноябрь, яъни ўқув йилининг 2-чорагининг илк куни Тошкент шаҳридаги 255-сонли умумтаълим мактаби ҳудудида “Зиё дунёси боғи”ни яратиш мақсадида илк кўчат экиш тадбири ўтказилади. Шунингдек шу куннинг ўзида барча мактабларда “Ўзбекистон – яшил макон” мавзусида иншолар танлови бўлиб ўтади.

13 ноябрь (шанба) куни умумтаълим мактабларида “Мактабни яшил масканга айлантирамиз” шиори остида оммавий дарахт экиш тадбирлари ўтказилади. "Менинг биринчи ниҳолим" номи билан экилган дарахтга рамзий маънода ўқувчиларнинг исми шарифлари ёзиб қўйилади.

Акция доирасида “Менинг дарахтим” мобил илова дастури ишлаб чиқилиб, 9-11-синф ўқувчилари ўртасида ”Обод мактаб” мобил илова дастурини яратиш бўйича танлов ўтказилади.

Ўқув йили якунида “Энг обод мактаб” номинацияси бўйича ғолиб деб топилган 14 та мактаб электрон доска билан тақдирланади.

Халқ таълими вазирлиги сўнгги кунларда юртимизда кузатилган об-ҳаводаги ўзгаришлар мазкур акциянинг юксак аҳамиятини кўрсатганлигини инобатга олган ҳолда барча соҳа ходимлари, ўқувчилар, ота-оналар ва кенг жамоатчиликни ушбу акцияда фаол иштирок этишга чақиради.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram

#Yashil_makon #Яхшидан_боғ_қолади
Президентимизнинг “Яшил макон” умуммиллий лойиҳасини амалга ошириш бўйича ташаббусларини нафақат вазирлик жамоаси ва тадбиркорлар кўтаринки руҳда қабул қилиб боғ яратишни бошлади, балки Буюк Британиянинг Ўзбекистондаги Фавқулодда ва мухтор элчиси ҳамда Британия Кенгашининг Ўзбекистондаги янги раҳбари ҳам ушбу ташаббусни қўллаб-қувватлаб дарахт экишди.

Сиз ҳам “Яшил макон” умуммиллий лойиҳасига қўшилинг ва дарахт экинг! Фақат биргаликда фарзандларимиз келажаги учун атроф-муҳитни асрашга ёрдам бера оламиз!

Боғ яратиш жараёнидан жонли эфир: https://bit.ly/3D9tW4e

Британияликларни қўшилганидан жонли эфир: https://bit.ly/3bZZP3j

#yashil_makon
#Prezident_maktabi

🌱☘️Tabiatni asrash — har birimizning insoniylik burchimizdir!

📌Ayni vaqtda, Prezidentimiz farmoni bilan tasdiqlangan “Yashil makon” umummilliy loyihasi doirasida mamlakatimiz bo‘ylab barcha hududlarda ko‘chat ekish, ko‘kalamzorlashtirish ishlari qizg‘in davom etmoqda.

☘️ Shu jumladan, Termiz shahridagi Prezident maktabida ham “Musiqali ekologiya va ozodalik kuni” o‘tkazildi.

🌐Ijtimoiy tarmoqdagi sahifalarimiz:
Telegram | Instagram | Facebook | YouTube

#yashil_makon

✔️ Vazirlar Mahkamasining 2023-yil 3-noyabrdagi tegishli majlis bayoniga muvofiq, Maktabgacha va maktab ta’limi vazirligi tizimidagi ta’lim muassasalari va unga tutash hududlarda manzarali, mevali daraxt va buta ko‘chatlarini ekish ishlari olib borilmoqda.

🌱 Joriy yil 30-noyabriga qadar hududiy hokimliklar tomonidan vazirlik tizimidagi:

➖maktabgacha ta’lim muassasalariga — 837 ming tup;

➖umumta’lim maktablariga — 1 mln 443 ming tup, jami 2 mln 280 ming tup ko‘chat yetkazib berilishi belgilangan.

✅ Hozirga qadar maktabgacha va maktab ta’limi muassasalarida umumiy hisobda 348,2 ming tup, jumladan:

➖maktabgacha ta’lim muassasalarida — 130,1 ming tup ko‘chat;

➖umumta’lim maktablarida — 218,1 ming tup manzarali, mevali daraxt va buta ko‘chatlari ekildi.

Vazirlikning rasmiy sahifalariga ulanish
Telegram | Youtube | Facebook | Instagram

#yashil_makon

✅ Xabar qilinganidek, Maktabgacha va maktab ta’limi vazirligi tizimidagi ta’lim muassasalarida kuzgi ko‘chat ekish ishlari qizg‘in davom etmoqda. Bugungi kunga qadar maktabgacha va maktab ta’lim muassasalarida 600 mingga yaqin, jumladan:

➖Qoraqalpog‘iston Respublikasida — 98,3 ming;
➖Andijon viloyatida — 35,1 ming;
➖Buxoro viloyatida — 34,1 ming;
➖Jizzax viloyatida — 92,1 ming;
➖Navoiy viloyatida — 29,7 ming;
➖Namangan viloyatida — 11,7 ming;
➖Samarqand viloyatida — 68 ming;
➖Surxondaryo viloyatida — 12,9 ming;
➖Sirdaryo viloyatida — 13 ming;
➖Farg‘ona viloyatida — 72,9 ming;
➖Xorazm viloyatida — 68,9 ming;
➖Toshkent shahrida — 64,9 ming tup mevali va manzarali daraxt ko‘chatlari ekildi.

Vazirlikning rasmiy sahifalariga ulanish
Telegram | Youtube | Facebook | Instagram