💥Ustozlar Milliy forumi — yangi o'quv yiliga oʻzgacha ruh va yangi formatdagi tayyorgarlik!

- AKT vositasida oʻqitish va oʻrganish;
- Oʻquvchilarga yoʻnaltirilgan taʼlim yondashuvi;
- Professional muloqot;
- Formativ fikr-mulohazalar va baholash;
- Ijodiy va tanqidiy fikrlash;

👆Bu masalalarning barchasi Ustozlar Milliy forumida muhokama etiladi.

Joriy yilning 10-11-avgust kunlari Xalq taʼlimi vazirligi va YUNESKO xalqaro tashkiloti tomonidan Respublikamizning barcha viloyatlaridan tashrif buyurgan metodist va maktab direktorlari uchun fanlar kesimida tashki qilingan 9 ta shoʻbada mahalliy va xorijiy trenerlar ishtirokida oʻquvlar tashkil qilinadi.

📌Hurmatli ustozlar, yangiliklarga tayyor turing! Hademay ushbu forum sizning hududingizga yetib boradi.

Seminar 16-18-avgust kunlari viloyatlarda, 23-25-avgust kunlari shahar va tumanlarda, 27-29-avgust kunlari umumiy oʻrta taʼlim muassasalarida pedagogik kengashlar tarzida oʻtkaziladi.

Kanalga obuna bo'lish:
Telegram | Facebook | Instagram | You Tube

🔹Халқ таълими вазирлигининг 2022 йил 6 ойлик фаолияти якунлари ҳамда янги ўқув йилига тайёргарлик масалалари юзасидан

АОКАда Халқ таълими вазирлиги раҳбарияти ва мутасаддилари иштирокида шу мавзуда матбуот анжумани бошланди.

Қуйидаги ҳавола орқали тўғридан-тўғри томоша қилишингиз мумкин:

📹 Жонли эфир
〰️〰️〰️

Telegram | Facebook | Instagram | Медиабанк

✅ХАЛҚ ТАЪЛИМИ ВАЗИРИ ЎРИНБОСАРИ НАВОИЙ ВИЛОЯТИДАГИ МАКТАБ ҚУРИЛИШЛАРИНИ ЎРГАНДИ

🔷Халқ таълими тизимидаги янги қурилишлар, реконструкция ишлари жадаллик билан кетяпти. Бу Навоий вилояти мисолида ҳам ўз аксини топмоқда. Бунёдкорлик ишларининг боришини кузатиш мақсадида Халқ таълими вазирининг ўринбосари Иброҳим Жўраев Навоий вилоятида бўлиб, ҳудудлардаги қурилиш-тиклаш ишларини кўздан кечирди.

Жумладан, Президент эътиборига тушган Хатирчи тумани “Тамабаҳрин” маҳалла фуқаролар йиғинидаги 22-умумтаълим мактабининг янги ётоқхонаси, қўшимча ўқув биноси қурилиши билан танишди.

Хатирчи туманидаги 2022 йилги Инвестиция дастури доирасида реконструкция қилинаётган 22- ва 64-сонли мактабларга борган вазир ўринбосари амалга оширилаётган қурилиш-таъмирлаш ишлари билан танишиб, ўзининг тегишли кўрсатмаларини берди. Қайд этиш жоизки, 22-мактабда 300 ўринли ётоқхона ва 420 ўринли ўқув блоги қурилмоқда.

Xindistonda bo'lib o'tayotgan Butunjahon Shaxmat Olimpiadasida O'zbekiston erkaklar terma jamoasi eng yosh va iqtidorli jamoalardan biri hisoblanadi.

E'tiborlisi 2 nafar o'yinchilarimiz Maktab o'quvchilari, 2 nafari Universitet talabasi va 1 nafari Samarqand viloyati shaxmat terma jamoasi bosh murabbiyi.

Jamomizning o'rtacha yoshi 20 yoshni tashkil etadi.

Jamoamizga shiddatli o'tayotgan ohirgi o'yinda omadlar tilaymiz, yaxshi niyat qilib Butunjahon Shaxmat Olimpiadasi G'olibi bo'lishlarini tilab qolamiz! 👏👏👏

Olg'a O'zbekiston Jamoasi! 🇺🇿🇺🇿🇺🇿

Расмий муносабат

✅Таълим муассасасига ҳеч қандай зарар етмаган

❇️Бугун ижтимоий тармоқ саҳифаларида пойтахтимизнинг Яккасарой туманидаги 144-сонли умумтаълим мактабида ёнғин чиққанлиги тўғрисида хабарлар тарқалди.

Тошкент шаҳар халқ таълими бош бошқармаси шуни маълум қиладики, бугун, 9 август куни соат 12:24 да Тошкент шаҳар Яккасарой тумани Муқимий кўчасида жойлашган янги қурилаётган 4 қаватли бинода ёнғин содир бўлгани бўйича шаҳар ФВБга хабар келиб тушган. Фавқулодда вазиятлар вазирлиги маълумотига кўра, 4 та ёнғин-қутқарув экипажи соат 12:30 да воқеа жойига етиб бориб, ёнғин соат 12:43 да қуршаб олинган ва соат 12:50 да бартараф этилган.

Юқоридаги хабарнинг тарқалишига ёнғин чиққан янги қурилаётган иншоот 144-сонли умумтаълим мактабига қўшни эканлиги сабаб бўлган. Таълим муассасасига ҳеч қандай зарар етмаган.

🖌Тошкент шаҳар ХТББ Матбуот хизмати

👉Каналимизга уланинг ва дўстларингизга улашинг: 👉 https://t.iss.one/ToshkentshaharXTBB

Ҳурматли ота-оналар!

Янги ўқув йили бошланишига бир ойдан кам муддат қолмоқда. Умумтаълим муассасаларидан янги ўқув йилига тайёргарлик билан боғлиқ кечиктириб бўлмайдиган зарур ташкилий чораларни кўриш талаб этилади.

Хусусан, 1-синф ўқувчиларини “Президент совғаси” ва ўқувчилар сонига мос равишда тўлиқ дарсликлар билан таъминлаш, янги қабул қилинган ва мактабдан кетган ўқувчилар ҳисобини олган ҳолда синфларни комплектлаш, синфлар сонидан келиб чиқиб ўқув режа, дарс соатлари тақсимоти (тарификация), ўқитувчилар билан таъминлаш ишларини амалга ошириш лозим.

Шунингдек, агар Сиз ўтган (2021/2022) ўқув йилида фарзандингиз таълим олган мактабини маълум бир сабабларга кўра ўзгартиришга қарор қилган бўлсангиз, имкон қадар бу ишни тезроқ амалга оширишингизни сўраймиз.

Бу билан халқ таълими тизими масъулларига якуний ҳисоб-китобни қилиб, зарур ҳолатларда дарсликларнинг қайта тақсимотини ўз вақтида амалга оширишга ёрдам берган бўласиз.

Ўқув йилини муваффақиятли бошлаш ва фарзандингизнинг таълим олишида барча зарур шарт-шароитларни яратиш учун бу жуда муҳим. Шу сабабли Сиздан ушбу йўналишда эътиборли бўлишингизни сўраб қоламиз.

Халқ таълими вазирлиги

ҒАЛАБА МУБОРАК АЗИЗ ЁШЛАР!

Ўзбекистонимиз ёшлари жамоаси илк бор Бутунжаҳон шахмат олимпиадаси чемпиони бўлди. Бу хабар ҳар бир юртдошимиз қалбида ғурур туйғусини уйғотгани табиий. Ҳиндистоннинг Ченнай шаҳрида бўлиб ўтган Бутунжаҳон шахмат олимпиадасида Ўзбекистон эркаклар терма жамоасининг Нидерландия жамоаси устидан қозонилган ғалабаси тарих зарварақларига муҳрланиб қолиши табиий.

Чемпионларимиз Нодирбек Абдусатторов, Нодирбек Ёқуббоев, Жавоҳир Синдоров, Жаҳонгир Воҳидов, Шамсиддин Воҳидовларни мазкур ғалаба билан муборакбод этамиз.

15 йил олий тоифани сақлаган педагог-ўқитувчиларга олий тоифани умрбод сақлаб қолиш имконияти берилади

Ўзбекистон Республикаси Вазирлар Маҳкамасининг 2022 йил 2 август куни қабул қилинган 425-сонли қарори билан Ўзбекистон Республикаси Вазирлар Маҳкамасининг 2021 йил 17 сентябрдаги “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартибини такомиллаштириш чора-тадбирлари тўғрисида”га 572-сонли қарорига тегишли ўзгартиришлар киритилди.

Унга мувофиқ, олий малака тоифага эга бўлганидан сўнг уни 15 йил давомида сақлаб келган ва узлуксиз иш стажига (шу жумладан, декрет таътили даври ҳам) эга бўлган педагог кадрлар мажбурий аттестацияга жалб қилинмайдиган педагогларга аниқлик киритилди.

Ҳозирги аниқлаштирилган таҳрирга асосан педагог-кадрлар олий тоифали бўлиб, ўз даражасини 3 марта мажбурий аттестацияда тасдиқлаганларидан сўнг умрбод олий тоифали бўлишлари мумкин.

Мисол учун, 2022 йилда олий таълим муассасасини битирган педагог навбатдан ташқари аттестация имкониятларидан фойдаланиб, 2024 йилда олий тоифали бўлади ва шундан бошлаб 15 йил ичида 3 маротаба (2029, 2034 ва 2039 йилларда) тасдиқлайди. Бундай ҳолатда педагог 39 ёшида пенсиягача олий тоифани сақлаб қолади.

Аввалги таҳрирда 15 йил давомида олий тоифага эга бўлмай 16-йилда олий тоифани олган педагоглар автоматик равишда умрбод олий тоифани сақлаб қолиши мумкин ёки мумкин эмаслиги борасида турли талқинлар ҳам юзага келган.

Бу эса авваллари 1-тоифали бўлиб, сўнгги аттестацияда олий тоифани олган баъзи устозларнинг кейинчалик ўз малакасини ошириб бормаслигига сабаб бўлаётган эди.


Халқ таълими вазирлигининг расмий саҳифаларига уланиш
Telegram | Youtube | Facebook | Instagram