#Сўнгги_қўнғироқ

Maktabgacha va maktab ta’limi vaziri o‘zi tahsil olgan maktabdagi “So‘nggi qo‘ng‘iroq” tadbirida ishtirok etdi

✅ Bugun vazir Hilola Umarova Toshkent shahridagi 241-maktabda bo‘lib, “Ilmni qadrlang, ilmga intiling” shiori ostida tashkil etilgan “So‘nggi qo‘ng‘iroq” tadbirida ishtirok etdi.

❗️Tadbir avvalida vazir O‘zbekiston Respublikasi Prezidentining bitiruvchilarga tabrigini o‘qib eshittirdi va yangi hayot sari qadam tashlayotgan yoshlarni samimiy tabriklab, ularga muvaffaqiyatlar tiladi.

✔️ Tadbir doirasida Hilola Umarova Toshkent shahridagi maktablarda faoliyat yuritib kelayotgan faxriy ustozlar bilan ham uchrashib, ularning 4 nafarini "Xalq ta'limi fidoyisi", 13 nafarini esa "Xalq ta'limi a'lochisi" ko‘krak nishonlari bilan taqdirladi.

📌 Ma'lumot o'rnida, mazkur maktabni bu yil 39 nafar 11-sinf o'quvchilari bitirdi. Ulardan 7 nafari muddatidan oldin oliy ta'lim muassasalariga o‘qishga qabul qilingan, 4 nafari xalqaro IELTS sertifikatiga ega va 1 nafari fan olimpiadasida oltin medal sohibi hisoblanadi.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

#Сўнгги_қўнғироқ
#Mehrli_maktab

✅ Bugun poytaxtimizdagi barcha umumtaʼlim maktablarida “So‘nggi qo‘ng‘iroq” jaranglab 2022-2023-o‘quv yili yakunlandi. Tadbir “Ilmni qadrlang, ilmga intiling!” shiori ostida tashkil etildi.

✔️Jumladan, bugun "Mehrli maktab" bitiruvchilari uchun ham ustozlar va o‘quvchilar ning ota-onalari ishtirokida “So’nggi qo’ng’iroq” tadbiri tashkil etildi.

❗️Tadbir avvalida bitiruvchi o'quvchilarimiz uchun Maktabgacha va maktab ta'lim vazirining video-tabrigi qo'yib eshittirildi. Shundan so'ng, ustozlar yoshlarni hayotlaridagi yangi sahifalar bilan samimiy qutlab, ularga yangi marralar sari muvaffaqiyat tilashdi.

📌 Maʼlumot uchun, “Mehrli maktab” ni joriy o‘quv yilida 5 nafar 11-sinf bitiruvchilari hamda 8 nafar maktabgacha ta'lim tarbiyalanuvchilari tamomlamoqda.

Vazirlikning rasmiy sahifalariga ulanish
📱Telegram | 📹Youtube | 📒Facebook | 📸Instagram

#Сўнгги_қўнғироқ_таассуротлари

Bugun maktab bitiruvchilari uchun unutilmas kun. Ular jonajon maktabi quchogʻidan uchirma boʻlib, katta hayot va oldiga qoʻygan kelajak maqsadlari sari ilk qadamlarini qoʻyishmoqda.

Biz ham vazirlik jamoasi bilan poytaxtimizdagi 86-maktabda oʻtkazilgan “Soʻnggi qoʻngʻiroq” tadbirida qatnashdik. Tadbir avvalida oʻqib berilgan Davlatimiz rahbarining maktab bitiruvchilariga yoʻllagan bayram tabrigi oʻquvchilarda katta taassurot qoldirdi.

Oʻquvchilar Prezidentimiz tomonidan bildirilgan ezgu tilak va ishonchni oqlash uchun barcha imkoniyatlardan unumli foydalanishga soʻz berishdi.

Men ham bitiruvchilarni bugungi unutilmas kun bilan samimiy tabrikladim hamda katta hayot ostonasida turgan oʻquvchi-yoshlarga ulkan muvaffaqiyatlar tiladim.

Maktab oʻqituvchilari va oʻquvchilari menda katta taassurot qoldirdi. Ayniqsa, bu yil maktabning 4 nafar oʻquvchisi oltin, 2 nafari kumush medallar bilan taqdirlanishini eshitib quvondim. Maktabning iqtidorli 2 nafar oʻqituvchisini “Xalq taʼlimi aʼlochisi” koʻkrak nishoni bilan taqdirladik.

“Soʻnggi qoʻngʻiroq” tadbiridan keyin maktab pedagogik jamoasi bilan uchrashdim hamda ularning taʼlim sifatini oshirish hamda oʻquvchilarning maʼnaviy kamolotini yanada yuksaltirish borasidagi takliflari bilan oʻrtoqlashdim.

Ushbu oʻquv yilida yangicha baholash tizimi asosida tahsil berishni boshlagan maktabda oʻtgan vaqt mobaynida oʻquvchilarning bilim va davomat koʻrsatkichlari sezilarli darajada yaxshilanganligi tizim rahbari sifatida menga katta quvonch ulashdi.