📈 YURTIMIZDA YERDAN FOYDALANISHDA ILG‘OR XORIJIY TAJRIBALAR JORIY ETILADI

Toshkent shahrida BMTning Oziq-ovqat va qishloq xo‘jaligi tashkiloti (FAO)ning “O‘zbekiston tog‘ va vodiy o‘rmonlarini barqaror boshqarish” loyihasi doirasida O‘zbekistonda “Milliy oziq-ovqat xavfsizligi sharoitida yer, baliqchilik va o‘rmonlarga egalik qilishni mas'uliyatli boshqarish bo‘yicha ixtiyoriy ko‘rsatmalarni qo‘llash” masalalariga bag‘ishlangan trening tashkil etildi. Treningni FAOning yerga egalik qilish bo‘yicha xalqaro maslahatchisi Bredli Paterson olib bordi.

✅ Tadbirda Qishloq xo‘jaligi vazirligi, O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vazirligi huzuridagi O‘rmon xo‘jaligi agentligi mutaxassislari, “O‘zdavyerloyiha” davlat ilmiy-loyiha instituti, “O‘rmonloyiha” loyihalash institutining mutaxassislari hamda davlat o‘rmon xo‘jaligi tarmoqlarining vakillari ishtirok etishdi.

📝 O‘tkazilgan trening global huquqiy xujjat haqidagi tushunchamizni yaxshilash, shuningdek, O‘zbekistonning tog‘ va vodiy o‘rmonlarini barqaror boshqarish bo‘yicha amaliy yondashuvlarni ishlab chiqish imkonini berdi. Shuningdek, trening davomida O‘zbekistonda yerga egalik qilish tizimining o‘ziga xos jihatlari muhokama qilindi hamda Global Ekologik Jamg‘armasi (GEF) tomonidan moliyalashtirilayotgan FAOning “O‘zbekiston tog‘ va vodiy o‘rmonlarini barqaror boshqarish” loyihasi haqida umumiy ma'lumot berib o‘tildi.

#Fao #tadbir #baliqchilik

🌐Website💬Telegram💬Facebook📺YouTube📷Instagram