#til_bayrami

Bugun 21-oktyabr — O‘zbek tiliga davlat tili maqomi berilgan kun.

🎊Til millatning maʼnaviy boyligi, xalqning qadr-qimmati ifodasi hisoblanadi. U ajdodlar va avlodlarni bog‘lovchi rishtadir. Til saqlanib, takomillashib borsagina, millat yashaydi, davlatning nomi asrlardan asrlarga o‘tadi.

O‘zbekiston Respublikasi Konstitutsiyasida davlat tilining maqomi huquqiy jihatdan mustahkamlab qo‘yilgan. Unda davlat tili o‘zbek tili ekanligi, O‘zbekiston Respublikasi o‘z hududida istiqomat qiluvchi barcha millat va elatlarning tillari, urf-odatlari va anʼanalari hurmat qilinishini taʼminlashi, ularning rivojlanishi uchun sharoit yaratishi ta’kidlangan.

Qishloq xo‘jaligi sohasida ham o‘zbek tilining nufuzini mustahkamlash, davlat tilida ish yuritishni samarali tashkil qilish hamda qonun hujjatlariga so‘zsiz rioya etilishiga erishish borasida tizimli ishlar olib borilmoqda. Ona tilimizning xalqaro miqyosdagi obro‘-eʼtiborini yuksaltirishda, uni milliy va umumbashariy tushunchalar asosida taraqqiy etgan tillar safiga qo‘shishda har birimiz tilimizga chuqur hurmat bilan yondashishimiz lozim.

Ona tilimizning nufuzi doimo yuksalaversin!

O‘zbekiston Respublikasi Qishloq xo‘jaligi vazirligi.