💠 Yer osti suv resurslarini muhofaza qilish va ulardan oqilona foydalanish mavzusida matbuot anjumani o‘tkazildi

2023-yil 6-iyun kuni AOKAda “Yer osti suv resurslarini muhofaza qilish va ulardan oqilona foydalanishni tartibga solish bo‘yicha qo‘shimcha chora-tadbirlar to‘g‘risida”gi Prezident qarori ijrosi yuzasidan matbuot anjumani o‘tkazildi.

Matbuot anjumanida Tog‘-kon sanoati va geologiya vazirligi, “O‘zbekgidrogeologiya” DUK rahbariyati va mutasaddi xodimlari ishtirok etdi.

Tadbir davomida spikerlar tomonidan yer osti suv resurslarini muhofaza qilish va ulardan oqilona foydalanish bo‘yicha amalga oshirilayotgan chora-tadbirlar, yer osti suvlariga quduqlarni burg‘ilash uchun ruxsatnoma berishning amaldagi tartibi, Respublika miqyosida yer osti suv konlarining soni, ular bo‘yicha baholangan suv zaxiralarining umumiy hajmi va mavzuga oid boshqa ma’lumotlar berildi.

Shuningdek, matbuot anjumanida yer osti suvlaridan foydalanishning aniq hisobini yuritish, o‘z tasarrufidagi yer osti suv olish inshootlarini suv hisoblash vositalari bilan belgilangan tartibda jihozlash, yer osti suvlari miqdori, Yer osti suvlariga quduq burg‘ilash va ulardan foydalanish bo‘yicha moratoriy joriy etiladigan, yer osti suvlari sathi pasayib ketayotgan hududlar haqida OAV vakillari, jurnalistlarni qiziqtirgan bir qator savollarga javoblar qaytarildi.

#kongeologiya #mingeo #matbuot_anjumani #aoka #yer_osti_suvlari

Сайт | Telegram | Facebook | Instagram | Twitter

💠 OKMKda OAV vakillari, davlat va xo‘jalik boshqaruvi organlari matbuot kotiblari uchun press-tur tashkil qilindi

Joriy yilning 17-noyabr kuni O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi tomonidan Olmaliq kon-metallurgiya kombinati bilan hamkorlikda davlat hokimiyati va boshqaruvi organlari axborot xizmati rahbarlari hamda ommaviy axborot vositalari vakillari uchun press-tur tashkil etildi.

Press-tur ishtirokchilari “Olmaliq KMK” AJ Axborot xizmati faoliyati hamda kombinat tomonidan amalga oshirilayotgan investitsiyaviy loyihalar bilan tanishdilar.

Dastlab, ishtirokchilar kombinat tarixi muzeyini ko‘zdan kechirishdi. Shundan so‘ng, OKMK Axborot xizmati faoliyati, dunyodagi eng yirik konlardan biri Qalmoqqir koni, shu bilan birga “Yoshlik-1” konida amalga oshirilayotgan ishlar, DPU-1 qurilmasida ma’dan maydalanish hamda magistral konveyerda ma’danni fabrikaga transportirovka qilish jarayonini kuzatishdi.

Shuningdek, Markaziy ta’mirlash mexanika zavodi, sanatoriy-profilaktoriydagi shart-sharoitlar, ishchilarning salomatligini tiklashi uchun amalga oshirilayotgan ishlar, OKMK sport majmuasi haqida OAV vakillariga to‘liq ma'lumot berildi.

Press-tur davomida Axborot va ommaviy kommunikatsiyalar agentligi xodimlari, OAV vakillari hamda matbuot kotiblari tomonidan “Yashil makon” umummilliy loyihasi doirasida daraxt ekish aksiyasi ham bo‘lib o‘tdi. Kombinat sport majmuasi hududida tashkil qilingan bog‘da ko‘plab mevali va manzarali daraxt ko‘chatlari o‘tqazilib, “Matbuot kotiblari bog‘i” tashkil etildi.

#kongeologiya #mingeo #OKMK #AOKA #press_tur

Сайт | Telegram | Facebook | Instagram | Twitter | YouTube

💠 Kon-geologiya sohasi axborot xizmatlari xodimlari uchun seminar-trening tashkil qilindi

Tog‘-kon sanoati va geologiya vazirligi hamda uning tizimosti, korxona, tashkilot, muassasalari axborot xizmatlarida faoliyat olib borayotgan matbuot kotiblari, mas’ul xodimlar uchun “Geologiya, togʻ-kon sanoati, metallurgiya sohasini ommaviy axborot vositalarida yoritishda yangicha yondashuv, oʻzaro hamkorlik, kommunikatsiyalar, tezkor axborot almashinuvini amalga oshirish” mavzusida seminar-trening o‘tkazildi.

Tadbirda AOKA bo‘lim boshlig‘i M.Parpiyev, agentlik Axborot xizmati yetakchi mutaxassisi M.Fayziyev hamda “Olmaliq kon-metallurgiya kombinati” AJ Axborot xizmati rahbari U.Qarshiboyeva tomonidan ommaviy axborot vositalari bilan ishlash, soha qonunchiligidagi o‘zgarishlar, tashkilot imijini yaratish, rasmiy munosabat bildirish, raddiya berish tartibi, mediakontent yaratishda e’tibor qaratish zarur bo‘lgan jihatlar, inqirozli vaziyatlarda to‘g‘ri harakat qilish, PR strategiya ishlab chiqish hamda tashqi kommunikatsiya vositalaridan foydalanish haqida taqdimotlar qilindi.

Interaktiv tarzda, qiziqarli savol-javoblarga boy o‘tgan seminar-trening davomida ekspertlar hamda ishtirokchilar o‘rtasida soha bo‘yicha fikr almashildi.

🔹 🔹 🔹

💠 Организован семинар-тренинг для сотрудников информационных служб в сфере горнодобывающей промышленности и геологии

Организован семинар-тренинг на тему «Новый подход к освещению в СМИ сферы геологии, горнодобывающей промышленности и металлургии, коммуникации, осуществление оперативного обмена информацией» для пресс-секретарей и ответственных сотрудников, работающих в информационных службах подведомственных организациях, учреждениях и предприятиях Министерства горнодобывающей промышленности и геологии.

На мероприятии начальник отдела АИМК М.Парпиев, ведущий специалист информационной службы агентства М.Файзиев и руководитель информационной службы АО «Алмалыкский горно-металлургический комбинат» У.Каршибоева продемонстрировали презентации о работе со средствами массовой информации, о важности знания нормативно-правовых документов, создании имиджа организации, реагировании на инфоповоды, процедуре публикации опровержений, аспектах, на которые необходимо обратить внимание при создании медиаконтента, действиях в кризисных ситуациях, разработке PR-стратегии и использовании внешних средств коммуникации.

В ходе семинара-тренинга эксперты и участники обменялись мнениями по тематике, делились своими навыками и обсудили интересующие их вопросы.

#kongeologiya #mingeo #seminar_trening #AOKA

Сайт | Telegram | Facebook | Instagram | Twitter | YouTube

💠 AOKAda Kon-geologiya vazirligining matbuot anjumani o‘tkazildi

Joriy yilning 30-sentabr kuni Axborot va ommaviy kommunikatsiyalar agentligida Geologiya fanlari universiteti faoliyatining ustuvor yo‘nalishlari, geologiya sohasi mutaxassislarini tayyorlash, qayta tayyorlash va ularning malakasini oshirish tizimini zamon talablariga moslashtirish borasida amalga oshirilayotgan ishlar yuzasidan matbuot anjumani bo‘lib o‘tdi.

Tadbirda spikerlar Tog‘-kon sanoati va geologiya vazirligi bo‘lim boshlig‘i O.Qodirov, Geologiya fanlari unversiteti rektori M.Isoqov hamda universitet prorektori L.Sharafutdinova tomonidan sohada ta’limga berilayotgan e’tibor, universitetda talabalarga yaratilgan shart-sharoitlar, erishilayotgan yutuqlar, xalqaro hamkorlik natijasida xorij oliygohlari bilan amalga oshirilayotgan loyihalar yuzasidan ma’lumot berishdi.

Shuningdek, ishtirokchilar tomonidan berilgan tog‘-kon sanoati va geologiya sohasida yoshlarni ish bilan ta’minlash, talabalarning nazariy va amaliy bilimlarini mustahkamlash, ularning sohada o‘z o‘rnini topishi uchun ko‘maklashish borasida qilinayotgan ishlar haqidagi savollarga javoblar berildi.

Batafsil

🔹 🔹 🔹

💠 В АИМК состоялась пресс-конференция министерства горнодобывающей промышленности и геологии

30 сентября текущего года в Агентстве информации и массовых коммуникаций состоялась пресс-конференция, посвященная Приоритетным направлениям деятельности университета геологических наук, проводимой работе по адаптации системы подготовки, переподготовки и повышению квалификации специалистов в области геологии к современным требованиям.

Начальник отдела министерства горной промышленности и геологии О.Кодиров, ректор университета геологических наук М.Исоков и проректор университета Л. Шарафутдинова проинформировали участников о внимании, уделяемом образованию в сфере, условиях, созданных для студентов в университете, достижениях, реализуемых проектах с зарубежными вузами в результате международного сотрудничества.

Также были даны ответы на заданные участниками вопросы о проводимой работе по трудоустройству молодежи в горнодобывающей промышленности и геологии, укреплению теоретических и практических знаний студентов, содействию их поиску места в отрасли.

#kongeologiya #mingeo #matbuot_anjumani #GFU #AOKA

Сайт | Telegram | Facebook | Instagram | Twitter | YouTube

💠 AOKAda boʻlib oʻtgan matbuot anjumani xususida

2024-yil 12-dekabr kuni Axborot va ommaviy kommunikatsiyalar agentlgida Togʻ-kon sanoati va geologiya vazirligi rahbariyati ishtirokida oʻtkazilgan matbuot anjumanida joriy yilning oʻtgan davrida amalga oshirilgan ishlar, erishilgan natijalar haqida maʼlumot berildi. Tadbirda Togʻ-kon sanoati va geologiya vaziri oʻrinbosari U.Yusupov, vazir maslahatchilari hamda vazirlik masʻullari ishtirok etishdi.

Matbuot anjumanida soʻngi yillarda, kon-metallurgiya sohasi respublikamiz iqtisodiyotining oʻsish darajasini taʼminlash, hududlarda zamonaviy ishlab chiqarish quvvatlarini barpo etish orqali yangi ish oʻrinlarini tashkil etish, aholiga zarur shart-sharoitlarni yaratish va farovonligini oshirishda asosiy yoʻnalishlardan biri boʻlib xizmat qilayotgani, soʻnggi 5 yil davomida metallurgiya korxonalarini transformatsiya qilish tufayli sezilarli yutuqlarga erishildi, ishlab chiqarish hajmi 122,7 trln soʻmga yetgani taʻkidlandi.

Shuningdek, Togʻ-kon sanoati va geologiya vazirligida tizimli boshqaruvni yanada jadallashtirish boʻyicha “Yer qaʼri toʻgʻrisida”gi Oʻzbekiston Respublikasi Qonuni qabul qilindi. Mazkur qonunni ishlab chiqishda Avstraliya, Kanada, Turkiya, Qozogʻiston kabi davlatlarning sohadagi tajribasi oʻrganildi, ham xorijiy investorlar uchun, ham davlat uchun oʻzaro manfaatli boʻlgan shart-sharoitlar yaratilgani qayd etildi.

2024-yilga moʻljallangan investitsiya dasturiga muvofiq, Togʻ-kon sanoati va geologiya vazirligi boʻyicha joriy yilda umumiy qiymati 27,3 mlrd dollar boʻlgan 60 ta loyiha doirasida 3,5 mlrd dollar investitsiyalar oʻzlashtiriladi, shundan geologiya sohasida 570 mln dollar investitsiyalar oʻzlashtirilib, reja 100 foizga bajarilishi taʼminlanadi.

Tadbirda tadbirkorlarga elektron auksion orqali taklif etilayotgan uchastkalar hamda yer maydonlari, sohada taʻlim, geologiya qidiruv ishlari, togʻ-kon sanoati va geologiya sohasidagi nazorat organlarining faoliyati, ilmiy loyihalar hamda boshqa masalalar muhokama qilindi.

Jurnalistlarni va tadbir ishtirokchilarini qiziqtirgan savollarga matbuot anjumani spikerlari, kon-geologiya vazirligi masʻullari tomonidan javoblar qaytarildi.

#kongeologiya #mingeo #matbuot_anjumani #AOKA

Сайт | Telegram | Facebook | Instagram | Twitter | YouTube