⚡️Президент Шавкат Мирзиёев Тошкентда ҳаракатланиш тезлиги кўпи билан 60 км/соатгача белгиланиши бўйича қарор чиқишини айтди.

@uzbyuksalish

Мухаммад Захириддин Бабур — прямой потомок Амира Темура (в пятом поколении), талантливый военачальник, основатель империи Бабуридов, которая правила в Индиии 332 года, поэт, писатель, созидатель.

Знаете ли вы, что в честь Бабура названы
▫️крылатая ракета, которую Пакистан испытал в 2005 году;
▫️улицы в городах Индии, Пакистана и Бангладеша, а также в Алматы и Шымкенте
▫️мечеть в индийской Айодхье;
▫️Сад в Кабуле (Бог-и Бобур);
▫️Ошский государственный академический узбекский музыкально-драматический театр;
▫️ школа в селе Аксукент Сайрамского района Южно-Казахстанской области.
▫️парк и улица в Ташкенте, парки, улицы в Намангане, Фергане и Нукусе.
▫️международный аэропорт, театр, университет, библиотека, проспект, музей в Андижане.

Другие факты о наследии Бабура в нашей #инфографике.

@uzbyuksalish

Заҳириддин Муҳаммад Бобур соҳибқирон Амир Темурнинг бешинчи авлоди, шоҳ ва шоир, давлат арбоби, 332 йил ҳукмронлик қилган Ҳиндистондаги буюк Бобурийлар салтанатининг асосчиси.

Бобур номи билан аталади:

▫️2005 йил Покистонда синовдан ўтказилган ракета;
▫️Ҳиндистон, Покистон ва Бангладешдаги кўчалар;
▫️Ҳиндистондаги Айодхья масжиди;
▫️Афғонистоннинг Кобул шаҳридаги боғ (Боғи Бобур);
▫️Ўш давлат академик ўзбек мусиқали драма театри;
▫️Қозоғистоннинг Олмаота, Чимкент шаҳарларидаги кўчалар, Сайрам туманидаги қишлоқ мактаби;
▫️Тошкент шаҳридаги боғ ва кўча, Наманган ва Андижондаги марказий кўчалар, Фарғона ва Нукусдаги кўчалар;
▫️Андижондаги халқаро аэропорт, театр, университет, музей, кутубхона ва миллий боғ.

Бобур мероси ҳақида бошқа фактлар бизнинг #инфографикада.

@uzbyuksalish

Тошкентда Халқаро мунозара клубининг “Демократлаштириш, фаол фуқаролик жамияти ва инсон ҳуқуқлари устуворлиги” мавзусида навбатдаги сессияси бошланди. Унда Марказий Осиё давлатларининг “ақл марказлари”, фуқаролик жамияти институтлари вакиллари ва халқаро экспертлар иштирок этмоқда.

Тадбир “Юксалиш” умуммиллий ҳаракати томонидан Жаҳон иқтисодиёти ва дипломатия университети билан ҳамкорликда Конрад Аденауэр номидаги фонднинг Марказий Осиёдаги ваколатхонаси кўмагида ўтказилди. Тадбирнинг ахборот ҳамкори Халқаро пресс-клуб.

@uzbyuksalish

Содиқ Сафоев, Халқаро мунозара клуби раиси: Замонавийлашган жамиятнинг доимий тараққиётини алоҳида шахслар эмас, ички тизим ишлаши таъминлайди.

— Замонавийлашган жамият доимий тараққиётни таъминловчи ички механизмларга эга. Бу алоҳида шахсга эмас, тизим ишлашига боғлиқ. Механизмларнинг энг муҳимларидан бири — ҳокимиятнинг учта тармоғи ичидаги бир-бирини тийиб туриш тизими, давлат бошқарув тизимини марказлаштириш, хусусий мулк дахлсизлигини, ривожланган фуқаролик жамиятини ва қонун устуворлигини талаб этади. Бугун Ўзбекистон чуқурроқ, мураккаброқ, фундаментал ўзгаришлар бўсағасида турибди.

@uzbyuksalish

Ронни Хайне, К.Аденауэр номидаги фонднинг Марказий Осиёдаги ваколатхонаси минтақавий вакили:

— Ўзбекистонда иқтисодий, ижтимоий соҳалардаги чуқур ва динамик характерга эга бўлган ўзгаришлар содир бўляпти ва бу мамлакатнинг нафақат минтақада, балки жаҳонда тутган имиджини оширмоқда. Ўзбекистон фуқароларнинг қарорлар қабул қилиш жараёнидаги иштирокини кенгайтириш, сиёсий институтларни демократлаштириш ва фуқаролик жамиятини ривожлантириш ғояларига содиқлигини намоён этмоқда. Бу эса ривожланиш, фаровонлик омили бўлиб хизмат қилади, янги импулслар беради.

@uzbyuksalish

Досим Сатпаев, сиёсатшунос, Қозоғистон жамоат арбоби:

— Ижтимоий тармоқлар жамоатчиликнинг у ёки бу ҳодисаларни қизғин муҳокама қилиш нуқтаи назардан "домино эффекти"ни яратади. Фуқароларнинг бундай фаоллиги бир неча сабабларга кўра, ижобий тенденция ҳисобланади.

Биринчидан, сиёсий маданият даражаси кўтарилади, чунки муайян муаммони ҳал қилишда иштирок этиш кузатилади.

Иккинчидан, кўпчилик жамиятдаги муаммолар ҳақида ташвишлана бошлайди.

Учинчидан, волонтёрлар ҳаракати кўз ўнгимизда ривожланади, бу эса истиқболдаги фуқаролик жамиятининг асосларидан биридир. Зеро, қонун доирасидаги ҳар қандай фуқаролик фаолияти ичкаридан бўладиган ижтимоий тажовузлардан яхшироқдир.

@uzbyuksalish

Бобур Бекмуродов, "Юксалиш" умуммиллий ҳаракати раиси:

— Мамлакатимизда бошқа соҳаларда бўлгани каби сўз эркинлиги, демократлаштириш борасида ҳам жадал ривожланиш кузатилмоқда. Фуқаролик жамиятининг, нодавлат ташкилотларининг Халқаро мунозара клуби майдонида, яъни мулоқот платформаларида фаоллиги, ўйлаймизки, давлат томонидан қабул қилинаётган қарорларнинг инклюзивлигини таъминлайди. Жамиятнинг барча қатламлари манфаатларини эътиборга олиш, турли ижтимоий муаммолар бўйича ягона позицияни ишлаб чиқиш имкониятини ҳам беради.

Бу каби мунозаралар кўламини янада кенгайтиришни ва яқин орада Марказий Осиё фуқаролик жамияти форумини ташкил этишни режалаштирганмиз. Унда минтақага оид муаммоли масалалар таҳлил қилинади, уларнинг ечимлари ва таклифлари ишлаб чиқилади. Эндиликда эришилган ютуқлар билан тўхтаб қолиш эмас, балки ислоҳотларнинг иккинчи босқичига ўтишимиз керак.

@uzbyuksalish