QAHVA DARAXTI NECHA METR BO‘LADI?

☕️Dunyoda ilk bor ingliz kimyogari Jorj Konstant Vashington tez eriydigan qahvani ishlab chiqarish texnologiyasini yaratadi va «Red E Coffee» savdo belgisi ostida qahva chiqaradi. Birinchi jahon urushi davrida aynan shu qahva amerikalik askarlarning taomnomasiga kiritilgan va shu orqali ichimlik ommalashgan.

Urushdan so‘ng oila va tanishlar davrasida qahva ichish odati yoyilgan. Biroq, bu qahvaning sifati ancha past edi – uni quruq holda chaynashar yoki sovuq suv bilan suyultirib ichishardi.

1930-yillarda shveytsariyalik kimyogar, “Nestle” kompaniyasi xodimi Maks Morgentaler qahva donalarining barcha xususiyatlarini saqlab qolgan va uzoq muddatli saqlashga mo‘ljallangan «qahva kubik»larni yaratadi. Uni ichish uchun issiq suv qo‘shish kifoya edi.

1938-yil 24-iyulda tez eriydigan qahvaning eng sifatli namunasi ishlab chiqariladi. U tez orada mashhur “Nescafe” brendga aylanadi.

Qahva daraxti kesib turilmasa, 15 metrgacha o‘sadi va bu uning hosilini terishga imkon bermaydi.

Qahvaning doni xomligida yashil, pishib yetilgach qizil rangda bo‘ladi. Ular qovurilgandan so‘ng jigarrangga kiradi.

Qahva donasidan tibbiyotda ishlatiladigan kofein olinadi.

#bu_qiziq #qahva

WWW • TELEGRAM • FACEBOOK • YOUTUBE • INSTAGRAM