AGRAR SOHA XODIMLARI DAVLAT MUZEYLARIDAGI EKSPONATLAR BILAN TANISHMOQDA

👥“Moziyga sayohat” dasturi doirasida belgilangan vazifalar ijrosini ta’minlash maqsadida vazirlik markaziy apparati va uning tizimidagi tashkilotlar xodimlarining Toshkent shahridagi davlat muzeylariga tashriflar tizimli tashkil etilmoqda.

Jumladan, Temuriylar tarixi, Toshkent shahri tarixi, O‘zbekiston tarixi muzeylariga joriy yilning mart oyida tizimdagi tashkilot, korxona va muassasalar xodimlari o‘z oila a’zolari bilan birgalikda sayohat qilishdi.

Muzeylarda mamlakatimizning boy madaniy, tarixiy, ilmiy merosi jahon tamadduniga salmoqli hissa qo‘shgan buyuk alloma va mutafakkirlarning munosib vorislari istiqomat qiluvchi yurt sifatida jahonda e’tirof etilgani haqidagi eksponatlar xodimlarda katta taassurot qoldirdi.

Ushbu tashriflar vazirlik tizimidagi tashkilotlar xodimlari tomonidan yil davomida rejali ravishda amalga oshirilishi ko‘zda tutilgan.

#muzey #tashrif #madaniy_hordiq

WWW • TELEGRAM • FACEBOOK • YOUTUBE • INSTAGRAM