#Live

✅Ayni paytda Poytaxtimizdagi “FrankFort” mehmonxonasida Butunjahon yer kuni munosabati bilan “Yerlar degradatsiyasiga qarshi kurashishning intensiv va innovatsion yechimlari” mavzusida xalqaro anjuman bo‘lib o‘tmoqda.

📌Unda o‘zgaruvchan iqlim sharoitida O‘zbekiston va Markaziy Osiyo qishloq xo‘jaligidagi muammolar, ekologik tahdidlarni oldini olish masalalari muhokama qilinmoqda.

🌐Website 💬Telegram 💬Facebook 📺YouTube 📷Instagram

#Live

🔰Xalqaro konferensiyada taʼkidlanganidek, iqlim oʻzgarishining ortib borishi bois yurtimizda yerlar degradatsiyasiga qarshi kurashishga katta eʼtibor qaratilmoqda. Bu borada Oʻzbekiston Respublikasi Qishloq xoʻjaligi vazirligi BMTning Oziq- ovqat va qishloq xoʻjaligi tashkiloti – FAO bilan hamkorlikda qator loyihalarni muvaffaqiyatli amalga oshirmoqda.

⬛️Global ekologik jamgʻarma (GEF) tomonidan moliyalashtiriladigan “Oʻzbekistonda oziq-ovqat tizimlarining yerdan foydalanish va qayta tiklashga taʼsirini baholash dasturi” hamda “Oʻzbekistonning qurgʻoqchilikka uchragan ekotizimlarida yaylovlar va oʻrmonlarni barqaror boshqarish” loyihalari shular jumlasidandir.

🌐Website 💬Telegram 💬Facebook 📺YouTube 📷Instagram

#Live

🇺🇿 Xabar berganimizdek, Jizzax viloyatining G‘allaorol tumanida "Lalmi maydonlarda no‘xat yetishtirishni ko‘paytirishda mineral o‘g‘itlardan foydalanish" mavzusidagi o‘quv-amaliy seminari davom etmoqda.

✅Ayni damda seminar ishtirokchilariga no‘xat yetishtirishda e’tibor qaratish lozim bo‘lgan jihatlar va hosildorlikni oshirish bo‘yicha ilg‘or texnologiyalarni qo‘llash, bu borada xorij tajribasi hamda lalmi va sug‘oriladigan yerlar uchun yaratilgan xo‘raki no‘xat navlari, nav yaratishda birlamchi material sifatidagi kolleksiya namunalari haqida soha mutaxassislari va olimlar tomonidan ma’lumotlar berilmoqda.

ℹ️ No‘xat yetishtiruvchilar va uni eksport qiluvchilar o‘zlarini qiziqtirgan barcha savollarga javob olish bilan birga tomonlar uchun foydali bo‘lgan takliflarni ham o‘rtaga tashlashmoqda.

🌐Website 💬Telegram 💬Facebook 📺YouTube 📷Instagram

#Live

🗣Xabar berganimizdek, kuni kecha Jizzax viloyatining G'allaorol tumanida lalmi yer maydonlarida no’xat yetishtirishda ilg’or texnologiyalarni qo’llash va mineral o’g’itlardan oqilona foydalanish bo’yicha o‘quv-amaliy seminar bo’lib o’tgan edi.

🇺🇿 Ushbu seminarning davomi o'laroq, ayni daqiqalarda Samarqand viloyati Payariq tumanida ham o'quv-amaliy seminar bo'lib o'tmoqda.

ℹ️Seminarda Qishloq xo‘jaligi vazirligi mas'ul xodimlari, tizim tashkilotlari rahbarlari, Samarqand viloyatidagi tuman hokimlarining Qishloq va suv xo‘jaligi masalalari bo‘yicha o‘rinbosarlari, elita urug‘chilik xo‘jaliklari, no‘xat yetishtiruvchi fermer xo‘jaliklari hamda eksportchi korxonalar rahbarlari – jami 180 nafar ishtirokchi qatnashmoqda.

✍️Dastavval, seminar ishtirokchilari Payariq tumani Ko’lto’sin MFY hududidagi lalmikor "Bekboyev Hasan dalasi" fermer xo‘jaligida no‘xat qator orasiga ishlov berish hamda azotli mineral o‘g‘it bilan oziqlantirish borasida yangi texnologiyalar hamda bilimlarni soha mutaxassislaridan olishdi.

🪧 Shundan so’ng, seminar ishtirokchilariga lalmi sharoitda no’xat yetishtirish holati va hosildorlikni oshirish bo’yicha ilg’or texnologiyalarni qo’llash hamda xorij davlatlari tajribasi to’g’risida ma’lumotlar berilmoqda. Seminar qiziqarli, savol-javob tarzida o’tmoqda.

✅ Aytish kerak, bu kabi seminarlar no’xat yetishtirishda hosildorlikni oshirishda muhim ahamiyat kasb etadi.

🌐Website 💬Telegram 💬Facebook 📺YouTube 📷Instagram

#Live

✅Avval xabar berganimizdek, FAOning chegara hududlarida amalga oshirilgan loyiha sarhisobiga bagʻishlangan tadbir davom etmoqda.

✅Unda soʻzga chiqqanlar Oʻzbekiston va Qirgʻiziston chegara hududlarida 700 nafardan ortiq kishini birlashtirgan 66 ta oʻz-oʻziga yordam guruhlari tashkil etilgani va ular tomonidan iqlimga mos qishloq xoʻjaligi uchun innovatsion yechimlar ishlab chiqilgani hamda ikki davlatda aynan agrar sohada ayollar tadbirkorligi va hamkorligini rivojlantirishga qaratilgan 60 ga yaqin tashabbuslar qoʻllab -quvvatlangani ushbu loyihaning eng katta yutuqlaridan biri sifatida eʼtirof etildi.

🌐Website 💬Telegram 💬Facebook 📺YouTube 📷Instagram

#LIVE

🟢Ayni paytda sohada amalga oshrilayotgan ishlar natijadorligi bilan tanishish maqsadida Farg‘ona viloyatida bo‘lib turgan vazir Ibrohim Abdurahmonov Yozyovon tumanida joylashgan “Bahrombek” fermer xo‘jaligi dala maydoni bilan tanishdi.

➡️11 gektar maydonni egallagan mazkur hududda bug‘doyning “Davr” navi ekilgan bo‘lib, tadbirkorning so‘zlariga ko‘ra, keyingi 5 kun ichida g‘allani o‘rib olish ishlariga start beriladi va gektaridan 100 sentnergacha hosil olish ko‘zda tutilgan. Yig‘ib olingan hosil mahalliy va xorijiy bozorlarga qayta ishlash orqali un olish maqsadida yo‘naltiriladi.

📌Vazir, tadbirkor bilan bo‘lgan samimiy muloqotda, g‘alla yig‘ib olingandan keyingi jarayonda takroriy ekin ekish, tuproq unumdorligini oshirish hamda viloyat oziq-ovqat xavfsizligini ta’minlashda muhim ahamiyat kasb etishini qayd etdi.

🌐Website 💬Telegram 💬Facebook 📺YouTube 📷Instagram

#Live

🟢Ayni paytda, Andijon viloyati Baliqchi tumanida bo‘lib turgan vazir Ibrohim Abdurahmonov “G‘ofir hoji” fermer xo‘jaligi dala maydonida ekilgan “O‘zPITI-76” mahalliy gʻoʻza navining yetishtirish jarayoni bilan tanishdi.

✅Qo‘shqator usulida yetishtirilayotgan mazkur navdan kelgusida 65-70 sentner hosil olish ko‘zda tutilgan.

➡️Vazir mazkur dala maydonida olib borilayotgan ishlar bilan yaqindan tanishar ekan, ilmiy yondashuv asosida ilgʻor va zamonaviy qishloq xoʻjaligi agrotexnologiyalarini ishlab chiqish, gʻoʻzani yetishtirish davrida alohida nazorat olib borish yuqori hosil olishda muhim ahamiyat kasb etishini alohida qayd etdi.

🌐Website 💬Telegram 💬Facebook 📺YouTube 📷Instagram

#Live

🎦Andijon viloyati Baliqchi tumanida bo‘lib turgan vazir Ibrohim Abdurahmonov Bobur mavzesida joylashgan “2020-Baraka” fermer xo‘jaligi dalasi bilan yaqindan tanishdi.

🔘Bu yerdagi olib borilayotgan ishlar qoniqarli darajada emas. Sababi, agrotexnik tadbirlar o‘z vaqtida bajarilmagan, chigit ekish texnologiyalariga ham amal qilinmagan, tomchilatib sug‘orish texnologiyasidan foydalanish ham aytarli darajada emas. Vazirning e’tiroziga sabab bo‘lgan jihat ham ayni shu.

✅Vazir o‘z navbatida, qator oralari begona o‘tlardan tozalash, ilmiy yondashuv asosida samarali ish olib borish, bunda eng avvalo, tuman, shuningdek viloyat oziq-ovqat xavfsizligini ta’minlashda aynan agrar tarmoqni rivojlantirish orqali erishish mumkinligini inobatga olgan holda ish yuritish zarurligini qayd etdi.

🌐Website 💬Telegram 💬Facebook 📺YouTube 📷Instagram

#Live

🟢Ayni daqiqalarda Toshkent davlat agrar universitetida Qishloq xo‘jaligi vazirligi, Yoshlar ishlari agentligi, O‘zbekiston "Agrar soha ayollari" uyushmasi, Yevropa Ittifoqi hamda BMT Taraqqiyot Dasturi hamkorligida vazirlik tizimidagi 10 ta oliy ta’lim muassasalaridagi talaba yoshlar o‘rtasida “Yoshlar va innovatsion qishloq xo‘jaligi” ko‘rik-tanlovining final bosqichi bo‘lib o‘tmoqda.

💬Tadbirni Qishloq xo‘jaligi vaziri Ibrohim Abdurahmonov ochib berib, “Yoshlar va innovatsion qishloq xo‘jaligi” ko‘rik-tanlovining finalning mazmun-mohiyati va qishloq xo‘jaligida innovatsion kashfiyotlarning ahamiyati haqida so‘z yuritdi. 

✅Ushbu tanlovni tashkil etishdan asosiy maqsad qishloq xo‘jaligiga yuqori malakali mutaxassislarni tayyorlash tizimini takomillashtirish, qishloq xo‘jaligi tarmoqlarida zamonaviy fikrlovchi, qishloq xo‘jaligining turli tarmoq va sohalarini bugungi keskin iqlim o‘zgarishi sharoitiga moslashtirishga oid ilg‘or fikrga ega, o‘zi tanlagan ixtisoslik bo‘yicha tashabbuskor va faol talabalar safini kengaytirish va ularni qo‘llab quvvatlash, sohada har tomonlama yetuk kadrlarni tayyorlashdan iborat.

🌐Website 💬Telegram 💬Facebook 📺YouTube 📷Instagram

#Live

🗣Ayni daqiqalarda poytaxtimizdagi “International hotel Tashkent” mehmonxonasida O’zbekiston Respublikasi Prezidentining tadbirkorlar bilan ochiq muloqotiga tayyorgarlik ko‘rish doirasida qishloq xo’jaligi sohasidagi tadbirkorlar bilan davra suhbati o’tkazilmoqda.

👥Tadbirda Qishloq xo’jaligi vazirligi, Moliya vazirligi, Soliq qo’mitasi, Biznes-ombudsman va agrar sohaga aloqador bir qator tashkilotlar vakillari hamda soha tadbirkorlari ishtirok etishmoqda. Qizg‘in va ko‘tarinki ruhda o‘tayotgan davra suhbatida tadbirkorlar tomonidan berilayotgan savollarga batafsil javob berish bilan birga, ular ish faoliyatida duch kelayotgan ba'zi muammolarning yechimlari bo‘yicha ham fikrlar bildirilb, mutasaddilarga tegishli topshiriqlar ham berilmoqda.

🔗 Qishloq xo‘jaligi sohasidagi tadbirkorlar bilan uchrashuvni ushbu havola orqali kuzatishingiz mumkin.

🌐Website 💬Telegram 💬Facebook 📺YouTube 📷Instagram