Ustuvor vazifalar ijrosi belgilab olindi

🇺🇿 Qishloq xo‘jaligi vaziri Ibrohim Abdurahmonov rahbarligida qishloq xo‘jaligi vazirligining tizim tashkilotlari, ilmiy-tadqiqot institutlari va hududiy viloyat boshqarma boshliqlari ishtirokida kengaytirilgan yig‘ilish o‘tkazildi.

✅ Yig‘ilishda, islohotlarni chuqurlashtirish va vazirlik faoliyatini transformatsiya qilishga qaratilgan ustuvor vazifalar, sohaga oid qabul qilingan Qonunlar, Prezident Farmon, Qaror va topshiriqlari ijrosini o‘z vaqtida ta’minlash masalalari ko‘rib chiqildi. Qayd etildiki, davlatimiz rahbari imzo chekkan har bir hujjat mohiyatini avvalo soha vakillarining o‘zlari teran anglagan holda, joylarda targ‘ib etilishi hamda bajarilishiga shaxsiy tashabbus ko‘rsatishi darkor. Ish usuli, mehnat faoliyatining asosini dehqon-fermerlar manfaatdorligini oshirishga qaratish lozim. Bunda tizimda ko‘p yillardan beri samarali faoliyat yuritib kelayotgan fidoiylarning hayotiy tajribasidan o‘rganish lozimligi ham e’tirof qilindi.

🔬 Yig‘ilishda qishloq xo‘jaligining lokomotivi bo‘lishi kerak bo‘lgan ilmiy muassasalar, ilmiy-tadqiqot institutlari faoliyati tahlil qilindi. Bugungi kun nafasi hamda dunyoda yuz berayotgan o‘zgarishlar mazkur muassasalarni qamrab ololmayotgani qayd etildi. Olimlarimiz uyg‘oq bo‘lishi, ilmiy faoliyatni har qachongidan yuksaltirishi lozimligi bildirildi. Ishlanmalar agarda ilm-fan bilan amalga oshirilmas ekan, uning istiqboli ham mavhum bo‘lishi qayd etildi.

💼 Tanqidiy ruhda o‘tgan yig‘ilishda topshiriqlar ijrosi, qishloqda tadbirkorlikni rivojlantirish, yer va suv resurslaridan oqilona foydalanish, mamlakat aholisini kafolatlangan oziq-ovqat mahsulotlari bilan ta’minlash masalasiga alohida e’tibor qaratildi.

🌱 O‘z navbatida, Vazir agrar sohani yanada rivojlantirish, kelgusida qilinajak ishlar va uning yechimlari borasida ham o‘z fikrlarini bildirib o‘tdi. Bu borada tashabbus va takliflar, konstruktiv muloqot ruhi ustivor bo‘lishi lozimligi qayd etildi.

🌐Website💬Telegram💬Facebook📺YouTube📷Instagram

To'qsonbosti usulida ekin ekish ishlari davom etmoqda

O‘zbekiston Respublikasi Qishloq xo‘jaligi vazirining birinchi o'rinbosari Botir Tog'ayev agrar sohada joylardagi islohotlar izchilligini ta’minlash, olib borilayotgan ishlar bilan tanishish shuningdek, dala chetlariga mevali daraxtlar, bog' va tok qator oralarini shudgorlash, tut, terak ko‘chatlari hamda to‘qsonbosti ekinlar ekish jarayoni bilan tanishish maqsadida Buxoro viloyatida ishchi tashrif bilan bo‘lib turibdi.

Botir Tog'ayev ishchi tashrif rejasiga ko‘ra viloyatning Kogon tumanida bo‘lib,  dala chetlaridan samarali foydalanish  bo‘yicha  hamda “Yashil makon” loyihasi doirasida shu kungacha amalga oshirilgan ishlar bilan tanishdi.

Shuningdek, O'zbekiston Respublikasi Prezidenti maslahatchisi Sh.G'aniyev rahbarligida qishloq xo'jaligi masalalariga bag'ishlab o'tkazilgan yig'ilishi ijrosi hamda viloyat qishloq xo'jaligi hududiy boshqarmasi, bo'lim va departamentlarda "ijro.gov.uz" tizimida bajarilishi lozim bo'lgan topshiriqlar ijrosini tashkil etish yuzasidan vazifalar belgilab berildi.

Bundan tashqari, Vazirning birinchi o'rinbosari Botir Tog'ayev Buxoro viloyati hokimi B.Zaripov bilan Buxoro shahri  "Qurilish" MCHJ ga qarashli 12 gektar maydonda barpo etilgan bog' bilan tanishdi. U yerda dehqon va fermerlar bilan suhbatlashar ekan  “Yashil makon” loyihasining ahamiyati, dala chetlaridan samarali foydalanish maqsadida ekiladigan ekinlar va mevali daraxt turlarini to‘g‘ri tanlash bo‘yicha tavsiyalar o‘rtaga tashlanib, to'qsonbosti usulida ekin ekish va bu borada boy tajribalardan ham foydalanish lozimligi qayd etildi.

#tashrif

🌐Website💬Telegram💬Facebook📺YouTube📷Instagram

Qishloq xo‘jaligi: taraqqiyot yo‘li islohot va uning izchilligini taʼminlashda

✅ O‘zbekistonda qishloq xo‘jaligiga oid modernizatsiya jarayonlari davlatimiz tomonidan ilgari surilayotgan strategik islohotlarda iqtisodiyotning muhim vositalaridan biri bo‘lib xizmat qilmoqda. Qishloq xo‘jaligida islohotlarni chuqurlashtirish va vazirlik faoliyatini transformatsiya qilishga qaratilgan ustuvor vazifalar, sohaga oid qabul qilingan Qonunlar, Prezident Farmon, Qaror va topshiriqlari ijrosini o‘z vaqtida taʼminlash muhim ahamiyat kasb etadi.

🇺🇿 Bugun Qishloq xo‘jaligi vazirligida O‘zbekiston Respublikasi Prezidentining kadrlar siyosati masalalari bo‘yicha maslahatchisi – O‘zbekiston Respublikasi Prezidenti huzuridagi Davlat xizmatini rivojlantirish agentligi direktori G‘ofurjon Mirzayev va Qishloq xo‘jaligi vaziri Ibrohim Abdurahmonov boshchiligida o‘tkazilgan yig‘ilishda ham ayni shu masalalar xususida so‘z bordi.

🔰 Dastavval yig‘ilishda, tashkiliy hamda tarkibiy masalalar ko‘rib chiqildi. Prezidentimizning tegishli qaroriga muvofiq shu vaqtgacha Suv xo‘jaligi vazirining birinchi o‘rinbosari lavozimida ishlab kelgan Azim Nazarov Qishloq xo‘jaligi vazirining birinchi o‘rinbosari, O‘zbekiston Respublikasi Prezidenti Administratsiyasi agrosanoat kompleksini rivojlantirish sho‘basi mudiri lavozimida ishlab kelgan Akmal Qosimov hamda O‘zbekiston Respublikasi Oliy ta’lim, fan va innovatsiyalar vazirligi moliya-iqtisodiyot va investitsiyalar departamenti boshlig‘i lavozimida faoliyat olib borgan Bunyod Oxunovlar Qishloq xo‘jaligi vazirining o‘rinbosarlari lavozimiga tayinlanganligi maʼlum qilindi.

🌐Website💬Telegram💬Facebook📺YouTube📷Instagram