#Hamkorlik #Ozbekistan #Misr

🤝O‘zbekiston va Misr Arab Respublikasi Qishloq xo‘jaligi vazirliklari o‘rtasida imzolangan hamkorlik Memorandumi ijrosi doirasida qishloq xo‘jaligi sohasidagi Qo‘shma ishchi guruhining 1-yig‘ilishi onlayn videokonferensaloqa tarzida tashkil etildi.

Yig‘ilishga O‘zbekiston tomoniga qishloq xo‘jaligi vaziri o‘rinbosari Alisher To‘rayev, Misr tomoniga qishloq xo‘jaligi va melioratsiya vaziri maslahatchisi Saad Nasar boshchilik qilishdi.

Muloqot davomida qishloq xo‘jaligi mahsulotlarining o‘zaro savdosini oshirish, veterinariya, chorvachilik va baliqchilikni rivojlantirish, o‘simliklar himoyasi, paxta urug‘chiligi, shuningdek, agrar ilm-fan va taʼlim sohalarida hamkorlik qilish masalalari muhokama etildi.

Uchrashuv yakunida Alisher To‘rayev Oʼzbekiston va Misr o‘rtasidagi munosabatlar yaqin sheriklik ruhida jadal sur‘atlarda rivojlanayotganligini taʼkidlab, ushbu ishchi guruh yig‘ilishi ikki tomonlama sheriklikni rivojlantirishda samarali vosita bo‘lib xizmat qilishiga umid bildirildi.

WWW • TELEGRAM • FACEBOOK • YOUTUBE • INSTAGRAM