YAXSHIDAN BOG‘ QOLAR...

Davlatimiz rahbarining  tashabbusi bilan amalga oshirilayotgan “Yashil makon” umummilliy loyihasining  kuzgi daraxt ekish  mavsumida  O‘zbekiston Respublikasi Qishloq xo‘jaligi vazirligi va  uning tizimidagi  tashkilotlar vakillari  mevali daraxt ko‘chatlarini ekish  uchun bugun erta tongdan Toshkent viloyati Bo‘stonliq  tumaniga jo‘nab ketgani haqida xabar bergan edik.

Ayni paytda ko‘p sonli mehnat jamoasi  Bo‘stonliq tumanidagi Сhinor MFY hududidagi 50 gektar maydonda  yaxshi niyatlar bilan ko‘chat ekish uchun yerni tayyorlashdi.

Qishloq xo‘jaligi vaziri Ibrohim Abdurahmonov gilos ko‘chatini ekish bilan xayrli ishni boshlab berdi.

Shamshod Ergashev Qishloq xo‘jaligi vazirligi kotibiyat mudiri:  “Yashil makon” umummilliy loyihasi doirasida Qishloq xo‘jaligi vazirligi tashabbusi bilan Toshkent viloyatining Bo‘stonliq tumanidagi 50 gektar yer maydonida mevali bog‘ yaratish ko‘zda tutilgan. Bu yerga 25 ming dona mevali ko‘chatlar ekiladi. Ayni paytda  hamkasblarimiz gilos, olma,  nok va bodom ko‘chatlarini ekishmoqda. Albatta, Bo‘stonliq tumani tog‘li hudud bo‘lgani uchun ham aynan ushbu hudud iqlimiga mos keluvchi navlar tanlab olingan bo‘lib, mutaxassislarimiz tavsiya qilgan sxemada ekilmoqda.

Yaxshidan bog‘ qolar... Ko‘pni ko‘rgan  keksalarimiz bu gapni bekor aytishmagan.  Qishloq xo‘jaligi vazirligi tashabbusi bilan barpo etilayotgan  “Yashil  bog‘” ham kelgusida ezgu maqsadlar uchun xizmat qiladi. Bugunning o‘zida 10 ming donaga yaqin mevali daraxt ko‘chatlarining  eng serhosil va sifatli navlari  keltirilib ekilmoqda. 

Eslatib o’tamiz, ko‘chat ekish ishlari ertaga ham davom etadi.

#yashil_makon #mevali_daraxtlar

🌐Website 💬Telegram 💬Facebook 📺YouTube 📷Instagram