🙏 Fraksiya aʼzolari Hukumatning yangi tarkibini maʼqulladilar

Yangi tahrirdagi Konstitutsiyamizning 94-moddasiga muvofiq, O‘zbekiston Respublikasi Prezidentining taqdimiga binoan Vazirlar Mahkamasi aʼzoligiga nomzodlarni ko‘rib chiqish va maʼqullash Qonunchilik palatasining mutlaq vakolati hisoblanadi.

Shunga ko‘ra, “Milliy tiklanish” demokratik partiyasining bugun bo‘lib o‘tgan fraksiya yig‘ilishida Vazirlar Mahkamasi aʼzoligiga ko‘rsatilgan nomzodlar birma-bir ko‘rib chiqildi va maʼqullandi.

– Albatta, fraksiyamiz bilan vazirliklar o‘rtasida xalqimiz manfaatiga xizmat qiladigan vazifalar, shu bilan birga partiyamiz g‘oya va maqsadlari hayotiyligini taʼminlashda samarali hamkorlik yo‘lga qo‘yiladi, – dedi fraksiya rahbari Alisher Qodirov.

Yig‘ilishda fraksiya aʼzolari partiya saylovoldi dasturi hamda elektorat manfaatidan kelib chiqib, nomzodlar oldiga bir qator dolzarb masalalarni ko‘tardi va takliflarini ilgari surdilar.

🖥 MTDP | Telegram

🙏 “Tinchlik va murosaga erishishda siyosiy partiyalarning o‘rni”

Partiyamiz vakillari Kambodja poytaxti Pnompen shahrida Osiyo siyosiy partiyalari xalqaro konferensiyasining 12-Bosh assambleyasi doirasida o‘tkazilayotgan “Tinchlik va murosaga erishishda siyosiy partiyalarning o‘rni” mavzusidagi tadbirda ishtirok etmoqda.

Osiyoning 370 dan ortiq siyosiy partiyalarini birlashtirgan ushbu tashkilot global muammolar muhokama qilinadigan, fikr va tajriba almashiladigan muhim platforma hisoblanadi. So‘nggi yillarda tashkilot tadbirlarida Yevropa, Afrika va Lotin Amerikaning siyosiy partiyalari ham muntazam qatnashayotgani e’tiborga molik.

Navbadagi tadbirda mediya forum tashkil qilinish va unda “feyk” xabarlarning oldini olish bilan bog‘liq masala muhokama qilinishi rejalashtirilgan. Ushbu masalaning tashkilot diqqat markazida bo‘lishi quvonarli. Zero, siyosiy maydonda “feyk” xabarlar va axborot urushlari avjiga chiqmoqda.

🖥 MTDP | Telegram