🙏 Vardonze turizm marshrutiga kiritilishi kerak!

Vardonze Shofirkon tumanidagi tarixiy obida bo‘lib, VI–XIX asrlarga oid madaniy meros sanaladi. U o‘z vaqtida Vardonxudotlar qarorgohi, keyinchalik esa mustaqil podsholikning markazi ham bo‘lgan.

Oliy Majlis Qonunchilik palatasi deputati Maxsud Muhammedov o‘rganishlari davomida ushbu obyektda bo‘lib, soha mutaxassislari bilan Vardonzeni turizm marshrutlariga kiritish, yodgorlikka yaqin hududda turizm obyektlarini tashkil etish, shuningdek, yodgorlikning master rejasini ishlab chiqish bo‘yicha qator masalalarni muhokama qildi. Bu borada tegishli amaliy ishlarni boshlash bo‘yicha kelishib olindi.

🖥 MTDP | Telegram

🙏 "Mingtepa" – buyuk dovon, qadimiy qal’a, tarixga tutash muzey

Alisher Qodirov boshchiligidagi ishchi guruh buyuk dovon hamda qal’a devori vazifasini bajargan “Mingtepa” ochiq osmon ostidagi muzeyida bo'ldi. Mazkur muzey 2013-yilda Marhamat tumanida tashkil etilgan bo'lib, unda qadimiy shaharning uzoq moziydan to yaqin tarixigacha bo‘lgan davrini aks ettiruvchi nodir eksponatlar, asori-atiqalar, fotosuratlar, 2-2,5 ming yillik tarixga ega qal’alar maketlari va qadimiy qo‘lyozma asarlari jamlangan.

- Mingtepa – bu oddiy xaroba emas, balki o‘z zamonida madaniyatlar chorrahasida joylashgan, buyuk dovon va mustahkam qal’a devori bo‘lgan shahar. Uni tiklash va kelajak avlodga yetkazish bizning mas’uliyatimizdir, – dedi Alisher Qodirov.

Ma'lumki, "Mingtepa" – tarixiy xotira, davlatchilik ildizlari va milliy o‘zlik timsoli sifatida xalqimizga xizmat qilmoqda. Bu ochiq osmon ostidagi muzey sifatida yoshlar tarbiyasida, milliy ong va g‘ururni shakllantirishda muhim ahamiyatga ega.

🖥 MTDP | Telegram

🙏 Madaniy merosga munosabat o‘zgarishi kerak!

Oliy Majlis Qonunchilik palatasi deputati Abdulhakim Eshboyev Yoshlar parlamenti aʼzolari bilan birgalikda “Kampirtepa” madaniy meros obyektini o‘rgandi. Aniqlanishicha, unga olib boruvchi yo‘l taʼmirtalab, sayyohlar uchun zarur sharoitlar yaratilmagan, servis xizmati mavjud emas.

- Saylovoldi dasturimizda xalqimizning madaniy, ilmiy va tabiiy merosi fuqarolar tomonidan asrab-avaylanishi shartligi, davlat tomonidan muhofaza etilishi zarurligini qo‘llab-quvvatlash va bu borada huquqiy asoslarni takomillashtirib borish eng asosiy vazifalar sifatida belgilangan. Shundan kelib chiqqan holda madaniy merosga munosabatimizni tubdan o‘zgartirish va uni asrab-avaylash bo‘yicha o‘z vaqtida zarur choralarni ko‘rishimiz kerak, - deydi depupat Abdulhakim Eshboyev.

🖥 MTDP | Telegram