Boşlanğiç taʼlimni ona tilida öqitiş böyiça fikrimga uç xil yondaşuv:

1) Rus millatiga mansub, maktab direktori bölib işlagan pedagog, deputat opamizning fikri:

“Boşlanğiç davrda bolani özligiga uyğun bölmagan hamma narsa (jumladan begona til) bolani depressiyaga, keyinçalik arosatga olib keladi. Özbek bolani rus sinfida öqitiş, 2-3 yilgaça çöziladigan adaptatsiya uçun yöqotilgan vaqt hisobiga boshlanğiç bilimni zaif bölişiga, keyinroq qadriyatlaridan uzilişiga, atrofidagilarni dunyoqaraşiga qarab özligiga salbiy, hatto nafratga sabab bölişi mumkin.

Rusça fikrlaydigan va gapiradigan özbeklarni atrofidagi millatdoşlariga munosabatini kuzating☝️

Köpinça, rus tilida hatto gapini tuşuntira olmaydigan ota-onalar, bolalarini rus sinflarga bosim bilan joylaştiradilar”;

2. Sof özbekça ism-şarifli bir opamizning Oliy Majlisga yozgan şikoyatidan:

“Rus tilida öqitişni çeklaş va ruslarga nisbatan Alişer Qodirovning aytgan gaplari, meni haq-huquqlarim va nafsoniyatimga tegdi. Men va oilam özbek bölişimiz mumkin, lekin töliq rusça gaplaşamiz va fikrlaymiz. Unga nisbatan keskin çora körilişini talab qilaman”;

3) Bir vatandoşning menga yozgan xatidan:

“Rus tilida öqitişni ota-onalar tanlayapti, bu ularning tanlaş huquqi ekan. Men ham bolam uçun tanlaş huquqim bölsa, bolamni Misrda, qorilar maktabida öqişini istayman. Nega rus tilini tanlaş mumkinu, arab tilini tanlaş mumkin emas?! Diniy ta’lim masalasida aytgan fikrlaringizni maʼqullaganman, lekin nega siz bizga töğri deb tuşuntirgan qonunda rus tilini tanlaş mumkinu, muqaddas dinimiz deb kökragimizga uradigan dinimizning tili arab tilida öqitişni tanlaş mumkinmas?!”

Xullas, hamma gap özimizda.

Ildizi yöq daraxt ötin bölganidek, qadriyatlaridan uzilgan inson ham beqadr böladi.

@alisherQodir