Президент Шавкат Мирзиёев бугун Фарғона вилоятига ташриф буюрди.

➡️ Ташриф давомида ҳудуд саноати ва инфратузилмасининг ривожланиши, маҳаллаларда олиб борилаётган бунёдкорлик ишлари билан танишиш, янги йирик лойиҳаларга старт бериш кўзда тутилган.

➡️ Президент Шавкат Мирзиёев Фарғона вилоятига келгач, янгидан очилиб, илк бор йирик ҳаво кемасини қабул қилган Қўқон аэропортидаги шароитлар билан танишди.

➡️ Президент Шавкат Мирзиёев “Indorama Kokand Fertilizers and Chemicals” акциядорлик жамиятининг минерал ўғит корхонаси фаолияти билан танишди.

➡️ Давлатимиз раҳбари инвесторлар билан учрашиб, Фарғона вилоятида амалга оширилиши режалаштирилган янги лойиҳалар билан танишди.

➡️ Президент Шавкат Мирзиёев Фарғона вилоятида йирик саноат ва энергетика объектлари фаолиятига ва қурилишига старт берди.

Telegram   |  📩 Instagram    |  📩YouTube    | 📩 Facebook       | 📩 Web-sayt

Қувада Президент Шавкат Мирзиёев раислигида Фарғона вилоятини ижтимоий-иқтисодий ривожлантириш бўйича устувор вазифалар юзасидан йиғилиш бўлиб ўтмоқда.

⏺ Унда дунёдаги ҳозирги ўта мураккаб шароитда янги йўл очиш, инвестиция олиб келиш ўз-ўзидан бўлмаётгани қайд этилди.

⏺ Ўтган етти йилда Фарғона вилоятида катта ўзгаришлар бўлди. Киритилган инвестициялар ҳажми 3 карра ўсди. Товар айланмаси 10 миллион доллардан ошган 122 та корхона пайдо бўлди. Фарғона корхоналари 60 та янги бозорга кириб борди.

⏺ Вилоят саноатининг ярми Фарғона ва Қўқон шаҳарлари, Учкўприк туманига тўғри келади.Ўтган йилларда вилоятга киритилган ҳар бир минг доллар хорижий инвестиция солиқ тушумларини ўртача 207 долларга кўпайтирган.

⏺ Шу йилни ўзида вилоятда 9 минг хонадонли 220 та кўп қаватли уй-жойлар қурилаяпти. Вилоятдаги 36 та темир-бетон корхонаси қуввати бу қурилишларнинг 50 фоиз эҳтиёжини қоплашга етади, холос. Яъни, қурувчилар маҳсулотини бошқа вилоятдан олиб келаётган қайт этилди.

⏺ Бу йил “Ташаббусли бюджет” доирасида Фарғонадаги 266 та лойиҳага 340 миллиард сўм ажратилди.

⏺ Эндиликда вилоят раҳбариятининг масъулиятини ошириш бўйича Фарғонада янги тизим бўлиши белгиланди.

⏺ Камбағалликни қисқартириш бўйича ҳам тизимни ўзгартириш зарурлиги таъкидланди.

⏺ Қувасойнинг Пакана, Кокилон ва Сўфон маҳаллалари ҳисобидан Қўқон иқтисодий зонаси ҳудуди 210 гектарга кенгайтирилади.

⏺ Вилоят ҳокимлигига 161 та йирик маҳаллада ҳам 1 гектардан майдонда 4-5 қаватли саноат марказларини ташкил қилиш топширилди.

⏺ Фарғонада саноатга катта туртки берадиган лойиҳалар кўпайтирилади. Энергетика, нефт-газ ва кимё соҳаларида 2 миллиард долларлик лойиҳалар режалаштирилган.

⏺ Сўнгги уч йилда вилоятдаги 110 минг аҳолига деҳқончилик қилиш учун 25,5 минг гектар ер берилган. Ушбу ерларда 3 марта ҳосил олиш бўйича Фарғона тажрибасини яратиш топширилди.

⏺ Ўзбекистон, Риштон, Бешариқ, Боғдод туманларида жорий йилда ҳар бири 10 минг тонналик сақлаш, саралаш ва қайта ишлаш қувватларини ишга тушириш топширилди.

⏺ Чегарадан ID-карта орқали ўтиш бўйича Қирғизистон билан келишувга эришилгани Фарғона учун имкониятлар эшигини очгани таъкидланди.

⏺ Фарғона филармониясида Симфоник оркестр ва Миллий чолғу ансамблини ташкил қилиш топширилди.

⏺ Йиғилишда Қува тумани, Қўқон ва Марғилон шаҳарларини ривожлантиришга алоҳида эътибор қаратилди.

⏺ “Каркидон” сув омборидаги жуда катта салоҳият ишга солинмаётгани қайд этилди.

⏺ “Фарғона – Андижон” магистрал йўлини Қувадан ўтган қисмидаги 11 гектарда 40 миллион долларлик савдо ва сервис объектларини жойлаштириш мумкинлиги таъкидланди.

📩 Telegram | 📩 Instagram | 📩YouTube | 📩 Facebook | 📩 Web-sayt