🇺🇿🇺🇿🇺🇿🇺🇿 🇺🇿🇺🇿🇺🇿🇺🇿 🫥Hududlarda yer nazorati tadbirlari⏺ Xorazm viloyati boshqarmasi Hazorasp tumani inspektorlari tomonidan o‘tkazilgan yer va kadastr nazorati tadbirlarida fuqaro “Zehnli” MFYdagi qishloq xo‘jaligida foydalaniladigan yer maydonini o‘zboshimchalik bilan egallab, uning 142 kv.metr qismiga noqonuniy qurilmalar qurganligi aniqlandi. Olib borilgan tushuntirishlar hamda yozma ko‘rsatmadan so‘ng yer maydoni oldingi holatiga qaytarildi.
⏺ Qoraqalpog‘iston Respublikasi Nukus shahrida o‘tkazilgan nazorat tadbirlari davomida “Altin jag‘is” MFY hududida yashovchi fuqaro tomonidan o‘ziga tegishli bo‘lgan yer maydonining tutash qismida qurilish ishlari olib borgani aniqlandi. Ushbu holat bo‘yicha tushuntirish ishlari olib borildi hamda MJtK ning 60-moddasi 3-qismiga asosan fuqaroga maʼmuriy hujjatlar rasmiylashtirildi. Shundan so‘ng, ushbu noqonuniy qurilma ixtiyoriy bartaraf qildi.
⏺ Andijon viloyati boshqarmasi Xonobod shahar bo‘limi tomonidan olib borilgan yer nazorat tadbirlari davomida Anxor mahallasi hududidagi 100 kv.metr yer maydoni fuqaro tomonidan hech qanday huquqiy hujjatlarsiz egallab olinib, o‘zboshimchalik bilan naves inshooti qurib olganligi aniqlandi.
⏺ Samarqand viloyati boshqarmasi Narpay tuman bo‘limi tomonidan “Navro‘z” MFY hududida yer nazorati tadbiri o‘tkazildi. Unda “Bayg‘azon” qishlog‘ida yashovchi fuqaro tomonidan “O‘zbekiston” massivi hududidagi “Agro Pilla” MChJ klasteriga tegishli bo‘lgan yer maydoni hududidagi qishloq xo‘jaligida foydalaniladigan hamda sug‘oriladigan 371-raqamli konturdan jami 627,0 kv.metr yer maydoni o‘zboshimchalik bilan egallab olinib, 306 kv.metr qismiga noqonuniy qurilma qurib foydalanib kelayotganligi aniqlandi.
⏺ Toshkent viloyati boshqarmasi Yangiyo‘l shahar bo‘limi tomonidan olib borilgan yer va kadastr nazorati tadbirlarida Fayzli MFY, Toshkent shoh ko‘chasidagi bir qator noqonuniy qurilmalar tegishli tartibda nazoratga olinib, ularning bartaraf etilishi taʼminlanmoqda.
Telegram | 📩 Instagram | 📩YouTube | 📩 Facebook | 📩 Web-sayt 