#Малака_ошириш #Қишки_таътил

📚 Малака ошириш ўқув-машғулотлари

🗓 Диний таълим муассасаларининг асосий штатдаги педагог-ўқитувчилар учун 2025 йил 3-7 январь кунлари оралиғида Тошкент, Бухоро ва ҳудудлардаги тегишли таълим муассасаларида малака ошириш ўқув-машғулотлари ўтказилмоқда.

💬 Тошкент шаҳридаги Тошкент ислом институти, “Кўкалдош” ва “Хадичаи Кубро” ўрта махсус ислом таълим муассасалари учун Тошкент ислом институтида, Бухородаги Мир Араб олий мадрасаси, “Мир Араб” ва “Жўйбори Калон” ўрта махсус ислом таълим муассасалари учун Мир Араб олий мадрасасида ҳамда қолган ҳудудлардаги 8 та диний таълим муассасаларида ҳам машғулотлар ташкил қилинган.

🎓 Семинарнинг асосий мақсади профессор-ўқитувчиларнинг малакасини ошириш, янги педагогик технологиялар ва методологиялар бўйича билимларини бойитиш, шунингдек, ихтисослик фанлари бўйича ўқув жараёнларини янада самарали ташкил этишдир.

⚡️Тошкент ислом институтида бўлиб ўтаётган малака оширишда "Ўзбекистон мусулмонлари идораси қошидаги Фатво маркази фаолияти ва замонавий масалаларнинг фиқҳий ечимлари" мавзусида Фатво маркази мутахассиси Абдулвоҳид Аҳмадалиев маъруза қилди.

⏳Навбатдаги дарсда Алишер Навоий номидаги Тошкент давлат тил ва адабиёт университети “Ўзбек адабиёти тарихи ва манбашунослик” кафедраси профессори, филология фанлари доктори Рашид Зоҳид "Илмий-ижодий тадқиқ жараёни ва унинг таркибий-таснифий хусусиятлари" мавзусида ўқитувчиларга маълумот берди.

📱 @uygun_gafurov

📱 Instagram | 📱 Facebook | 📱 Telegram

#Малака_ошириш #Қишки_таътил

📚 Малака ошириш ўқув машғулотларида долзарб мавзулар муҳокама қилинмоқда

⚡️Тошкент ислом институтида бўлиб ўтаётган малака ошириш ўқувларининг навбатдаги кунида "Адашган тоифа ва фирқаларнинг эътиқодлари ва уларнинг келиб чиқиш сабаблари" мавзусида Имом Мотурудий халқаро илмий-тадқиқот маркази илмий ходими, доцент Аҳмад Саъд Даманҳурий маъруза қилди.

⏳Кейинги дарсда Дин ишлари бўйича қўмита Юридик бўлими бошлиғи Улуғбек Аминов “Диний-марифий соҳа фаолиятини такомиллаштириш бўйича қонунчилик тизимидаги сўнгги янгиликлар” мавзусида ўқитувчиларга маълумот берди.

🔄 Мазкур ўқувларда институт профессор-ўқитувчилари билан бир қаторда Тошкент шаҳридаги “Кўкалдош” ва “Хадичаи Кубро” ўрта махсус ислом таълим муассасалари педагоглари ҳам иштирок этиб, маърузаларни тингламоқда.

💬 Шунингдек, институтда юртимиздаги олий ва ўрта махсус ислом таълим муассасаларининг ўқув ишлари бўйича раҳбар ўринбосарлари, ўқув-услубий ва ёшлар билан ишлаш, маънавият-маърифат бўлимлари бошлиқлари учун қисқа муддатли малака ошириш курси ҳам ташкил этилган.

💼 Мазкур малака оширишда ИИВ Тезкор-қидирув департаменти Терроризмга қарши курашиш хизмати масъул ходими Фарруҳ Элмирзаев хусусий тартибда диний таълим беришнинг ҳуқуқий оқибатлари ҳақида маълумот берди.

🔊 Ўзбекистон халқаро ислом академияси доценти, сиёсатшунослик фанлари доктори (DSc) Фарҳод Каримов томонидан замонавий геосиёсий вазият ва ғоявий жараёнлар ҳамда уларнинг глобал ва маҳаллий ҳаётга таъсири илмий асосда таҳлил қилинди.

📱 Шунингдек, Тошкент Давлат педагогика университети катта ўқитувчиси Равшан Ишмуҳаммедовнинг фанларни ўқитиш методикаси ва дарс жараёнида фойдаланиладиган интерфаол таълим методлари борасидаги маърузаси тингловчиларда катта таассурот қолдирди.

🔅Институтдаги малака ошириш курслари ўқув, илмий, маънавий-маърифий йўналишларда тажриба алмашиш, янги билимларни эгаллаш ва замонавий таълим технологияларини ўзлаштириш учун амалий муҳит бўлиб хизмат қилди.

📱 @uygun_gafurov

📱 Instagram | 📱 Facebook | 📱 Telegram

#Малака_ошириш #Қишки_таътил

⚡️ ДТМ масъул ходим ва ўқитувчиларига сертификатлар топширилди

💬 Ўзбекистон мусулмонлари идораси Таълим ва илмий-тадқиқот бўлими томонидан диний таълим муассасаларининг ўқув-услубий, маънавий-маърифий салоҳиятини ошириш, замонавий педагогик усулларни жорий қилиш, таълим сифатини яхшилаш мақсадида Тошкент ислом институтида олий ва ўрта махсус ислом таълим муассасаларининг ўқув ишлари бўйича раҳбар ўринбосарлари, ўқув-услубий ва ёшлар билан ишлаш, маънавият-маърифат бўлимлари бошлиқлари учун қисқа муддатли малака ошириш курси ташкил этилди.

✔️ Малака ошириш машғулотлари махсус ўқув режа ва дарс жадвали асосида Дин ишлари бўйича қўмита, Ички ишлар вазирлиги мутахассислари, Ўзбекистон халқаро ислом академияси, Тошкент Давлат педагогика университети, Тошкент ислом институтидан жалб қилинган профессор-ўқитувчилар томонидан замонавий ахборот технологиялари ва интерфаол усуллардан фойдаланган ҳолда ўтказилди.

💳 Ўқувлар якунида тингловчиларга ТИИ ректори Уйғун Ғафуров, Диний идора мутахассислари Муҳаммадамин Насриев ва Шерзод Чўлпонов сертификатларни топширишди.

📱 @uygun_gafurov

📱 Instagram | 📱 Facebook | 📱 Telegram