#xushxabar

Maxsus maktab-internat futbolchilari jahon chempioni boʻldi

Shvetsiyaning Gyoteborg shahrida an’anaviy tarzda o‘tkazilib kelinadigan “Gothia Special Olympics Trophy 2025” xalqaro musobaqasida O‘zbekiston terma jamoasi yorqin gʻalabaga erishdi.

Bu nufuzli turnir har yili dunyoning turli burchaklaridan, joriy yilda esa 25 ta davlatdan maxsus Olimpiada terma jamoalarini birlashtirdi.

Faxr bilan aytish joizki, O‘zbekiston Maxsus Olimpiada milliy terma jamoasi musobaqada munosib ishtirok etib, barcha bosqichlarda raqiblariga imkon qoldirmay, chempionlik shohsupasiga ko‘tarildi.

Milliy jamoamiz tarkibida 78-sonli, alohida ta’lim ehtiyojlariga ega bolalar uchun mo‘ljallangan ixtisoslashgan maktab-internatining 10 nafar iqtidorli o‘quvchisi ham maydonga tushdi.

Ularning fidoyiligi, jamoaviy ruhda harakat qilishi va o‘yinga bo‘lgan yuksak mas’uliyati ushbu ulkan natijaga olib keldi.

Gʻalaba muborak boʻlsin, chempionlar!

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

O‘zbekistonda maxsus maktablarning rahbar xodimlari uchun "Rahbarlar maktabi" dasturi yo‘lga qo‘yildi

🧠 Ijtimoiy himoya milliy agentligi ALPHA ta’lim platformasi bilan hamkorlikda alohida ta'lim ehtiyojlariga ega bolalar uchun ixtisoslashtirilgan maktab va maktab-internatlar rahbar xodimlari uchun malaka oshirish dasturini ishga tushirdi.

📌 Mazkur dasturning maqsadi – rahbarlarga maktablarni tizimli rivojlantirishda ko‘mak berish, jamoani boshqarishning zamonaviy usullarini o‘rgatish, shuningdek, o‘quvchilar uchun qulay va inklyuziv muhit yaratishga xizmat qilishdan iborat.

Dasturda respublikaning barcha hududlaridan saralab olingan 26 nafar tashabbuskor va salohiyatli rahbar xodim ishtirok etmoqda.

Dastur quyidagi yo‘nalishlarni qamrab oladi:

✅ boshqaruv, vakolatlarni taqsimlash va rejalashtirish ko‘nikmalarini takomillashtirish;
✅o‘zini va boshqalarni anglash, stress holatlarini boshqarish bo‘yicha salohiyatni rivojlantirish;
✅ kundalik vazifalarni bajarishda axborot texnologiyalari va zamonaviy dasturlardan samarali foydalanishni o‘rganish;
✅ ota-onalar va pedagogik jamoa bilan samarali hamkorlik o‘rnatish;
✅ resurslarni jalb etish, xususiy sektor bilan hamkorlik qilishda ilg'or tajribalar bilan tanishish;
✅ o'quvchilarni individual rivojlanishini tahlil qilish, moslashtirilgan baholash metodlari, zamonaviy kasblar, bitiruvchilarning bandligini ta'minlash yo'nalishida yangi metodlarni o‘rganish;
✅ nogironligi bo‘lgan bolalarni rivojlantirishga yo‘naltirilgan yondashuvlar, korreksion va inklyuziv ta’lim texnologiyalari, shuningdek, moslashtirilgan muhit yaratish uslublarini o‘zlashtirish.

Dastur davomida ishtirokchilar o‘z maktabini rivojlantirish loyihasi ustida ishlaydi. Dastur yakunida esa ular bir yillik rivojlanish rejasi va uch yillik strategik rejani taqdim etadi.

ALPHA ta’lim platformasi tomonidan ishtirokchilarning faoliyati bir yil davomida monitoring qilinadi va rejalarni amalga oshirishda ularga uslubiy ko‘mak ko‘rsatib boriladi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

Tug‘ilgan kuningiz muborak, muhtaram Prezident!

🇺🇿 Yangi O‘zbekiston – bu, avvalo, inson qadri ulug‘langan ijtimoiy davlat.

Bugun O‘zbekiston Respublikasi Prezidenti, Yangi O‘zbekiston bunyodkori — Shavkat Miromonovich Mirziyoyev 68 yoshni qarshi oldi.

Aynan Sizning tashabbus va siyosiy irodangiz bilan mamlakatimizda mutlaqo yangi — insonga yaqin, tizimli va manzilli ijtimoiy himoya shakllandi.

Yangi tizim — ikki yil, 2 million taqdir. Bu — yaxshi tomonga o‘zgargan millionlab hayotlar. #2yil2millionTaqdir — bu shunchaki raqam emas, bu — hayotlar, orzular, umid va yangi yo‘llar.

Endi yordam zarur bo‘lgan har bir #InsonUchun barcha xizmatlar bir joyda — ochiq, shaffof va qulay shaklda taqdim etilmoqda. Bu — Yangi O‘zbekistonning eng katta yutug‘idir.

Muhtaram Prezidentimiz, xalqimiz uchun ochgan imkoniyatlaringiz va yuksak e’tiboringiz uchun chuqur minnatdorchilik bildiramiz!

📽 Siz tufayli — millionlab o‘zgarishlar

#MeningPrezidentim #YangiO‘zbekiston #IjtimoiyHimoya #2yil2milliontaqdir

📝 telegram    💻 instagram  
📝 facebook   🐧 xcom
🎞 youtube     🎖 ihma.uz

🟦🟦🟦

Alohida taʼlimga muhtoj bolalar uchun ixtisoslashtirilgan maktablar rahbarlari va ularning oʻrinbosarlari uchun malaka oshirish kursi davom etmoqda.

Bir haftalik onlayn treningdan so'ng, Xalqaro Inklyuziv habda birinchi jonli dars bo'lib o'tdi.

Uchrashuv alohida ta'lim ehtiyojlari bor bolalarni o'qitish va rivojlantirishga, jumladan, zamonaviy kasb-hunarlarni o‘rgatishga qaratilgan yondashuvlar mavzusiga bag'ishlandi.

«Zamonaviy dizayn» yoʻnalishi kuratori Elnora Rizayeva soʻzga chiqqanlar qatorida inklyuziv guruhlarda ta'limni tashkil etish boʻyicha amaliy tajribasi bilan oʻrtoqlashdi.

Hub psixologi Feruza Galimova «Nogironligi bor bolalarning psixologik xususiyatlari» mavzusida taqdimot qildi.

Ishtirokchilar quyidagilarni muhokama qildilar:

✅ turli xil nozologiyaga ega bo'lgan bolalarning individual xususiyatlari;
✅o'rganishdagi qiyinchiliklar;
✅ pedagoglarni qo'llab-quvvatlash va hissiy charchashning oldini olish usullari.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz