#күрэх

⭐️ Бүгүн 3 №-дээх оҕо сайдар киинин "Үрүйэчээн" уһуйаан иитээччилэрин көҕүлээһининэн, Аҕа күнүн көрсө, Үөһээ Бүлүүтээҕи оҕо уһуйааннарын иитиллээччилэрин аҕаларын икки ардыларыгар улууспутугар иккис төгүлүн "Квест-оонньуу 2023" буолан ааста.

Күрэххэ уопсайа 5 хамаанда кытынна. Биирдии уһуйаантан 4-түү төрөппүт кыттара ирдэниллибитэ.
Күрэхтэһээччилэр 6 станциянан сылдьан сорудахтары толордулар.

Бүлүү эбэҕэ тоҥуу хаарынан сүүрүү, сыал ытыыта, ойбон алларыыта уонна хомуур тустуу курдук төрүт үгэс күрэхтэригэр аҕалар күөн көрүстүлэр.

⭐️Кыайыылааҕынан "Үрүйэчээн" уһуйаан «Үрүйэ Стар » хамаандата таҕыста.

⭐️ Иккис миэстэни Кэнтик уһуйаанын “Чап уустара” хамаанда ылла.

⭐️ Үһүс миэстэ - "Сказка" уһуйаан "Сказка" хамаандалара буоллулар.

Маны таһынан биирдиилээн аҕаларга эмиэ миэстэ таһаардыбыт, ол курдук. Хапсаҕайга уонна ытыыга муҥутуур кыайыылааҕынан Гаврил Илларионов (Кэнтик) ааттанна. "Ойбон алларыыта" - Петров Юрий (Теремок), «Хомуур оонньуу» - Мойтохонов Василий, "Тоҥуу хаарынан сүүрүү" - Егоров Владимир кыайыылаахтарынан буоллулар.

Сонуннарга анаан Вероника Протопопова

"Үөһээ Бүлүү" хаһыат

#үөрэхэйгэтэ

✅ Бүгүн, Бүлүүтээҕи профессиональнай педагогическай колледж 100 сыллаах үбүлүөйүн бастакы күнүгэр, Үөһээ Бүлүүтээҕи үөрэх управлениетын салайааччыта Спиридон Борбуев колледж дириэктэрин кытта сөбүлэҥҥэ илии баттаста.

Бу сөбүлэҥ быһыытынан, Үөһээ Бүлүү улууһун оскуолаларыгар психолого-педагогическай кылаастар арыллыахтара. Колледж өттүттэн методическай арыаллааһыны тэрийиэҕэ.

"Үөһээ Бүлүү" хаһыат

#күрэх #Годтруда

⭐️ Бүлүү бөлөх улуустарын Баһаарынай этэрээттэрин икки ардыларыгар баһаарынай-прикладной спорт көрүҥнэригэр 21-с төгүлүн ыытыллар Спартакиада бүгүн Үөһээ Бүлүү "Үс Хоһуун" спортивнай саалатыгар саҕаланна.

Бүлүү, Горнай, Эдьигээн, Ньурба, Сунтаар улуустарыттан ыалдьыттары улуустааҕы 12-с нүөмэрдээх баһаарынай этэрээт салайааччыта Виктор Новиков көрүстэ.

Спартакиада арыллыытыгар кыттааччылар парадтарын 1-кы нүөмэрдээх чаас салайааччыта Олимпий Харлампьев салайда.

"Үөһээ Бүлүү" хаһыат

#күрэх #Годтруда

⭐️ Уоту кытта бохсор, нэһилиэнньэ нус-хас олоҕун хааччыйарга сыраларын уурар хорсун-хоодуот байыастарга күрэхтэргэ ситиһиилэри баҕаран, бэйэтин алгыс тылын Уйбаан Чыычаахап анаата, аал уоту оттон арыылаах алаадьынан айах тутта.

"Үөһээ Бүлүү" хаһыат

#күрэх #Годтруда

⭐️ Күрэхтэһэр хамаандаларга эҕэрдэ тыллары эттилэр:

⭐️Үөһээ Бүлүү улууһун ыксаллаах быһыы-майгы управлениетын салайааччыта Григорий Гурьев

⭐️ СӨ Баһаары утары охсуһар судаарыстыбаннай сулууспа салайааччытын 1-кы солбуйааччыта Александр Трофимов

⭐️ Үөһээ Бүлүүтээҕи Баһаарынай этэрээт салайааччыта, СӨ Баһаарынай сулууспа бэтэрээнэ, туйгуна, Үөһээ Бүлүү улууһун бочуоттаах олохтооҕо Виктор Новиков

⭐️Үөһээ Бүлүү нэһилиэгин баһылыгын солбуйааччыта Егор Михайлов

⭐️ Күрэхтэһии сүрүн судьуйата, СӨ Баһаары утары охсуһар судаарыстыбаннай сулууспа отделын салайааччытын солбуйааччы, СӨ Баһаарынай-быыһыыр спорт федерациятын толорооччу дириэктэрэ Михаил Быкалыров.

"Үөһээ Бүлүү" хаһыат