⭐️⭐️⭐️Мас тардыһыытыгар инники эрэллэрбит, кэнчээри ыччаттарбыт

Олунньу 12 күнүгэр Ньурба к. 2005-2010 с. төрүөх уолаттарга, 2005-2007 с.т. уонна онтон кыра саастаах кыргыттарга мас тардыһыытыгар аһаҕас регионнааҕы турнир буолла.

Бу күрэхтэһиигэ уопсайа 105 ыччат мас тардыһыытын түһүлгэтигэр күөн көрүстүлэр. Үөһээ Бүлүүбүт хамаандатыгар 13 оҕо бу турнирга кытынна: Боотулууттан 3 оҕо, тренер С.С.Харбаев, ДЮСШтан 10 иитиллээччи мас тардыстылар.

Бу тыҥааһыннаах күрэхтэһиигэ уопсайа 10 мэтээллээх кэллибит:
2006-2007 с.т. уолаттарга 55 кг ыйааһыҥҥа 🥇Яковлев Афанасий.
2006-2007 төрүөх уолаттарга 65 кг 🥇Ильин Петр.
2006-2007 с.т. уолаттарга 70кг үөһээ ыйааһыҥҥа 🥈Корякин Айаал.
2008-2009 с.т. уолаттарга 55кг
🥈Петров Борис.
65 кг 🥉Семенов Игорь,
65 кг үөһээ 🥉Гаврильев Кеша

Кыра бөлөххө 2010 с.т. уолаттарга, 35 кг саҥа мас тардыһыытын күрэҕэр кыттыбыт Савва Цыпандин 🥈миэстэни ылла.

Боотулууттан Семен Харбаев иитиллээччилэрэ сатабылларын, илиилэригэр күүстээхтэрин, эрчиллиилээхтэрин бигэргэтэн, 3 мэтээллээх кэллилэр.
2006-2007 с.т. уолаттарга
60 кг🥇Иванов Игорь.
2008-2009 с.т. уолаттарга 65кг
🥇Кудашев Ариян.
50кг.🥈Захаров Александр ыллылар.

"Кыайыыга дьулуурун иһин" анал ааты Саян Саввиновка анаатылар.
2005 с.т, онтон кыра саастаах уолаттарга муҥутуур кыайыылааҕы быһаарар күрэхтэһиигэ 7 уолтан муҥутуур кыайыылаах аатын Петр Ильин ылла. Тыҥааһыннаах киирсиигэ кыайыыга дьулуурун, дьаныардааҕын көрдөрдө.

Бу күн, улуу киһибит Исидор Никифорович Бараахап 125 сааһын туолар күнүгэр, мас тардыһыытыгар ситиһиибит буолар. Өбүгэбит оонньууларыттан биир чэпчэкитэ суох, уустук спорт көрүҥэр киирсэр. Ким бэлэмнээх, оҕо сааһыттан баҕалаах, илиитигэр күүстээх, атаҕар кыахтаах, эрчиллиилээх мас тардыһыытыгар ситиһиилээх буолар.
Күннэтэ дьарыктанан, эти- хааны эрчийэн, чөл олоҕу тутуһан, дьарыктанан, элбэх сыраны биэрэн, ситиһиигэ кынаттанаҕын, өрө дабайаҕын. Бу турнирга кыттыбыт уолаттарбар ситиһиини, чэгиэн доруобуйаны баҕарабын!

ДЮСШ мас тардыһыытыгар тренерэ Геннадий Охотин