#Ийэкүнүнкөрсө

Саха сирин ийэлэрин күнүн көрсө Олоҥхо дьиэтигэр "Ис сүрэхтэн иһирэх көрсүһүү" истиҥ, иһирэх тэрээһин буола турар.

Тэрээһин чэрчитинэн улуус талааннаах ийэлэрин быыстапка-дьаарбаҥкалара, "Мичээр лааппыта" тэрилиннэ.

Бүгүҥҥү үөрүүлээх тэрээһининэн ырыаһыт Ульяна Варварикова ылбаҕай ырыатын бэлэхтээтэ. Үөһээ Бүлүү нэһилиэгин баһылыгын сүбэһитэ Георгий Алексеевич Степанов ийэлэри, эбэлэрин эҕэрдэлээтэ. Нэһилиэккэ олорор, элбэх оҕолоох, үлэни, үөрэҕи дьүөрэлиир күн-күбэй ийэлэрбитин бэлиэтээтэ.

Улуустааҕы дьахталлар Сэбиэттэрин бэрэссэдээтэлэ Ольга Тумусова үөрүүлээх бырааһынньыгынан эҕэрдэлээн туран, бүгүҥҥү истиҥ кэпсэтиигэ ыҥырда.

Бастаан өр сылларга бииргэ дьоллоохтук олорор ытык кырдьаҕастарбыт Ибаррури Марковна уонна Василий Андрианович Васильевтар тапталларын, дьиэ кэргэннэрин туһунан кэпсээтилэр.

@uoheebuluu

#Ийэкүнүнкөрсө

Истиҥ-иһирэх көрсүһүүгэ улууспут ытык ыаллара, элбэх оҕолоох ийэлэр, көхтөөх эбээлэр кытыннылар.

Ол курдук, Ибаррури Марковна, Василий Андрианович Васильевтар, Васма Васильевна Иванова, Изольда Николаевна, Родион Герасимович Егоровтар, Розалия Алексеевна Карташева уонна Искрамол Захарович Хастыров дьиэ кэргэттэрэ, Бажена Константиновна Михайлова Вера Николаевна Иванова кэпсээннэрин сэргии иһиттибит. Барыларыгар Норуот айымньытын киинин аатыттан Махтал суруктары уонна "Кэрэ аҥаар дьоло" дьиэ сибэккитин бэлэхтээтилэр. Бэрэссэдээтэл Ольга Ивановна Тумусоваҕа П.Н.Тобуруокап аатынан Норуот айымньытын дьиэтин аатыттан Махтал сурук, сертификат туттардылар, үлэтигэр ситиһиилэри баҕардылар.

Биэчэри ылбаҕай ырыаларынан киин балыыһа коллектива, Юрий Васильев - Дьураай о.д.а киэргэттилэр.

@uoheebuluu