#ситиһии

⭐️Өрөспүүбүлүкэтээҕи  "Наука глазами детей" диэн научнай - популярнай муултуктары оҥоруу күрэҕэр " Тускул" оҕо айымньытын киинин иһинэн үлэлиир "Саҥа Step" студия үөрэнээччитэ Настя Степанова "Барытын билиэхпин баҕарабын" диэн муултугунан 3-с степеннээх дипломант, Ай Куо Иванова 2- с степеннээх дипломант аатын ыллылар 👏👏👏👍👍👍

Ону тэҥэ студияҕа айымньылаахтык дьарыктанар Данил Корякин, Мария Гоголева, Белла Степанова муултуктара сэҥээриини ылан, сэртэпикээтинэн бэлиэтэннилэр. Салайааччы - талааннаах педагог Анна Павловна Григорьева

Настя Степанованы уонна Ай Куо Иванованы, учууталларын Анна Павловнаны ситиһиилэринэн эҕэрдэлээн биэриэҕиҥ 💐💐💐👏👏👏 Оҕолорбут өссө да элбэх, интэриэһинэй муултуктары оҥоро турдуннар 🙌🙌🙌

#ситиһии

⭐️ Нина Афанасьева Москва куоракка Бүтүн дойду үрдүнэн ыытыллар 30-с үбүлүөйдээх В.И.Вернадскай ааҕыыларыгар I-кы степеннээх дипломант үрдүк аатын ылла.

⭐️ "Бастыҥ тыа сирин оскуолатын үлэтэ" диэн грамотанан уонна "Бастыҥ социальнай суолталаах үлэ" грамотанан наҕараадаланна.

⭐️Нина үлэтэ бастыҥ үлэ быһыытынан В.Вернадскай хомуурунньугар Саха сириттэн соҕотоҕун киирдэ.

Үөрэнээччибитин Нинаны, кини төрөппүттэрин, салайааччытын Ольга Прокопьевнаны, научнай салайааччытын Евгений Ивановиһы бу улахан ситиһиинэн ис-сүрэхтэн эҕэрдэлиибин. Бу кырыы сир оскуолата улуус, Саха сирин дойду таһымыгар ааттата сылдьарыттан үөрэбит уонна киэн туттабыт. Бу ситиһии биһиги учууталларбыт таһымнарын өссө төгүл бигэргэтэр, үрдүккэ кынаттыыр.👍👍👍

Научнай салайааччы быһыытынан Евгений Иванович Иванов салайан Россия таһымнаах күрэхтэргэ ыыппыт оҕолоро сыллата миэстэлэһэллэр, онтон Үөһээ Бүлүүгэ ыытыллар НПК-ҕа киирсэннэр миэстэлэспэккэ хаалаллар. Ол иһин оҕолор үлэлэрин бэйэлэрэ Россияҕа ыытаннар миэстэлэһэллэр. Быйыл бу оҕо үлэтэ манна Үөһээ Бүлүүгэ кыттыбыт да ситиһиилэммэтэх, онтон Россияҕа тиийэн лауреат буолар.

Ол аата манна дьүүллүүр сүбэ сыаналыыр критерийдэрэ хайдаҕый?

Сонуннарга анаан Василий Титов

"Үөһээ Бүлүү" хаһыат

#ситиһии

⭐️Бу ый 5-7 күннэригэр Дьокуускай куоракка "Таежный герой" диэн ааттаах ИДьМ көҕүлээһининэн оскуола саастаах оҕолорго байыаннай-спортивнай оонньуу буолан ааста.

Барыта 16 хамаанда кытынна. Үөһээ Бүлүү аатыттан кыттыбыт уолаттарбыт9 буолан, икки күннээх киирсиилээх күрэххэ кыайыыны-хотууну ыллылар.

Уолаттар ИДьМ спецназ "ГРОМ" этэрээтэ 1-кы степеннээх дипломунан, кубогунан наҕараадаланнылар. Уолаттарбыт аан бастакыларын кыттан, бастакы миэстэ буолбуттара барыбытын үөрдэр. Үөһээ Бүлүү куруук бастакы✊🏻

Хамаанда састаабыгар Нам орто оскуолатын үөрэнээччилэрэ 10-с кылаастан Станислав Николаев,
11-с кылаастан Ян Иванов
Алексей Степанов,
Үөһээ Бүлүүттэн 4-с N-дээх орто оскуола 8-с кылааһын үөрэнээччитэ Антон Осипов,
2-с N-дээх орто оскуола 8-с кылааһыттан Сергей Решетников, бырааттыы убайдыы Михаил уонна Айсен Шишигиннар (Миша 4-с оскуола 8-с кылааһыгар үөрэнэр, Айсен 3-с оскуолаҕа 7-с кылааска), Өргүөт орто оскуолатын 8-с кылааһын үөрэнээччитэ Алексей Корякин уонна Дьокуускайдааҕы инсдустриальнай педагогическай колледж устудьуона Алексей Нюкканов киирэн кытыннылар.

Кыайыылаах хамаанданы полиция лейтенана Денис Яковлев уонна полиция старшината Тимофей Томскай көрөн-истэн, салайан сырыттылар.

Улахан күрэххэ дьоһуннаах ситиһиилэммит ыччаттарбытын итиитик-истиҥник эҕэрдэлиибит👏👏👏 маладьыастар👍👍👍

"Үөһээ Бүлүү" хаһыат

#ситиһии

⭐️⭐️⭐️Арассыыйаҕа Аҕа настаабынньык уонна 23" күрэҕэр Үөһээ Бүлүүтээҕи 2 нүөмэрдээх М.Т.Егоров аатынан орто оскуола кэлэктиибэ "Декоративное цветоводство и ландшафтный дизайн" хайысхаҕа 2-с миэстэ, "Лекарственные растения" хайысхаҕа 3-с миэстэ, "Овощеводство и картофелеводство" хайысхаҕа -3-с миэстэ, " Плодово- ягодные культуры" хайысхаҕа 2-с миэстэ буоллулар! 👏👏👏👍👍👍🏆🏆🏆

Сири кытары үлэлиир агро хайысхалаах үлэһит кэлэктиипкэ эҕэрдэ бастыҥа буолуохтун 💐💐💐💐💫💫💫🙌🙌🙌

"Үөһээ Бүлүү" хаһыат

#ситиһии

⭐️ Саха сиригэр үөрэҕирии эйгэтигэр Аҕа настаабынньык уонна педагог сылынан ыытыллыбыт анал бириэмийэни иҥэрии күрэҕэ түмүктэннэ.

Бу күрэҕи СӨ Үөрэҕин уонна билимин министиэристибэтэ уонна "СӨ кэлэр көлүөнэлэрин анал пуондата" тэрийэн ыыттылар.

Генеральнай партнерунан - "РНГ" АУо буолар. Саха сирин үрдүнэн 100 педагог 100-түү тыһыынча солкуобай бириэмийэни ылыахтара.

Биһиги улуустан Н.К. Седалищев- Дьүөгэ Ааныстыырап аатынан Кэнтик орто оскуолатын нуучча тылын уонна литературатын учуутала Н.Ф.Будищева, оҕо спортивнай оскуолатын тренерэ Сардаана Терентьева, 1-кы нүөмэрдээх "Ньургуһун" оҕо уһуйаанын старшай иитээччитэ Марианна Комарова, М.А.Алексеев аатынан Үөһээ Бүлүүтээҕи лицей-интэринээт нуучча тылын уонна литературатын учуутала Александра Борисова тигистилэр.

Бу үрдүк кыайыыларынан бастыҥ педагогтарбытын эҕэрдэлээн  биэриэҕиҥ 👏👏👏

"Үөһээ Бүлүү" хаһыат

#ситиһии

⭐️ Улууспут биир бастыҥ үлэлээҕинэн биллэр М.Т.Егоров аатынан 2-с нүөмэрдээх орто оскуола кэлэктиибэ өрөспүүбүлүкэ таһымыгар бииртэн биир чаҕылхай ситиһиилэрэ барыбытын үөрдэр.👍👍👍👏👏👏💫💫💫

Бүгүн эмиэ үөрүүлээх сонун, кыайыы өрөгөйө билиннэ 🏆🏆🏆
Саха сирин оскуолаларын икки ардыларыгар ыытыллыбыт оҕо инициативаларын кииннэрин көрүү күрэҕэр " Бастыҥ оҕо инициативаларын киинэ" үрдүк ааты ылан 1- кы степеннээх дипломунан наҕараадаланна 🤩🤩🤩👏👏👏

Оҕону иитиигэ, эргиччи сайыннарыыга күүстээхтик үлэлиир оскуолаҕа, педагогтарга эҕэрдэ уонна махтал бастыҥа буолуохтун 💐💐💐👏👏👏

"Үөһээ Бүлүү" хаһыат

#Ситиһии

⭐️ Бүгүн агро хайысхалаах үлэҕэ сыллата дьоһун түмүктэри ылар Дьокуускай, Москва куораттарга улахан агропромышленнай быыстапкаларга кыттар улууспут бастыҥ оскуолалара: М.Т.Егоров аатынан Үөһээ Бүлүүтээҕи 2 нүөмэрдээх орто оскуола уонна П.Н.Тобуруокап аатынан Нам орто оскуолата Арассыыйа тыатын хаһаайыстыбатын миниистирэ Д.Н.Патрушевтан агро хайысхалаах үлэлэригэр үрдүк көрдөрүүлэрин иһин махтал суруктары туттулар 👍👍👍👏👏👏

Санатар буоллахха, соторутааҕыта бу икки оскуола Москваҕа буолбут " Золотая осень - 2023" агропромышленнай быыстапкаҕа баран кыттыыны ылбыттара 🥒🥬🥦🌶🫑🥔🥔🥔🥕🥕🧅🧄

Эһиги болҕомтоҕутугар агропромышленнай быыстапка кыттыылаахтара - М.Т.Егоров аатынан орто оскуола учуутала Елизавета Дмитриева үөрэнээччилэрин кытары 😍😍😊

Саҥаттан саҥа, ураты оҥорон таһаарыыгыт, олохтоох, хаачыстыбалаах бородууксуйаҕыт үрдүү, үксүү турдун.Үрдүктэн үрдүк таһымҥа тахсан иһиҥ🙌🙌🙌

"Үөһээ Бүлүү" хаһыат

#кыһа #ситиһии

⭐️ Кулун тутар 12-16 күннэригэр М.Т.Егоров аатынан 2-с нүөмэрдээх оскуола 8-11 кылаастарын үөрэнээччилэрэ уонна 2 салайааччы, химия уонна биология учууталлара, Кристина Даниловна Уйгурова, Эльза Тимофеевна Ивановна Бүтүн Россиятааҕы "Моя будущая профессия - врач" диэн медицинскэй форумҥа кытта сылдьаллар.

Биэс күннээх тэтимнээх бырагыраамалаах күрэххэ кыттан, оҕолор элбэх ситиһиилэннилэр. Барыта 15 хамаандаттан чорбойон, "Удачный дебют" диэн ааттаах кубок хаһаайыттара буоллулар.

Чинчийэр үлэ конференциятыгар дакылаат ааҕан 4 оҕо миэстэҕэ тигистэ.
Ол курдук, Семенов Коля 9-с кылаас, Селясинова Даша 10-с кылаас, Гурьев Емельян 11-с кылаас үөрэнээччилэрэ "Железодефицитная анемия в Верхневилюйском улусе" диэн дакылааттарынан педиатрия хайысхатыгар бастакы бочуоттаах миэстэҕэ тигистилэр.

11-с кылаас үөрэнээччитэ Изольда Иванова "Хронические заболевания при дефиците химических элементов" диэн дакылаатынан химия, фармацевтика уонна медицинэ хайысхатыгар бочуоттаах үһүс миэстэ буолла.

Бу форум бэһис төгүлүн Санкт-Петербург куоракка ыытыллар. Оҕолорго быраас идэтин билиһиннэрэр сыаллаах элбэх экскурсиялар, көрсүһүүлэр буоллулар. Санкт-Петербургтааҕы медицинскэй хайысхалаах үөрэх салааларыгар сырыттылар. Бу тэрээһин оҕолор инники үөрэхтэрин хайысхатын талалларыгар төһүү күүс буолуо диэн эрэнэбит.

Сүдү оруоллаах тэрээһиҥҥэ оҕолорбут баран кытталларыгар уонна сайдан кэлэллэригэр көмөлөспүт улууспут дьаһалтатын баһылыгар Валерий Валериевич Николаевка уонна куруук биһиэхэ көмө-ама буолар, мед. үөрэхтээһиҥҥэ кылааттарын киллэрэ сылдьар улуустааҕы киин балыыһа кылаабынай бырааһыгар Сардаана Николаевна Павловаҕа уонна кылаабынай сиэстэрэҕэ Светлана Васильевна Павловаҕа махталбытын тиэрдэбит.

Сонуннарга анаан Елена Андреева, дириэктэри үөрэх чааһыгар солбуйааччы

"Үөһээ Бүлүү" хаһыат

#егэ #ситиһии #кыһа

⭐️ Үөһээ Бүлүүттэн Евдокия Николаева историяҕа биир кэлим эксээмэни 100 баалга туттарда

Өрөспүүбүлүкэ үрдүнэн история предметигэр муҥутуур баалы ылбыт бастакы выпускник буолла.

Евдокия 9 кылааһы Үөһээ Бүлүүтээҕи лицей-интернаты бүтэрэн баран салгыы Норуоттар икки ардыларынааҕы Арктика оскуолатын ааспыт сылга түмүктээбитэ.

Былырыын нуучча тылын 100 баалга туттаран Ил Дархан Айсен Николаевтан 100 тыһыынчалаах бириэмийэни ылбыта.

"Былырыын бааллара үрдүк этэ, хас да үрдүк үөрэхтэн 100 бааллаах выпускник диэн биһиэхэ киирэн үөрэн диэн ыҥырбыттара. Ону эһиил туттарыам диэн биир сыл үөрэхтэн сынньанан, чопчу ханнык үөрэххэ киирэрбин толкуйдуом диэн докумуоннарын биэрбэтэҕэ.
История предметин таах туттарбакка хаалбыппын диэн быйыл эбии историяны уонна английскай тылы туттарда. Билигин омук тылын эксээмэнин түмүгүн күүтэбит. Историяны туттарарыгар Үөһээ Бүлүүтээҕи лицей выпускнигын быһыытынан туттарда. Онон бу ситиһии улуус туһатыгар ааҕыллар", - диэн Евдокия ийэтэ Лариса Семеновна Верховцева кэпсээтэ.

Оттон Евдокия аҕата Василий Валерьевич Николаев улууспут Аҕа баһылыга Валерий Николаев бииргэ төрөөбүт быраата. Николаевтар дьиэ кэргэттэригэр, аймахтарыгар биир кэлим эксээмэни 100-түү баалга туттарбыт ыччаты иитэн таһаарбыккытынан эҕэрдэ бастыҥа буолуохтун!

"Үөһээ Бүлүү" хаһыат