#сайын

⭐️ Билиилээхтэр күөх сайыны үүнээйи дьаарбаҥкатынан көрсөллөр

Оҕуруотчут, киһи киэнэ килбиэнэ Клавдия Анисимовна Прокопьева- Иванова аатынан үгэс буолбут сибэкки, оҕуруот аһа, мас, араас үүнээйи дьаарбаҥката "Билиилээх" түөлбэтин Н.Егоров аатынан сквергэ сыл ахсын буолар. Сыллата оҕуруоччуттар, сибэккини сөбүлээн атыылыыр дьон кэккэтэ хаҥаан иһэр.

Ким баҕалаах кэлэн эргинэн, мэнэйдэһэн барар. Кэлбит дьону, дьаарбаҥка кыттыылаахтарын Клавдия Анисимовна чугас дьоно, дьүөгэлэрэ сылаас алаадьынан, быппаҕынан күндүлээтилэр. Дьаарбаҥкаҕа үгүс киһини тардан атыылаабыт оҕуруоччуттарга Клавдия Анисимовна оҕолоро оҕуруоччуттарга олус наадалаах уоҕурдуулары, сибэкки иһиттэрин бэлэх ууннулар.

@uoheebuluu

#сайын

⭐️ Бүгүн Билиилээххэ Н.Егоров аатынан сквергэ үгэс буолбут үүнээйи дьаарбаҥката буолла.

Бу 3-с сылын ыытыллар тэрээһин бастыҥ оҕуруотчут, майгылаах мааныта, киһи киэнэ килбиэнэ Клавдия Анисимовна Прокопьева- Ивановаҕа ананар.

Клавдия Анисимовна идэтинэн бухгалтер этэ, Райпоҕа өр сылларга таһаарыылаахтык үлэлээбитэ. Биэнсийэҕэ тахсыаҕыттан оҕуруот аһын эгэлгэтин, сибэкки арааһын үүннэрэн, ордубутун бэлэхтээн, атыылаан, бүтүн улууһу хааччыйан олорбута. Бэйэтин дьикти абылаҥар чугас олорор дьонун уһуйбута. Ол курдук, Елизавета Алексееваны, Светлана Яковлеваны. Биһиги усулуобуйабытын тулуйар-тулуйбат араас үүнээйини эксперименнээн, киһи үөйбэтэх кэрэ сибэккилэрин, сиэниллэр үүнээйилэри кыһыннары буостуктаан таһаарар буоллулар. Дьэ сүрэх-бэлэс үлэһит дьон...

Бүгүҥҥү дьаарбаҥкаҕа элбэх дьон кыттыыны ылла. Бэйэлэрэ үүннэрбит үүнээйилрин Анна Иванова, Ульяна Петрова, Сардаана Прокопьева, Варвара Гаврильева, Надежда Иванова, Кристина Семенова, Мария Баяновская о.д.а. Атыылаһааччы хара баһаам. Ордук оҕурсуга наадыйаллар эбит. Наадыйар рассадаларын булан, алаадьы, бурдук аһын амсайан, бырпах, морс иһэн, бириис бөҕө тутан тарҕастылар.

Клавдия Анисимовна оҕолоро, кийииттэрэ, бииргэ төрөөбүт быраата Анисим Анисимович, балтылара Валентина, Екатерина, Альбина Анисимовналар спонсордааннар атыылааччыларга, атыылаһааччыларга уонна тэрийээччилэргэ бириис арааһын туруордулар. Бу үгэс сылтан сыл салҕанан барар. Бары кыттыылаахтарга үтүө сайыны, өлгөм үүнүүнү, доруобуйаны.

"Билиилээх" түөлбэ салайааччыта Наталья Васильева

@uoheebuluu

#планерка

✅ Улуус дьаһалтатын нэдиэлэтээҕи былаанныыр сүбэ-мунньаҕын улуус баһылыгын социальнай боппуруостарга солбуйааччыта Анна Уларова иһитиннэриититтэн саҕалаата.

СӨ Үлэ уонна социальнай сайдыы миниистирэ Елена Волкованы кытары Москва куоракка сырыы туһунан иһитиннэрии оҥордо. Кырдьаҕастар дьиэлэрин тутуутун боппуруоһун кэпсэппиттэрин, бырайыактан бассейн тутуута таһаарыллыбытын, Нам уонна Мэҥэ-Хаҥалас улуустарыгар тутулла турар кырдьаҕастар дьиэлэригэр ханыылаан тутулларын былаанныылларын туһунан кэпсээтэ. Тутуу үбүн-харчытын дьүүллэһэллэр.

Үөһээ Бүлүүгэ психологическай киин былаан быһыытынан атырдьах ыйыгар арыллаары турар. Бастаан утаа 2 психолог миэстэтэ көрүллүбүт.

"Үөһээ Бүлүү" хаһыат