❌ В работе Telegram наблюдается массовый сбой.

🔹 С проблемой столкнулись пользователи как мобильной, так и браузерной версий мессенджера.

🔹 Это следует из данных сервиса Downdetector, сообщает «Российская газета».

@ulusmedia

❗❗❗❗
Оҥоһуу өй (ИИ) 💡уу сахалыы саҥарарыгар кыттыс – бэйэҥ саҥаҕын устан ыыт!

Национальнай бибилэтиэкэ уонна АГИКИ бырайыагар кыттыс. Оҥоһуу Өй сахалыы өйдүүрүн, кэнэҕэс саҥарарын, ыччаппытын кытта кэпсэтэрин туһугар элбэх сахалыы саҥаны биир сиргэ мунньан, кинини үөрэтиэх тустаахпыт.

Ол туһугар бибилэтиэкэ саайтыгар 👇👇👇
https://voice.nlrs.ru
киир уонна ыйыллыбыт тиэкиһи аах, саҥаҕын хааллар, атыттар төһө сөпкө аахпыттарын бэрэбиэркэлээ.

Сахабыт тыла сайдарыгар тирэх, көмө буолуохха! Бар дьоҥҥо тарҕат❗️

#планерка

⭐️ Бүгүҥҥү улуус дьаһалтатын нэдиэлэтээҕи былаанныыр сүбэ-мунньаҕа үөрүүлээх түгэнтэн саҕаланна.

Ол курдук, Үөһээ Бүлүүтээҕи И.И.Седалищев аатынан дьиэ кэргэҥҥэ иитиигэ көмөнү оҥорор киин дириэктэрин социальнай-иитэр үлэҕэ солбуйааччыта, оҕо дьиэтигэр 20-с сылын үлэлиир Розалия Гаврильевна Докторова "Саха Өрөспүүбүлкэтин социальнай сулууспатын туйгуна" түөскэ кэтэр бэлиэни улуус баһылыга Валерий Николаев илиититтэн тутта.

"Үөһээ Бүлүү" хаһыат

#планерка

✅ Ыраас уунан хааччыйар ситимҥэ тахсыбыт саахалы туоратар үлэ туһунан "Водоканал" АУо салайааччыта Эдуард Гаврильев иһитиннэрдэ.

Билигин ситими ириэрии, өрөмүөн үлэтэ Намский тракт уулуссаҕа кэллэ. Билигин 2 техника үлэлиир. Күн бүгүн Ленин аатынан уулусса 1/4 нүөмэрдээх элбэх квартиралаах дьиэтэ уонна Школьнай уул. 5 нүөмэригэр уунан хааччыйыы тохтоон турар. Билигин оҕо уһуйааннарын эрэ уунан толору хааччыйар кыахтаах олороллор.

"Үөһээ Бүлүү" хаһыат

#планерка

✅ Үөрэх управлениетын салайааччытын солбуйааччы Леонид Огочонов үөрэх тэрилтэлэригэр ыытыллар үлэни билиһиннэрдэ.

Тумуу элбээн, "Ньургуһун", "Кэнчээри" уһуйааннарга биирдии бөлөх, оттон Далыр уонна Боотулуу уһуйааннара толору харантыыҥҥа баран олороллор. Боотулуу оскуолатыгар 2-с уонна 5-с кылаастар үөрэммэккэ олороллор.

Олунньу 14 күнүгэр оскуоланы бүтэрээччи 300 оҕо нуучча тылыгар итоговай собеседованиены туттарбытыттан 6 оҕо ааспата, хаттаан туттарыахтара.

"Үөһээ Бүлүү" хаһыат

#планерка

⭐️ Үөһээ Бүлүү нэһилиэгин баһылыга Максим Силигиянов улуус баһылыгын социальнай боппуруостарга солбуйааччыта Люция Спиридоновна Тойтоноваҕа өр сыллаах үтүө суобастаах үлэтин уонна Үөһээ Бүлүү нэһилиэгин социальнай-экономическай сайдыытыгар улахан кылаатын иһин түөскэ кэтэр бэлиэлээх Бочуот грамотатын үөрүүлээх быһыыга-майгыга туттарда.

Ону тэҥэ хаарбах дьиэттэн көһөрүү, эргэ уопсайдары төрдүттэн ыраастаан полигоҥҥа таһаарыы, уу-хаар ааһар ханаабаларын сааскы халаан уутугар бэлэмнэнэрдии хаһыы, ыраастааһын үлэлэрин туһунан иһитиннэрии оҥордо.

"Үөһээ Бүлүү" хаһыат

#планерка

✅ Ис дьыала отделын бэрээдэги бөҕөргөтүү салаатын салайааччыта Владислав Поскачин сокуону, бэрээдэги кэһии туһунан иһитиннэрдэ.

Ааспыт нэдиэлэ устата дьуһуурунай чааска 40 араас ис хоһоонноох иһитиннэрии киирбит. Мантан араас быһыылаах эт-хаан эчэйиитэ - 5, түөкүннээһин - 10. Суолга 1 саахал тахсыбыт, этэҥҥэ киһи эчэйиитэ суох.

Нэдиэлэ иһигэр 6 киһи административнай эппиэтинэскэ тардыллыбыт. Дьон-сэргэ тоҕуоруһа мустар сиригэр бэрээдэги кэһии иһин буруйдаммыт 4 киһи дьуһуурунай чааска киирэн тахсыбыт.

ГАИ үлэһиттэрэ уопсайа 100 боротокуолу толорбуттар.

"Үөһээ Бүлүү" хаһыат

#планерка

✅ Аэропорт салайааччыта Дмитрий Иванов Техникумҥа ааспыт субуотаҕа Бүлүү бөлөх улуустарыгар улахан күрэх ыытыллыбытын туһунан иһитиннэрдэ.

Бүлүү бөлөх улуустарын ис дьыала отделларын үлэһиттэрин кытта тэбис-тэҥҥэ күрэхтэһэн, полицейскэй идэтигэр үөрэнэ сылдьар устудьуоннарбыт бастакы миэстэни ыллылар.

Маны тэҥэ саа көҥүлүгэр, тиэхиньикэ техническэй көрүүтүн ааһарга о.д.а. боппуруостарга Үөһээ Бүлүү мэлдьи арыыланан хааларын туһунан санаатын эттэ. Маныаха олохтоох тэрилтэлэр Бүлүү эбэтэр Ньурба куораттарга барарга күһэллэллэрин атын тэрилтэлэр салайааччылара эмиэ этиннилэр.

Үөһээ Бүлүүтээҕи Техникум нөҥүө үөрэтэн үлэлиирбит буоллар үлэһит дьоҥҥо олус табыгастаах буолуоҕун бэлиэтээтэ.

"Үөһээ Бүлүү" хаһыат

#планерка

✅ Спорт управлениетын салайааччыта Егор Николаев спорт сонуннарын сырдатта.

Томпоҕо ох саанан ытыыга өрөспүүбүлүкэтээҕи турнирга Үөһээ Бүлүү уопсай түмүккэ Виктор Елисеев 2-с миэстэни ылла.

Элгээйигэ ыытыллыбыт Хотой Бииктэр бирииһигэр 130 киһи кыттыылаах өрөспүүбүлүкэтээҕи турнирга Үөһээ Бүлүүлэр 13 мэтээллээх кэллилэр. Ону тэҥэ 2 - дьахталларга уонна эр дьоҥҥо абсолютнайы биһиги дьоммут ыллылар.

Бүлүү куоракка истибэттэр адаптивнай спортарын фестивалыгар Үөһээ Бүлүү хамаандата 2-с миэстэни ыллыбыт.

Уһук Илиҥҥи уокурукка көҥүл тустуу чемпионатыгар Владимир Бояновскай 2-с миэстэни ылла.

Уус-Алдаҥҥа сахалыы национальнай спорт көрүҥнэригэр Чөмпүйүөннэр кубоктарыгар Айсен Ботуев 3-с миэстэ буолан, аны сайын буолуохтаах Дыгын Оонньууларыгар путевка ылла.

Олунньу 24-25 күннэригэр Буучугурас бирииһигэр хапсаҕай күрэҕэ буолаары турар. Бириис пуондата 2 мөлүйүөн кэриҥэ. Кыайыылаахтар ортолоругар сэрэбиэй нөҥүө оонньонор сүрүн бириис 500 тыһ. солк. уу харчынан. Үгүс күһүн кыттыылаах, тыҥааһыннаах киирсиилэри көрүөхпүт.

"Үөһээ Бүлүү" хаһыат