#планерка

⭐️⭐️⭐️ Узбекистан Хива куоратыгар ыытыллыбыт мас тардыһыытыгар Аан дойду чемпионатыгар 3 кыһыл көмүс уонна 1 үрүҥ көмүс мэтээлинэн аҕалбыт ааттаах-суоллаах мадьыныларбытын чиэстээтилэр.

Кыһыл көмүс мэтээл хаһаайыттара - Аан дойду чөмпүйүөннэрэАлександр Дмитриевка, Яна Захароваҕа, Наталья Черноградскаяҕа, бэтэрээннэргэ иккис миэстэни ылан, үрүҥ көмүс призер аатын ылбыт Гаврил Ботуевка улуус дьаһалтатын аатыттан 200 тыһ.солк. суумалаах сертификаттары Владимир Поскачин туттарда.

Эҕэрдэ тылы улуус Сэбиэтин бэрэссэдээтэлэ Николаев Николаев эттэ. Улууска мас тардыһыытын федерациятын бэрэссэдээтэлэ, улуустааҕы Баһаарынай этэрээт салайааччыта Виктор Новиковка мас тардыһыытын көрүҥэ улууска сайдарыгар үгүс кылаатын, сыратын-сылбатын анаабытын сыаналаан, улуус баһылыгын аатыттан махтал суругу туттарда.

"Үөһээ Бүлүү" хаһыат

#планерка

⭐️ Хоро нэһилиэгин баһылыга Альберт Иванов Александр Дмитриевкэ аан дойду таһымнаах ситиһиитинэн эҕэрдэлээн туран, "Хоро нэһилиэгин бочуоттаах олохтооҕо" үрдүк ааты иҥэрдэ.

Маны тэҥэ Хоро нэһилиэгин олохтоохторо биир дойдулаахтара Александр Дмитриев сүҥкэн ситиһиититтэн үөрэн туран, бэйэлэрин санааларыттан хомуйбут уу харчынан бэлэхтэрин нэһилиэк баһылыга туттарда.

"Үөһээ Бүлүү" хаһыат

#планерка

⭐️Үөһээ Бүлүү нэһилиэгин баһылыгын солбуйааччыта Егор Михайлов Яна Захароваҕа нэһилиэк дьаһалтатын аатыттан эҕэрдэ суругу уонна 50 тыһ.солк.суумалаах сертификаты бэлэх уунна.

И.Н.Барахов аатынан 1-кы нүөмэрдээх орто оскуола дириэктэрэ Александр Поскачин Александр Дмитриевкэ бу оскуолаҕа үүнэр көлүөнэни иитиигэ үлэлиир учуутал, ону тэҥэ 8 оҕо амарах аҕата буоларын сыаналаан туран оскуола аатыттан бэйэтин сэмэй бэлэҕин туттарда.

Улуустааҕы Баһаарынай этэрээт салайааччыта Виктор Новиков Нам нэһилиэгин Баһаарынай чааһын үлэһитэ Гаврил Ботуевка улахан ситиһиитинэн эҕэрдэлээн туран, тэрилтэ аатыттан убаһа бирииһи бэлэх ууналларын туһунан иһитиннэрдэ.

Наталья Черноградскаяҕа улуустааҕы спорт управлениетын начальнига Егор Николаев Өргүөт нэһилиэгин дьаһалтатын аатыттан 30 тыһ.солк. суумалаах сертификаты туттарда. Наҕарааданы Наталья Черноградская эдьиийэ тутта.

"Үөһээ Бүлүү" хаһыат