🌿☀️🌿☀️🌿☀️🌿☀️🌿
Сургуулуктар бүгүн  САХА САҤА СЫЛЫН бэлиэтээтилэр. Айылҕаҕа тахсан, сиэри- туому толорон, ыраастанан, арчыланан, күөх сайыны көрүстүлэр.

Нэһилиэк талааннаахтарын эҕэрдэ ырыалара- тойуктара дьиэрэйдэ. Араас күрэхтэр ыытылыннылар. Кус үргээһинигэр түргэн- тарҕан, ыраас туттуулаах Далбар Хотун, үрүҥ халааттаах Аанньалбыт Ксения Прокопьева, эбээлэр икки ардыларыгар ыытыллыбыт "Алаас Хотуна" күрэх муҥутуур кыайыылааҕынан Розалия Гаврильева, алаадьы күрэҕэр бастакы миэстэ Мария Ксенофонтова, иккис миэстэ Уруйдаана Федотова, үһүс миэстэ Любовь Ксенофонтова буоллулар.
Оҕолорго анаан " Тыл оонньуута" буолла. Ону тэҥэ хамсаныылаах өбүгэ оонньууларын оҕолор сөбүлээн оонньоотулар.
Сахалыы, мааны астаах сандалы тула түмсэн аһаатылар.
Астына оһуокайдаатылар, үрүҥ Айыылартан алгыс ылан, бу үтүө, кэрэ тэрээһинтэн күүс- сэниэ эбинэн сайыннарын көрүстүлэр
🌿☀️🌿☀ 🌿☀️🌿☀️🌿

"Үөһээ Бүлүү" хаһыат

Өбүгэ оонньуулара сымса, быһый буоларга үөрэтэллэр

Ырыа- тойук дьиэрэйдэ, хампа күөххэ сууламмыт айылҕабыт тэҥҥэ үөрдэ- көттө

Истиҥ эрэ, сүрэҕи, дууһаны долгутар иэйиилээх ырыалар 👍👍🥰🥰🥰

Сургуулук Кэрэ аҥардара, үтүө- мааны Далбар Хотуттара араас начыыннаах алаадьылары аҕалан ыалдьыттары күндүлээтилэр.

Эчи, минньигэһин 😋😋😋👍👍👍

"Үөһээ Бүлүү" хаһыат

Оҕолор киэҥ олоххо бастакы сирдьиттэрэ - уһуйаан үлэһиттэрэ✅

Педагог уонна наставник сылынан бүгүн оҕо көмүскэлин күнүгэр бастакы уһуйааччылар, сирдьиттэр - улуус уһуйааннарын бэтэрээннэрин бэлиэтээтибит.

Манна улуус кииниттэн уонна тыалартан бэтэрээннэрбит киирдилэр. Сэбиэдиссэйдэр, уһуйааччылар эрэ буолбакка оҕону минньигэстик аһаппыт, дьиэни сылаастык-ыраастык туппут бэтэрээннэр кэллилэр.

Ытык дьоммут үйэҕит уһаатын🙌🏼

Друзья, подписываемся на мой телеграмм канал https://t.iss.one/BORBUEV - Спиридон Борбуев