#Кыайыыкүнэ

⭐️Нам нэһилиэгэр Улуу Кыайыы 78 сылынан "Айхаллан, Улуу Кыайыы" кэнсиэр спортсааланы толору көрөөччүнү муста.

Тэрээһини кэргэннии Розалина, Айсен Бурнашевтар иилээн-саҕалаан ыыттылар.
Кэнсиэри Үөһээ Бүлүүтээҕи Оҕо искусство оскуолатын Намнааҕы филиалын оҕолорун хора "Пусть всегда будет солнце", "Наша Армия!" ырыалара арыйда, көрөөччү дохсун ытыс тыаһынан доҕуһуолланна. Хор кылааһын Наталия Ильина дьарыктыыр.

Мария Павлова "Кукушка", Розалина Бурнашева "Туруйалар", Николай Осипов "Журавли", Розалия Тарасова "Саллаат турар", Людмила Гаврильева "Ньургуьун", Марианна Былкова, Ирина Бетту "Мы - эхо", Дархан Аталларов, "Дьиэрэй" ырыа ансамбылын квартета, "Кэнчээри" оҕо уһуйаанын коллектива "Крейсер Аврора" ырыаларын бэлэх ууннулар.

Нам оскуолатын коллективын "Катюша" ырыатын таһаарааччыларынан Наталия Ильина уонна кини кыракый кыыһа София Саргыдаева буоллулар.

Оскуола оҕолорун уруһуйдарын "Письма с фронта" быыстапката көрөөччү дьүүлүгэр турда. Көхтөөхтүк кыттыбыт оҕолорго туоһу суруктары туттардылар.

3 миэстэни ылбыт 4 кыл. үөрэнээччитэ Алёна Никулина, 2 миэстэни 3 кылаастан Айсен Семёнов ыллылар. Онтон ис хоһоонунан үс көрүҥҥэ арааран, пластилинынан сыбаан олус үчүгэй уруһуйу оҥорбут 2 кылаас үөрэнээччитэ Аурика Михайлова 1 миэстэни ылыан ылла. Миэстэлэспит оҕолор сэмэй бэлэҕинэн биһирэннилэр.

Военизированнай күрэххэ толору састаабынан бэлэмнээх кэлэн "Кэнчээри" оҕо сайдар киинин коллектива 1-кы миэстэни ылла. "Кэнчээри оҕо уһуйаанын "Журавли", "Эйгэ" үҥкүү коллектива "Синий платочек" үҥкүүлэрэ дохсун ытыс тыаһынан доҕуһуолланна.

П.Н.Тобуроков аатынан түмэл дириэктэрэ Уйбаан Чыычаахап мустубут дьоҥҥо эҕэрдэтин тириэртэ, бэйэтэ суруйбут хоһоонун бэлэх уунна.

Түмүккэ Кыайыы күнүн уруйдаан, мустубут дьон тоҥонохтон тутуһан оһуохайдаан дьиэрэттилэр. Үҥкүү тылын Александра Васильева таһаарда. Дьон-сэргэ бэрткэ астынан-дуоһуйан тарҕастылар.

Сонуннарга анаан Надежда Мутуукаба.

Комментарийга киирэн сорох хаартыскалары көрүҥ⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️⬇️

"Үөһээ Бүлүү" хаһыат

#кыайыыкүнэ
🚩🚩🚩🚩🚩🚩🚩🚩
Строевой хаамыыны Украинаҕа буола турар байыаннай дьайыы кыттыылааҕа Михаил Ан салайар.👏👏👏

#Үөһээбүлүүхаһыат

#Кыайыыкүнэ

⭐️ Саһарбыт хаартыскаларга уоттаах Аҕа дойду Улуу сэриитин бэтэрээннэрэ...

"Үөһээ Бүлүү" хаһыат

#Кыайыыкүнэ

⭐️ Көрүҥ, тэрилтэлэр хайдах курдук бэлэмнэнэн кэлбиттэрин👍

8 холбоһуктаах хамаанда "Семнадцать мгновений весны", "Аты-баты шли солдаты", "А зори здесь тихие", "Летят журавли", "Белорусский вокзал", "Журавли над Ильменем", "Небесный тихоход", "Офицеры" киинэлэри сэриэбий быһыытынан талан ылбыттара. Бу киинэлэртэн быһа тардыылары сыанаҕа театрализованнай дьүһүйүү нөҥүө көрдөрүөхтэрэ.

"Үөһээ Бүлүү" хаһыат