Хаардаах күн❄️❄️❄️❄️❄️

Илин саҕах кыыстар кыыһан,
Сыдьаайа тэтэрэн истэ,
Күөгэйэр Күн Ийэ быган
Кыламана ибирдээтэ
Куобах суорҕанын саптынан
Утуйбут дойдум унааран,
Сандаарыйар күн уотуттан
Уһугунна түлүк уутуттан.
Күлүбүрэс сардаҥаттан
Көмүс утахтар сыыйдылар,
Хаар кыырпаҕын таарыйан
Кустук өҥүн оонньоттулар.
Хара түүннүүн арахсыһан,
Күнүн кууһан убураһан,
Ыһылынна күндү таастыы
Хаарбыт тыга тырыбыныы!❄️❄️❄️❄️❄️❄️

САБЫЙА.

Кэнтик орто оскуолатын оҕолоро уруок быыһынааҕы сынньалаҥҥа араас кинигэлэри таһынан улуустарын хаһыатын сөбүлээн ааҕаллар 👍👍👍👏👏👏

Бу оскуола бибилэтиэкэрэ Елена Петровна Дмитриева уонна учууталлар оҕо кинигэни, хаһыаты умсугуйан ааҕарыгар анаан араас табыгастаах усулуобуйаны тэрийэллэр. Бэйэлэринэн өрүү холобур буолаллар.

Оҕону ааҕыыга көҕүлүүргэ бу биир бастыҥ холобур буолар 📷📓📔📰

Бүгүн Ороһуга " Умнуллубат ол сулус" диэн Гаврил Николаев сырдык кэриэһигэр аналлаах ырыа күрэҕэ буола турар. Сахабыт сирин араас муннуктарыттан барыта 21 кыттааччы кэлэн ырыа алыптаах түһүлгэтигэр көрүстүлэр 🎸🕺💃💫⭐️🌟
Күн иккис аҥарыгар ырыа ансаамбыллара күрэхтэһиэхтэрэ.

Киэһэ 8 чаастан Ороһутааҕы сынньалаҥ киинигэр гала - концерт буолуоҕа 👍👍👍