⭐️⭐️⭐️ Аҕа Дойдуну көмүскээччи күнүн көрсө

Аҕа дойдуну көмүскүүр
Аармыйа күнүнэн
Эр дьоммутун эҕэрдэлиэх,
Эйэлээх олоҕу баҕарыах

Уол оҕо төрөөбүт дойдутун, норуотун хорсуннук көмүскүүр кыахтаах уонна баҕалаах буола улаатара төрөппүттэн эрэ буолбакка, тас эйгэттэн эмиэ улахан тутулуктаах. Дойдубут патриоттарын биһиги бэйэбит иитэн, улаатыннаран таһаарабыт. Күүстээх аҥаардарбыт дьиэ кэргэн суон дурдата, халыҥ хаххата, бигэ тирэҕэ буолаллар. Олунньу 23 күнэ — Аҕа дойдуну көмүскээччилэр күннэрэ!

Аҕа Дойдуну көмүскээччи күнүн көрсө, улуус киинигэр олунньу 21 күнүгэр аҕалар түмсүүлэрин уонна Үөһээ Бүлүүтээҕи И.И. Седалищев аатынан дьиэ кэргэццэ иитиигэ көмөну онорор киин директорын солбуйааччы Василий Васильевич Абрахов көҕүлээһининэн оҕолор, тереппуттэр кыттыылаах ытыыга куоталаһыы буолан ааста, барыта 5-с дьиэ кэргэн хамаандата кытынна. Үчүгэй эрийсиилээх киирсии түмүгэр оҕолорго: 3-с миэстэни - Коля Михайлов, 2-с миэстэни- Алеша Иванов, 1-кы миэстэни Никита Афонин бочуоттаах миэстэни ылары ситистилэр.
Хамаанданан түмүккэ: 3-с миэстэ Айгылаан Габышев, 2-с миэстэ Коля Михайлов,1-кы миэстэ Алеша Иванов хамаандалара баһыйаннар бириистээх миэстэлэри үллэһиннилэр. Уолаттар сааны эт илиилэринэн тутан, туруоруллубут сыалы таба ытан, сыыһар да түбэлтэлэригэр хомойбокко, сыччах улахан дьон курдук сананан барытыттан дуоһуйууну ылан, өйдөбүнньүк бириис, добун сурук тутан дуоһуйан, сынньанан, үөрэн-көтөн тарҕастылар.

Түгэнинэн туһанан ытыыга старшай тренер Лаврентий Карадчин тирга ытары көҥүллээн, саанан, буулдьанан хааччыйан, көмөлөспүтүгэр улахан махталбытын тиэрдэбит!


Үөһээ Бүлүүтээҕи И.И.Седалищев аатынан
дьиэ кэргэҥҥэ иитиигэ көмөнү оҥорор киин

#суруйаллар

⭐️⭐️⭐️ Аҕа дойдуну көмүскээччилэр күннэрин көрсө Дүллүкү орто оскуолатыгар "Эр санаа" орден кавалера "Степан Степанович Руфов сырдык аатыгар улуустааҕы "Снежный барс" байыаннай-cпортивнай күрэхтэһии буолла.


Улуус 17 оскуолатыттан 170 оҕо кэлэн "Ратные страницы истории", "Статен в строю, силен в бою", "Неполная разборка и сборка АК-74", "Снаряжение магазина патронами", "Пулевая стрельба", " Комплекс силовых упражнений", "Военизированная эстафета" түһүмэхтэринэн кытыннылар.


⭐️ Степан Степанович сырдык аатыгар үөрэммит оскуолатыгар мэҥэ бэлиэ арылынна.

Күрэхтэһии түмүгүнэн кыайыылааҕынан Дүллүкү орто оскуолатын хамаандата, 2-с миэстэҕэ - Далыр орто оскуолатын, 3-скэ Хоро орто оскуолатын хамаандалара таҕыстылар. Күрэхтэһии сүрүн судьуйатынан Үөһээ Бүлүүтээҕи М.А.Алексеев аатынан өрөспүүбүлүкэтээҕи лицей-интернат учуутала Георгий Золотарев үлэлээтэ.

Байыаннай-спортивнай күрэхтэһии элбэх оҕону түмэн, төрөөбүт дойдуга бэриниилээх, махталлаах буолуу тыынын сахта.

Матырыйаалы бэлэмнээтилэр: Илона Руфова, Яша Сергеев (9 кыл.), Алина Санникова, Гульнара Тобохова (8 кыл.), Айыына Петрова (5 кыл.).