Посетили лекцию-концерт посвященной 80-летию народной артистки СССР, РС(Я) Анегины Ильиной🙌

❤️Үөһээ Бүлүүбүтүн бүтүн Сахабыт сиригэр эрэ буолбакка Россияҕа, аан дойдуга тиийэ ааттаталларыттан киэн туттабыт! Ол курдук, ааспыт 2022 сыл хас биирдии олохтооххо умнуллубат чыпчааллары үйэ- саас тухары хаалларда.

Быйыл 2023 сылга саха омук саргытын салайсыбыт улуу киһибит, киэн туттар биир дойдулаахпыт, чулуу уолбут Исиидэр Бараахап төрөөбүтэ үбүлүөйдээх 125 сыла бэлиэтэнэр. Бараахаппыт аата киэн тутта ааттана турарыгар үгүс үлэ күүтэр. Тэтиммитин ыһыктыбакка үүммүт уонна кэлэр сылларга өссө күүскэ өрөйөн-чөрөйөн, сомоҕолоһуулаахпытын көрдөрөн, иннибит диэки эрэллээхтик хардыылаан, үлэлиэҕиҥ-хамсыаҕыҥ! Үүммүт 2023 сыл Россияҕа учуутал уонна настаабынньык, Сахабыт сиригэр Үлэ сылынан биллэрилиннэ. Өрүү бииргэ буоламмыт дойдубут сайдарын туһугар өрөйүөҕүҥ, үлэлиэҕиҥ-хамсыаҕыҥ!