#планерка #эҕэрдэ

⭐️ Нам нэһилиэгин "Көмүлүөк" түмсүү салайааччыта Мария Ивановна ЕГОРОВАҔА Саха өрөспүүбүлүкэтигэр общественнай хамсааһын сайдыытыгар үтүө кылаатын иһин Ил Түмэн судаарыстыбаннай мунньах наукаҕа, үөрэхтээһиҥҥэ, көрдөрөр-иһитиннэрэр эйгэ, общественнай тэрээһиннэо дьыалаларыгар кэмитиэт аатыттан Феодосия Габышева илии баттааһыннаах Бочуотунай грамотанан наҕараадаланна👏👏👏💐💐💐

"Үөһээ Бүлүү" хаһыат

#планерка

✅ Улуус дьаһалтатын тэрийэр отделын салайааччыта Антон ПЛАТОНОВ кулун тутар 27-31 күннэригэр ыытыллыбыт Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын II-с Съезтэрин, ону тэҥэ СӨ муниципальнай тэриллиилэрин Сэбиэттэрин IX-с Съезтэрин туһунан кылгас иһитиннэрии оҥордо.

Улууспутуттар нэһилиэктэр баһылыктара, дьокутааттар кыттыыларын билиһиннэрдэ, тэрээһин боппуруостарыгар тохтоото.

"Үөһээ Бүлүү" хаһыат

#планерка

✅ Ыччат отделын салайааччыта Прасковья ТИМОФЕЕВА кулун тутар 23-25 күннэригэр Дьокуускай куоракка буолан ааспыт "Муус устар" ыччат бэстибээлигэр улуус ыччаттара кыттыыларын уонна ситиһиилэрин туһунан сырдатта.

Үөһээ Бүлүү улууһун аатыттан 31 киһилээх хамаанда кыттан кэллэ. Уопсайа 11 араас көрүҥҥэ күрэхтэстилэр.

Бу туһунан сиһилии "Үөһээ Бүлүү" хаһыат бу нэдиэлэтээҕи нүөмэригэр ааҕыаххыт😉

#планерка

✅ Ааспыт Общественник күнүнэн планерка кыттыылаахтарын эҕэрдэлээн туран, улууспут хас биирдии нэһилиэгэр тэриллэн олох киинэ кэриэтэ буолар общественнай түмсүүлэр үлэлэрин туһунан улуус общественнай түмсүүлэрин координатора Ирина Васильевна ПОТАПОВА иһитиннэрии оҥордо.


"Үөһээ Бүлүү" хаһыат

#планерка

✅ Улуустааҕы бэтэрээннэр Сэбиэттэрин бэрэссэдээтэлэ Иван ЧЫЧАХОВ бүгүҥҥү наҕараада ылбыт общественниктар бары бэтэрээннэр Сэбиэттэрин чилиэттэрэ буолалларын бэлиэтээтэ. Нэһилиэнньэни түмэр, көҕүлүүр хамнаһа суох үлэлээх дьону хайаан да сыаналыахтаахтар, чиэстиэхтээхтэр-бочуоттуохтаах диир.

Общественнай түмсүүлэр үлэлэрин өйүүр курдук улуус дьаһалтатын аатыттан наҕараадалар баар буолаллара, ону сэргэ ааттаах-суоллаах бэтэрээннэргэ түөскэ кэтиллэр Бочуот бэлиэтин оҥорон туттарар наадалааҕын бэлиэтээтэ.

"Үөһээ Бүлүү" хаһыат

#планерка

✅ Үөһээ Бүлүү улууһун дьаһалтатын үлэ харыстабылын отделын специалиһа Тамара Викторовна ИВАНОВА муус устар ыйга ыытыллар үлэ харыстабылын месячнигын былаанын туһунан кэпсээтэ.

"Үөһээ Бүлүү" хаһыат

#планерка

✅ Үөһээ Бүлүү улууһугар сокуону, бэрээдэги кэһии туругун туһунан Үөһээ Бүлүүтээҕи Полиция отделын салайааччыта, полиция подполковнига Вячеслав Олегович АНДРЕЕВ иһитиннэрдэ.

Дьуһуурунай чааска нэдиэлэ устата араас быһыылаах 44 иһитиннэрии киирбит. ГАИ үлэһиттэрэ уопсайа 82 устуука административнай боротокуолу толорбуттар. 4 арыгы испит туруктаах суоппары тохтоппуттар. Мантан 2 суоппар иккистээн итирик туруктаах сылдьан уруулга олорон тутуллубут.

Хаарбах дьиэттэн көһөрүү бырагырааматынан киирбит саҥа таас дьиэлэргэ биирдиилээн бэрээдэги кэһии, ол эбэтэр түүҥҥү бириэмэҕэ чуумпуну аймааһын туһунан үҥсүүлэр полиция отделын дьуһуурунай чааһыгар киирэр буолбуттар.

Санатар буоллахха, уопсай дьиэҕэ олорооччуларга туһаайан, үлэ күннэригэр киэһэ 21:00 чаастан 07:00 чааска диэри, оттон өрөбүл уонна бырааһынньык күннэригэр киэһэ 22:00 чаастан сарсыарда 10:00 чааска диэри чуумпуруллуохтаах. Биир дьиэҕэ истиэнэ нөҥүө ыаллаһан олорор дьонноругар ытыктабыллаах сыһыан баар буолуохтаах.

"Үөһээ Бүлүү" хаһыат

#планерка

✅ Үөһээ Бүлүүтээҕи Техникум үлэһитэ Роман ХАРАХОВ улууска Бүлүү бөлөх улуустарын орто үөрэхтэрин икки ардыларыгар ыытыллыбыт профессиональнай маастарыстыбаны сайыннарар күрэх түмүгүнэн тэрээһиҥҥэ көмөлөспүт тэрилтэ салайааччыларыгар махтал суруктары анаата - улуустааҕы Баһаарынай этэрээт салайааччытынан Виктор НОВИКОВКА, Үөһээ Бүлүү Баһаарынай судаарыстыбаннай надзоругар Андрей Павлович АЛЕКСАНДРОВКА уонна полиция отделын начальнигар Вячеслав Олегович АНДРЕЕВКА.

Орто үөрэхтэр икки ардыларыгар өрөспүүбүлүкэтээҕи Универсиадаҕа Үөһээ Бүлүү Техникума 6-с миэстэни ылбытын туһунан иһитиннэрдэ.

"Үөһээ Бүлүү" хаһыат