#күрэх #Годтруда

⭐️ Бүлүү бөлөх улуустарын Баһаарынай этэрээттэрин икки ардыларыгар баһаарынай-прикладной спорт көрүҥнэригэр 21-с төгүлүн ыытыллар Спартакиада бүгүн Үөһээ Бүлүү "Үс Хоһуун" спортивнай саалатыгар саҕаланна.

Бүлүү, Горнай, Эдьигээн, Ньурба, Сунтаар улуустарыттан ыалдьыттары улуустааҕы 12-с нүөмэрдээх баһаарынай этэрээт салайааччыта Виктор Новиков көрүстэ.

Спартакиада арыллыытыгар кыттааччылар парадтарын 1-кы нүөмэрдээх чаас салайааччыта Олимпий Харлампьев салайда.

"Үөһээ Бүлүү" хаһыат

#күрэх #Годтруда

⭐️ Уоту кытта бохсор, нэһилиэнньэ нус-хас олоҕун хааччыйарга сыраларын уурар хорсун-хоодуот байыастарга күрэхтэргэ ситиһиилэри баҕаран, бэйэтин алгыс тылын Уйбаан Чыычаахап анаата, аал уоту оттон арыылаах алаадьынан айах тутта.

"Үөһээ Бүлүү" хаһыат

#күрэх #Годтруда

⭐️ Күрэхтэһэр хамаандаларга эҕэрдэ тыллары эттилэр:

⭐️Үөһээ Бүлүү улууһун ыксаллаах быһыы-майгы управлениетын салайааччыта Григорий Гурьев

⭐️ СӨ Баһаары утары охсуһар судаарыстыбаннай сулууспа салайааччытын 1-кы солбуйааччыта Александр Трофимов

⭐️ Үөһээ Бүлүүтээҕи Баһаарынай этэрээт салайааччыта, СӨ Баһаарынай сулууспа бэтэрээнэ, туйгуна, Үөһээ Бүлүү улууһун бочуоттаах олохтооҕо Виктор Новиков

⭐️Үөһээ Бүлүү нэһилиэгин баһылыгын солбуйааччыта Егор Михайлов

⭐️ Күрэхтэһии сүрүн судьуйата, СӨ Баһаары утары охсуһар судаарыстыбаннай сулууспа отделын салайааччытын солбуйааччы, СӨ Баһаарынай-быыһыыр спорт федерациятын толорооччу дириэктэрэ Михаил Быкалыров.

"Үөһээ Бүлүү" хаһыат

#күрэх #Годтруда

⭐️ Бойобуой таҥаһы уонна баһаарынай сэбин-сэбиргэлин кэтиигэ бастакы миэстэни Бүлүү улууһа ылла.

Кини кэннэ иккискэ Үөһээ Бүлүү хамаандата таҕыста, үһүс бириистээх миэстэ - Горнай улууһа.

4-с миэстэ Эдьигээн, 5-с миэстэ Ньурба, 6-с Сунтаар буоллулар.

Бу көрүҥҥэ саамай бастыҥ көрдөрүүлээх Бүлүү Баһаарынай этэрээтин байыаһа Роман Новиков буолла. Кини бириэмэтэ 07,03 сөкүүндэ.

Иккискэ 07,81 сөкүүндэ көрдөрүүлээх Үөһээ Бүлүүттэн Тимофей Мойтохонов, үһүскэ 08,19 сөкүүндэ таҥныбыт Үөһээ Бүлүүттэн Илья Герасимов буоллулар.

⭐️ Баһаарынай быыһыыр быаны быраҕан баайыыга бастакы миэстэни Бүлүү хамаандата ылла. Иккис үчүгэй көрдөрүүлээх - Үөһээ Бүлүү, үһүс миэстэлээх Горнай улууһа таҕыста.

"Үөһээ Бүлүү" хаһыат

✅ Доҕоттоор, бу ссылканан https://t.iss.one/uoheebuluu телеграм каналбытыгар подпискаланабыт✊

#күрэх #Годтруда

⭐️ Магистральнай рукав ситимин тардыы күрэҕэ буола турар. Хамаандаттан 5-тии байыас кыттар, мантан түөрт бастыҥ көрдөрүү хамаанда туһатыгар ааҕыллар.

Халлаан тымныытын аахсыбакка, бастыыр туһугар тыҥааһыннаах киирсии бара турар. Хас биирдии көрдөрүүгэ сөкүүндэ да элбэҕи быһаарар.

Бу көрүҥү хас сөкүүндэ иһигэр оҥороллоро буолуо дии саныыгыт? Комментарийга санааҕытын хаалларан ааһыҥ🙌😅

"Үөһээ Бүлүү" хаһыат