🎭Үөһээ Бүлүүгэ Саха театрын күннэрин чэрчитинэн үгэс быһыытынан көрөөччүлэри кытары көрсүһүүлэр саҕаланнылар.

Бүгүн ССРС норуодунай учуутала, ССРС норуотун үөрэҕириитин туйгуна, Михаил Андреевич Алексеев аатынан өрөспүүбүлүкэтээҕи лицей-интернат үөрэнээччилэрин уонна учууталларын кытары Саха театрын артыыстара Елена Маркова, Нюргуяна Шадрина, Роман Дорофеев, Айсен Лугинов, Вячеслав Лавернов көрүстүлэр.

🎭 Саха театрын эйгэтин оҕолорго сырдаттылар, талан ылбыт идэлэрин, үлэлэрин туһунан кэпсээтилэр. Кэпсэтиигэ тоҕуоруһа мустубут оҕолор көхтөөхтүк кытыннылар, ордук артыыс идэтин туһунан, хайдах ньымалары туһанан көрөөччүгэ тиийэр гына оонньуохха сөбүн ыйыттылар.

Идэтийбит артыыстар ыйытыыларга эппиэттээтилэр, театр эйгэтин кытары инникитин олохторун ситимниэн баҕалаах оҕолорго кинигэни элбэхтик ааҕарга сүбэлээтилэр. Бүгүҥҥү көрсүһүүттэн Саха театрын артыыстара даҕаны, лицей оҕолоро даҕаны олус астыннылар, чахчы истиҥ сэһэргэһии буолла. ❤️ МАХТАЛ

Гастрол администратора Сиибиктэ Васильева

#фотодня

Сылгыһыт күнүнэн!👏🏻

🐎🐎🐎🐎🐎
Кулун тутар 18 күнүгэр, Өрөспүүбүлүкэтээҕи Сылгыһыт күнүн чэрчитинэн Төҥүргэстээх алааһыгар сылгыһыттар күрэхтэригэр Ороһу нэһилиэгин хамаандата кыайыылаах үрдүк аатын сүктэ🎉🎉🎉

2 миэстэ - Боотулуу нэһилиэгэ,

3-с - Балаҕаннаах хамаандата.