🔸🔸🔸Бүгүн улуус дьаһалтататын аактабай саалатыгар орто үөрэхтээх мэдиссиинэ каадырдарын бэлэмниир 4 өрүттээх сөбүлэҥ түһэрсии үөрүүлээх түгэнэ тосхойдо. Ол курдук, Үөһээ Бүлүү улууһун баһылыга Валерий Николаев, В.А.Вонгродскай аатынан Дьокуускайдааҕы медицинскай колледж дириэктэрэ Дмитрий Алексеев, улуустааҕы киин балыыһа кылаабынай бырааһа Сардаана Павлова уонна Д.С.Спиридонов аатынан улуустааҕы гимназия дириэктэрэ Сергей Кардашевскай ытыс дохсун тыаһынан докумуоннарга илии баттастылар. ➡️➡️➡️ https://верхневилюйск-газета.рф/uluusputugar-mediczinskaj-kolledzh-otdelenieta-aryllya/

Ахсынньы 26 күнүгэр Үөһээ Бүлүү улууһугар икки эбийиэк: Сургуулук орто оскуолата уонна Анегина Егоровна Ильина-Дмитриева аатынан Нам нэһилиэгин норуот айымньытын киинэ үөрүүлээх быһыыга-майгыга арылыннылар.

Бүгүн, ахсынньы 27 күнүгэр, Нам нэһилиэгэр саҥа норуот айымньытын киинэ арыллыбытынан сибээстээн, алмаас тааска СССР норуодунай артыыскатын Анегина Егоровна Ильина-Дмитриева аатын иҥэрэр үөрүүлээх тэрээһин ыытылынна.

2024 сыл атырдьах ыйын 9-с күнүгэр "Алроса" акционернай хампаанньыйа "Новинка" трубкатыттан хостоммут 74,5 караттаах алмааска Саха Өрөспүүбүлүкэтин, РСФСР уонна СССР норуодунай артыыскатын Анегина Егоровна Ильина-Дмитриева аатын иҥэрэр туһунан туоһу суругу “АЛРОСА” аахсыйалаах хампаанньа генеральнай директорын сүбэһитэ Платонов Анатолий Васильевич эҕэрдэлээн туран туттарда.

Алмааска аат иҥэриллэрин туһунан "Алроса" АХ генеральнай директора Павел Алексеевич Маринычев 2024 сыл алтынньы 24 күнүгэр баттаабыт 01/297 - П нүөмэрдээх бирикээһин ытыс дохсун тыаһыгар, дьон-сэргэ көрүүтүгэр-истиитигэр Анатолий Васильевич доргуччу ааҕан билиһиннэрдэ.

Маны сэргэ, Нам нэһилиэгин олохтоохторун саҥа, тупсаҕай дьүһүннээх култуура эбийиэгэ үлэҕэ киирбитинэн СӨ култуура уонна духуобунай сайдыы миниистирин бастакы солбуйааччыта, биир дойдулаахпыт Мария Васильевна Турантаева эҕэрдэлээтэ.

Нам нэһилиэгин олохтоохторун өр кэтэспит бэлиэ түгэҥҥитинэн - саҥа норуот айымньытын киинэ арыллыытынан итиитик-истиҥник эҕэрдэлиибит. Саҥа култуура дьиэтэ дьоҕурдаах дьону-сэргэни, кэнчээри ыччаты сайыннардын, өр үйэҕэ олохтоохтору үтүө тэрээһиннэринэн үөрдэ турдун!

Ытыктабыллаах Анегина Егоровна!
Эн улуу ааккар, чаҕылхай дьоҕургар, айдарыылаах аналгар сүгүрүйэн туран, дойдугар Нам нэһилиэгэр арыллыбыт саҥа култуура дьиэтигэр, маны сэргэ Сахабыт Сирин баайыгар - алмаас тааска аатын иҥэриллибитинэн, үйэтитиллибитинэн итиитик-истиҥник эҕэрдэлиибин! Улуу киһибит улуу аата алмаас таастыы күлүмүрдүү, култуура сырдык суолугар саҥа көлүөнэ ыччаты угуттуу турдун!

#АнегинаИльина
#Алроса
#ДомНародногоТворчества
#ВерхневилюйскийУлус

t.iss.one/ValeriNikolaev

Күндү "Үөһээ Бүлүү" хаһыакка 2025 сылга ТОЛОРУ суруппут ааҕааччыларбыт! Эһигини Саргылаах Саҥа дьыл салаллан иһэринэн истиҥник эҕэрдэлээн туран, эрдэ биллэрбит сүүйүүлээх оонньуубут түмүгүн таһаарарбытын биллэрэбит.

Ол курдук, сарсыарда 10 чааска онлайн киирэн, "генератор случайных чисел" бырагыраама нөҥүө кыайыылаахтары быһаардыбыт. Оонньууну видеоҕа уһулбуппутун киирэн көрүҥ. Ол түмүгүнэн, кыайыылаахтарбыт ааттара доргуччу ааттанна! 🎉🎉🎉👏👏👏
1. 2000 солк. - Михайлова Мария Даниловна (11 нүөмэр),
2. 2000 солк. - Тартакынова Анна Григорьевна (12 нүөмэр)
3. 2000 солк - Иванова Ирина Ивановна (7 нүөмэр)
4. 2000 солк. Васильева Татьяна Спартаковна (14 нүөмэр)
5. 2000 солк. - Охлопкова Анна Анатольевна (13 нүөмэр)
6. 5000 солк. - Семенова Айталина Афанасьевна (8 нүөмэр).

Кыайыылаахтары ис сүрэхпититтэн эҕэрдэлиибит!💐💐💐 Бириистэргитин бүгүн редакция дьиэтиттэн күнүс 4 чааска диэри кэлэн ыларгытын күүтэбит (квитанцияларгытын илдьэ кэлэҕит).

"Үөһээ Бүлүү" хаһыат редакцията

Кыайыылаахтарбыт сүүйүүлэрин ыллылар👏🏻👏🏻👏🏻

Кыайыылаах Анна Григорьевна Тартакынова олус долгуйан, астынан маннык кэпсээтэ: "Биһиги дьиэ кэргэн ыал буолуохпутуттан улууспут хаһыатыгар суруттарабыт, быһа холоон 30 сыл буолла. Суруттарбытым тухары бу бастакы сүүйүүм буолла. Өйдүү-саныы сылдьарбыт гына өйдөбүнньүк бэлэх оҥостуохпут. Барыгытын кэлэн иһэр Саҥа дьылынан!"

@uoheebuluu