#бэлиэкүн

⭐️ Быйыл улууска 11 фельдшер үлэлии кэллэ

Бу сылга саҥа үлэлии кэлбит фельдшер идэлээх эмчиттэри олус эппиэтинэстээх үлэни саҕалаабыттарынан улуус кылаабынай бырааһа Сардаана Павлова эҕэрдэлээн туран киин балыыһа аатыттан "Стильный доктор" медицинэ таҥаһын маҕаһыыныттан бастакы үлэ таҥастарын бэлэх уунна.

Ахмед Романович Варфоломеев саҥа үлэһиттэргэ бэйэтин үтүө санаатын, кэс тылын аныырыгар эппиэтинэстээх үлэлэригэр бэриниилээх буолалларыгар баҕарда.

"Үөһээ Бүлүү" хаһыат

#бэлиэкүн

⭐️Киин балыыһа сиэстэрэлэрэ наҕараадалары туттулар

Доруобуйа харыстабылын эйгэтигэр үтүө суобастаах үлэлэрин уонна нэһилиэнньэ доруобуйатын харыстабылыгар киллэрсэр сэмэй кылааттарын иһин

Улуустааҕы киин балыыһа оҕону эмтиир салаатын сиэстэрэтэ Наталья Огочонова "СӨ доруобуйа харыстабылын туйгуна" түөскэ кэтэр бэлиэнэн наҕараадаланна.

Анестезист-сиэстэрэ Татьяна Прокопьева СӨ доруобуйа харыстабылын министиэристибэтин Бочуот грамотатынан бэлиэтэннэ.

Улуустааҕы киин балыыһа сиэстэрэтэ Любовь Семенова СӨ доруобуйа харыстабылын министиэристибэтин Махтал суругун тутта.

Эҕэрдэ буоллун, наҕараадалаах эмчит идэлээх эдэр үлэһиттэргэ.

"Үөһээ Бүлүү" хаһыат

#бэлиэкүн

⭐️Саха Өрөспүүбүлүкэтин бочуоттаах бэтэрээннэрэ

Улуус бэтэрээннэрин Сэбиэтин бэрэссэдээтэлэ Иван Чычахов улаханнык ытыктанар үтүөлээх бырааһа Ахмед Романович Варфоломеевы уонна кини олоҕун аргыһын Раиса Ивановнаны "СӨ бочуоттаах бэтэрээнэ" дастабырыанньалаах түөскэ кэтэр бэлиэнэн наҕараадалаата.

Ону тэҥэ Ахмед Романович үбүлүөйүн көрсө улуус хаһыатыгар балаһанан тахсыбыт ыстатыйатын бэлэх уунна.

"Үөһээ Бүлүү" хаһыат

#бэлиэкүн

⭐️ Эмчит бэтэрээннэр эҕэрдэлэлииллэр

Үөһээ Бүлүү улууһуттан төрүттээх Дьокуускай куоракка олорор доруобуйа харыстабылын бэтэрээннэрин ааттарыттан СӨ үтүөлээх бырааһа, РФ уонна СӨ доруобуйатын харыстабылын туйгуна Светлана Сибирякова анаан-минээн кэлэн, үбүлүөйдээх киэн туттар биир дойдулаахпытыгар Ахмед Варфоломеевка эҕэрдэтин анаата.

"Үөһээ Бүлүү" хаһыат

#барыбииргэ #сво #своихнебросаем

⭐️ Байыастарга анаммыт баһыылкалар алгыстаннылар

Улуус баһылыга Валерий Николаев салайааччылаах Үөһээ Бүлүү улууһун дэлэгээссийэтэ байыаннай дьайыы буола турар сиригэр баран эрэр. Маныаха улуус бэтэрээннэрин Сэбиэтин бэрэссэдээтэлэ Уйбаан Чыычаахап буойуттарга анаммыт баһыылкалары барытын боҕуруоскай оту уматан, сыт таһааран арчылаата, алгыстаах тылын иҥэрдэ.

Аэропорт салайааччыта Дмитрий Иванов, тыа хаһаайыстыбатын управлениетын салайааччыта Кирилл Гаврильев уонна дьаһалта дьыалаларын дьаһайааччы, улуус баһылыгын солбуйааччыта Михаил Егоров буолан улуус аатыттан хомуллубут көмөнү илдьэн опорнай пууннарынан тарҕатыахтара. Улууспут уолаттарын сирэй көрсөн туох-хайдах сылдьалларын билсиэхтэрэ.

"Дойдум тыына" иистэнэр сыах илиитин сылааһынан бэлэмнэммит толору маллаах, дурда-хахха буолар поащ-балааккалаах 50 алгыстаах мөһөөччүк, биирдии байыаска дьонноруттан аадырыстаммыт баһыылкалар, нэһилиэктэр, тэрилтэлэр, түмсүүлэр хомуйбут маллара, анаан-минээн оҥорбут хаххаланар сеткалара, оскуола оҕолоро бэлэмнээбит чүмэчилэрэ, ис сүрэхтэриттэн тахсар үтүө санааларын иҥэриммит суруктара, уруһуйдара, сойбот сонуннаах, истиҥ илдьиттээх "Үөһээ Бүлүү" улуус хаһыата, олус күндүргэппит тоҥ эттэрэ балык күндүтэ о.д.а. наадалаах мал-сал, ас-үөл бэлэмнэнэн айаннаан эрэр.

Төрөөбүт дойдуларыттан ыраах сылдьар уолаттарбытыгар, хорсун санаалаах эрэттэрбитигэр анаммыт баһыылкалар тиийэн күүстэригэр күүс эбэригэр, саппаҕырбыт санаалара киэҥ кыйданан өрө көтөҕүллэригэр, дойдубут дьоно биһиги күүтэллэр, эрэнэллэр диэн санаалара өссө бөҕөргүүрүгэр улахан көмөлөөх буолуо диэн олус эрэнэбит. Алгыс түспүт баһыылкалара тиийэн уолаттарбытын - хотойдорбутун арчылаатыннар, араҥаччылаатыннар. Алгыс баһа сыаланнын. Дом!

"Үөһээ Бүлүү" хаһыат