#быыстапка
Бүгүн, сэтинньи 8 күнүгэр, улуустааҕы история уонна этнография түмэлигэр норуот маастара, Саха сирин чороонньуттарын Сойууһун чилиэнэ Михаил Дмитриевич Егоров - Хаттаанай олоҕун орто омурҕанын бэлиэтигэр уус-уран оҥоһуктарын быыстапката көрөөччү дьүүлүгэр турда.
"Кэрэни кэрэхсээн" быыстапкаҕа мастан, удьурҕайтан ураты кэрэ, хас биирдиилэрэ туһунан суолталаах, ис хоһоонноох чорооннор, кытыйалар, сахалыы иһиттэр туруорулуннулар. Манна даҕатан эттэххэ, Хаттаанай уус бу сатабылыгар элбэх эдэр дьону бэйэтин сатабылыгар үөрэтэ-такайа сылдьара кэрэхсэбиллээх.
Быыстапка үөрүүлээх арыллыытыгар норуот айымньытын киинин уус-уран салайааччыта Светлана Аммосова Михаил Дмитриевичка "Саха Өрөспүүбүлүкэтин норуотун айымньытын сайдыытыгар кылаатын иһин" түөскэ кэтиллэр бэлиэни туттарда уонна 5000 солкуобай суумалаах сертификаты бэлэх уунна. История уонна этнография түмэлин салайааччыта Изабелла Саввинова маһы ыллатар ууска иһирэх эҕэрдэтин тиэрдэн туран, 3000 суумалаах сертификаты туттарда.
"Үөһээ Бүлүү" хаһыат
Бүгүн, сэтинньи 8 күнүгэр, улуустааҕы история уонна этнография түмэлигэр норуот маастара, Саха сирин чороонньуттарын Сойууһун чилиэнэ Михаил Дмитриевич Егоров - Хаттаанай олоҕун орто омурҕанын бэлиэтигэр уус-уран оҥоһуктарын быыстапката көрөөччү дьүүлүгэр турда.
"Кэрэни кэрэхсээн" быыстапкаҕа мастан, удьурҕайтан ураты кэрэ, хас биирдиилэрэ туһунан суолталаах, ис хоһоонноох чорооннор, кытыйалар, сахалыы иһиттэр туруорулуннулар. Манна даҕатан эттэххэ, Хаттаанай уус бу сатабылыгар элбэх эдэр дьону бэйэтин сатабылыгар үөрэтэ-такайа сылдьара кэрэхсэбиллээх.
Быыстапка үөрүүлээх арыллыытыгар норуот айымньытын киинин уус-уран салайааччыта Светлана Аммосова Михаил Дмитриевичка "Саха Өрөспүүбүлүкэтин норуотун айымньытын сайдыытыгар кылаатын иһин" түөскэ кэтиллэр бэлиэни туттарда уонна 5000 солкуобай суумалаах сертификаты бэлэх уунна. История уонна этнография түмэлин салайааччыта Изабелла Саввинова маһы ыллатар ууска иһирэх эҕэрдэтин тиэрдэн туран, 3000 суумалаах сертификаты туттарда.
"Үөһээ Бүлүү" хаһыат
#үбүлүөй
Харбалаах орто оскуолатын төрүт култуура учуутала Валентина Даниловна Васильева оҕолорго 6-с сылын туой оҥоһуктары оҥорор эбии дьарыгы ыытар.
Оҕолор умсугуйан туран туойтан араас хартыыналары, сахалыы көмүлүөктэри, оҥоһуктары оҥороллор. Маны таһынан, оҥоһуктарын атыылаан, хамнас аахсаллар.
Оскуолаҕа гончарнай сыах бу иннинэ үлэлии олорбут дириэктэр Васмар Руфов көҕүлээһининэн арыллыбыта, оҕолор сөбүлээн дьарыктаналлар. Валентина Даниловна энтузиаст учуутал, туойун ыраах Москваттан сакаастаан ылар. "Мин биисинэһим" тэрилтэ салайааччыта Мария Александрова кэпсэтэн, граҥҥа кыттыахтарын сөбүн сүбэлээтэ, оҕолор оҥоһуктара улуус киинигэр атыыланарын курдук үлэлэһиэх буолла.
@uoheebuluu
Харбалаах орто оскуолатын төрүт култуура учуутала Валентина Даниловна Васильева оҕолорго 6-с сылын туой оҥоһуктары оҥорор эбии дьарыгы ыытар.
Оҕолор умсугуйан туран туойтан араас хартыыналары, сахалыы көмүлүөктэри, оҥоһуктары оҥороллор. Маны таһынан, оҥоһуктарын атыылаан, хамнас аахсаллар.
Оскуолаҕа гончарнай сыах бу иннинэ үлэлии олорбут дириэктэр Васмар Руфов көҕүлээһининэн арыллыбыта, оҕолор сөбүлээн дьарыктаналлар. Валентина Даниловна энтузиаст учуутал, туойун ыраах Москваттан сакаастаан ылар. "Мин биисинэһим" тэрилтэ салайааччыта Мария Александрова кэпсэтэн, граҥҥа кыттыахтарын сөбүн сүбэлээтэ, оҕолор оҥоһуктара улуус киинигэр атыыланарын курдук үлэлэһиэх буолла.
@uoheebuluu