Үөһээ Бүлүү улууһугар ойуур баһаардара от ыйын 13 күнүн туругунан:

Быракаан нэһилиэгин территориятыгар 3750 га иэннээх ойуур баһаара буола турар. Баһаары умуруорааһыҥҥа 68 киһи, ол иһигэр 19 Өргүөт нэһилиэгин олохтооҕо, 17 Быракаан нэһилиэгин олохтооҕо, 2 Дүллүкү нэһилиэгин олохтооҕо, 1 ПХС (пожарно-химическая станция), 8 ДПС, 6 ППС, 1 ОГПС үлэһиттэрэ, ону тэҥэ 15 техника үлэлииллэр. Минерализованнай балаһалары оҥоруу үлэтэ бара турар, БЕ-200 самолет, ону тэҥэ МИ-8 вертолет үөһээттэн ууну кутааһын үлэни ыыталлар.

Кэнтик нэһилиэгин территориятыгар 640 га иэннээх ойуур баһаарын утары 101 киһи, ол иһигэр 65 Кэнтик нэһилиэгин олохтоохторо, 3 ойуур хаһаайыстыбатын үлэһиттэрэ, 23 баһаарынай химическэй станция (ПХС) үлэһиттэрэ, 10 эбии көмөлөһөөччүлэр, ону тэҥэ 16 техника үлэлииллэр. Ойуур баһаара төгүрүллэн, уоту манааһын, минерализованнай балаһалары ыраастааһын үлэтэ бара турар.

Оҥхой нэһилиэгин Хомустаах сиригэр 885 га иэннээх ойуур баһаарын умуруорааһыҥҥа 110 киһи, ол иһигэр 80 олохтоох нэһилиэнньэттэн, 30 баһаарынай быыһыыр сулууспаттан уонна ойуур хаһаайыстыбатыттан үлэһиттэр, ону тэҥэ 11 техника үлэлииллэр. Ойуур баһаара төгүрүллэн манааһын үлэтэ барар.

Үөдүгэй нэһилиэгин территориятыгар "Муҥур күөл" диэн сиргэ 12 га иэннээх ойуур баһаара . Ойуур баһаарын умуруорууга 16 киһи, ол иһигэр 5 Үөдүгэй нэһилиэгин олохтоохторо, 1 Үөһээ Бүлүү сэлиэнньэтин олохтооҕо, 5 Балаҕаннаах нэһилиэгин олохтоохторо, 3 Ньурба улууһуттан ПХС үлэһиттэрэ, 2 МЧС үлэһитэ таҕыстылар.

Быракаан нэһилиэгин территориятыгар буола тураар ойуур баһаара тыалтан күүһүрэн трассаҕа тахсара чугаһаабытынан сибээстээн эбии ойуур умуруорааччы дьону этэрээттэргэ кыттыһарга ыҥырабыт.

Күннээҕи төлөбүр 2900 солкуобай.
Билсэр нүөмэргит:
ЕДДС - 89141089557 - Владислав.

Күннэтэ ойуур баһаарын утары үлэлиир этэрээттэргэ кыттыһа турар, күнүстэри-түүннэри уоту манааччы, аһаҕас уоту умуруорааччы, уоту тутарга үлэни ыытааччы дьоммутугар истиҥник махтанабын.

Биир күүһүнэн турбут уоттары имири тохтоторго бары күүһү ууруоҕуҥ!

#ВерхневилюйскийУлус
#ЛесныеПожары

t.iss.one/ValeriNikolaev

Үөһээ Бүлүү улууһугар ойуур баһаардара от ыйын 14 күнүн туругунан:

Быракаан нэһилиэгин территориятыгар 3950 га иэннээх ойуур баһаарын утары бүгүҥҥү күҥҥэ 59 киһи Өргүөт уонна Быракаан нэһилиэгин олохтоохторо, 27 киһи баһаарынай быыһыыр сулууспаттан уонна электростанция үлэһиттэрэ, ол иһигэр 15 киһи Дьокуускай куорат баһаарынай сулууспатыттан, 29 киһи "Авиалесохрана" тэрилтэттэн, ол иһигэр 6 парашютист, 23 киһи ДПС (десантно-пожарная служба), 3 киһи ГАУ "Якутлесресурс" тэрилтэттэн, 4 киһи лесничествоттан уоту утары охсуһуу үлэтин ыыталлар. Ону тэҥэ ойуур баһаарын тохтотооһуҥҥа 2 ДТ-75 трактор, 1 УРАЛ трал, 3 МТЗ трактор, 4 баһаарынай массыына, 5 УАЗ массыына, 3 уу таһар УАЗ массыына, 3 водовоз үлэлииллэр.

Бэҕэһээ, от ыйын 13 күнүгэр, түүн 23:00 чааска ыксаллаах быһыыны сэрэтии уонна баһаартан харысхаллаах буолуу хамыыһыйа (КЧС) Быракаан нэһилиэгэр тахсан мунньахтаабыппыт.

Мунньах түмүгэр Өргүөт уонна Быракаан нэһилиэктэригэр ЧС режима биллэрилиннэ. КЧС сорудаҕынан Өргүөт уонна Быракаан нэһилиэктэрин баһылыктарыгар хат дьахталлары, маломобильнайдары, тыынар уорганнара хроническай ыарыылаахтары, оҕолору уонна кырдьаҕас дьону куттала суох сиргэ көһөрүүнү хааччыйарга сорудах бэрилиннэ. Ону тэҥэ ойуур баһаарын умуруорууга хомууру күүһүрдүү үлэтин ыытары бигэргэттибит.

Трассаҕа тахсан эрэр уоту бүгүҥҥү туругунан төгүрүттүбүт. Утары уоту ыытыы үлэтэ этэҥҥэ ааһан Быракаан ойуурун баһаарын балаһыанньата көнөн эрэрин биллэрэбит.

Кэнтик нэһилиэгин территориятыгар 640 га иэннээх ойуур баһаарын утары олохтоох нэһилиэнньэттэн 65 киһи, ГАУ "Якутлесресурс" тэрилтэттэн 7 киһи, Лесохрана тэрилтэттэн 3 киһи, ону тэҥэ 1 уаз фермер, соколлар, уопсайа 7 техника үлэлээтилэр. Ойуур баһаара төгүрүллэн, уоту манааһын, минерализованнай балаһалары ыраастааһын үлэтэ бара турар.

Оҥхой нэһилиэгин Хомустаах сиригэр 885 га иэннээх ойуур баһаарын умуруорааһыҥҥа 83 киһи Далыр, Оҥхой, Мэйик нэһилиэгин олохтоохторо, 1 отряд Авиалесохранаттан, 16 киһи "Якутлесресурс" тэрилтэтиттэн, ол иһигэр 11 киһи Үөһээ Бүлүү улууһун ойуур хаһаайыстыбатыттан, 5 киһи Ньурба улууһун ойуур хаһаайыстыбатыттан үлэлииллэр. Ону тэҥэ 1 ДТ -75 трактор, 2 МТЗ трактор, 5 уаз массыына уоту утары охсуһаллар. Ойуур баһаара төгүрүллэн манааһын үлэтэ бара турар. Локализацияҕа бэлэмнэнэбит.

Үөдүгэй нэһилиэгин территориятыгар "Муҥур күөл" диэн сиргэ 110 га иэннээх ойуур баһаарын умуруорууга бүгүн вертолетунан этэрээттэр 2 бортунан көттүлэр. 7 киһи Кэбээйи улууһун Якутлесресурс тэрилтэтиттэн, 5 киһи Ньурба улууһун Якутлесресурс тэрилтэтиттэн, 5 киһи Үөһээ Бүлүү улууһун ойуур хаһаайыстыбатыттан, 1 киһи Дьокуускай куорат ойуур хаһаайыстыбатыттан, 12 киһи Үөдүгэй нэһилиэгин олохтооҕо, 2 киһи МЧС тэрилтэтиттэн ойуур баһаарын умуруорааһыҥҥа көттүлэр.
Бу киэһээ Үөдүгэй ойуурун баһаарыгар эбии көмө ДТ-75 трактор үлэлии барда.

Бүгүн улууспутугар саҥа ойуур баһаара Боотулуу-Сургуулук нэһилиэктэрин территориятыгар бэлиэтэннэ. Баһаар иэнэ бүгүҥҥү туругунан 5 га. Бүгүн вертолетунан ойуур баһаарын утары охсуһар этэрээт Боотулууга көппүтэ. Этэрээткэ 1 киһи Авиалесохрана тэрилтэтиттэн, 5 киһи Боотулуу нэһилиэгин олохтоохторо, 5 киһи Сургуулук нэһилиэгин олохтоохторо көппүттэрэ.

Быракаан нэһилиэгин территориятыгар буола тураар ойуур баһаарын тохтотооһуҥҥа хомууру биллэрэбит!

Нэһилиэк баһылыктарын, тэрилтэ салайааччыларын истиилэригэр!

Улууспутугар турбут ойуур баһаардарын умуруорааһыҥҥа кыттыһан, дьону хомуйууга, наадалаах малларынан хааччыйыыга күүс-көмө буоларгытын ыҥырабыт!

Биир күүһүнэн турбут уоттары имири тохтоторго бары күүһү ууруоҕуҥ!

#ВерхневилюйскийУлус
#ЛесныеПожары

t.iss.one/ValeriNikolaev