#эбээүөрэҕэ

🏃‍♂️ Күндү төрөппүттэр, эбээлэр, эһээлэр болҕомтолоругар!

«Эйгэ» КСЭК МАТ от ыйын 8 күнүттэн 19 күнүгэр диэри алын сүһүөх кылаас оҕолоругар аналлаах сайыҥҥы сынньалаҥ, аралдьыйыы, төрүт дьарыктары кытта билсиһэр сахалыы эйгэлиин алтыһар «Эбээ, эһээ үөрэҕэ" диэн сайыҥҥы куруһуокпутугар күнүс 2 чаастан киэһэ 5 чааска диэри Түгэхтэй алааһыгар ыҥырабыт!

Оҕолор сахалыы төрүт аһылыгы оҥорорго, астыырга, бултааһын, балыктааһын кистэлэҥнэрин кытта билсиэхтэрэ, көрүөхтэрэ, үөрэниэхтэрэ, кыттыахтара.

Сайыҥҥы сылаас, чэбдик күннэргэ Ийэ айылҕаҕа сылдьан сынньанан, оонньоон-көрүлээн, ыллаан- туойан үөрэ-көтө сынньалаҥ күннэрин туһалаахтык атаарыахтара.

Күҥҥэ төлөбүрэ 300 солк. Дьарыктары саҕалыыр тэрээһин от ыйын 08 күнүгэр күнүс 2 чаастан Түгэхтэйгэ Эбээ балаҕаныгар буолар.

Суруттарыы +7 (914) 101-82-70 нүөмэринэн.

Иитээччилэр: РФ үөрэҕириитин туйгуна, СӨ үөрэҕириитин үтүөлээх үлэһитэ, улуус бочуоттаах учуутала Александра Петровна Колесова, ону тэҥэ үлэ бэтэрээнэ, булчуттар, балыксыттар уопсастыбаларын чилиэнэ Владимир Саввич Кузьмин, көмөлөһөөччү Сахаайа Радомировна Васильева, дефектолог учуутал

@uoheebuluu

#улууска

⭐️Үөһээ Бүлүү улууһугар суол тутуута

Быйылгы сылтан Кырыкыйга, Кэнтиккэ уонна паромҥа киириигэ (Күрдьэҕэлээх) суолларын өрөмүөннээһин үлэтэ саҕаланар.

Суоллары өрөмүөннүүргэ быйыл 2024 сылга өрөспүүбүлүкэттэн эбии 124 мөл. солкуобай үбүлээһин көрүлүннэ.

Ол курдук, Кэнтик нэһилиэгин суолугар асфальт уурарга уопсайа 89 мөл 079 тыһ. солкуобай көрүлүннэ, ол иһигэр өрөспүүбүлүкэттэн 80 мөл., олохтоох бүддьүөттэн 8 мөл. 900 тыс. солкуобай.

Дүллүкү-Кырыкый суолун өрөмүөнүгэр өрөспүүбүлүкэттэн 35 мөл. 787 тыс 397 солкуобай, оройуон бүддьүөтүттэн 10 мөл. 689 тыһ. 742 солкуобай, уопсайа холбоон 46 мөл 477 тыһ. 40 солкуобай көрүллэрин ситистибит.

Үөһээ Бүлүү сэлиэнньэтигэр, паромҥа киирии суолу оҥорууга өрөспүүбүлүкэттэн 8 мөл. 121 тыһ. 193 солкуобай, олохтоох бүддьүөттэн 2 мөл. 853 тыһ 392 солкуобай, уопсайа холбоон 10 мөл. 974 тыһ. 585 солкуобай көрүлүннэ.

Ону тэҥэ, быйыл Көтөрдөөх – Сургуулук (Баҕадьа) суолун тутууга 90 мөл. солкуобай, Боотулуу – Маҥаас (Харбала) суолун тутууга 48 мөл. солкуобай эбии үп көрүллэн үлэ салҕыы бара турар.

Санатан этэр буоллахха, эрдэ Үөдүгэй нэһилиэгэр Ю.М.Максимов, В.В. Васильев, Е.В.Адамова уонна П.П.Андреев аатынан уулуссалар суолларын өрөмүөнүгэр 7 мөл.246 тыһ.солк. көрүллүбүтэ. Нам бөһүөлэгин Комсомольскай, Хомустаах уонна Механизаторскай уулуссаларын өрөмүөнүгэр  5 мөл.204 тыһ.солк. көрүллүбүтэ.
Кэнтик нэһилиэгин суолун өрөмүөнүгэр эрдэ 91 мөл суолкуобай үбүлээһин көрүллүбүтэ, ол иһигэр федеральнай бүддьүөттэн 55 мөл. солк., өрөспүүбүлүкэ бүддьүөтүттэн 35 мөл. солк., олохтоох бүддьүөттэн 720 тыһыынча солкуобай көрүллэн үлэ балысханнык бара турар.

Ытыктабыллаах Үөһээ Бүлүү улууһун олохтоохторо!

Улууспутугар суоллары тутууга үлэбит ситиһиилээхтик саҕаламмытынан эҕэрдэлиибит.

Саҥа сүүрээн, сайдыы суолугар үктэммиппит бэлиэтэ буолар - быйылгы сылга муниципальнай суоллары тутууга, өрөмүөннээһиҥҥэ хаһан да тас бүддьүөттэн көрүллүбэтэх элбэх үп (судаарыстыбаттан, өрөспүүбүлүкэттэн, олохтоох бүддьүөттэн уопсайа 383 мөл. солк.) көрүллэрин ситиһэн киэн далааһыннаах үлэни ыытыы.

Суол - сайдыы төрдө буоларынан сибээстээн, бу хайысхаҕа тиэмпэлээх үлэни ыытыы улуус дьаһалтатын биир сүрүн сыала-соруга буолар.

Иннибит хоту бары бииргэ!

Үөһээ Бүлүү улууһун дьаһалтатын пресс сулууспата

@uoheebuluu

#иһитиннэрии

✅ Убаастабыллаах Үөһээ Бүлүү улууһун олохтоохторун, тэрилтэ салайааччыларын истиилэригэр!

Билигин икки саҥа ойуур баһаара таҕыста. Ол курдук, Маҥаас нэһилиэгиттэн 27 км тэйиччи сиргэ, Түҥ эбэ аттыгар тахсыбыт ойуур баһаарын иэнэ билигин 8 гектарга тэҥнэстэ.

Ону тэҥэ Үөдүгэй сиригэр - Баҕымахта үрэҕэр Кудуттан 10 км сиргэ ойуур умайан эрэр.

Бу баһаардар иэннэрэ улаата илигинэ олохтоохтор көмөлөрүнэн умуруорухха наада.

Билигин уоту кытта охсуһар тэрилтэлэр Кырыкый баһаарыгар сылдьаллар, онон сибээстээн ойуур баһаарыгар үлэһиттэр наада буоллулар. Үлэлии тахсар баҕалаах дьон Лесхоз тэрилтэригэр 84113341569 нүөмэргэ эрийэн, ол эбэтэр улуустааҕы ЕДДС 84113341501 нүөмэригэр эрийэн билсиҥ.

Күннээҕи хамнас кээмэйэ 2900 солкуобай.

Тыалбыт күүстээх буолан баһаардар улаатан эрэллэр, түргэн быһаарыы ылынар эрэйиллэр.

Олохтоох дьаһалта

"Үөһээ Бүлүү" хаһыат

Говорят, льготная ипотека – все. Мы не верим и продолжаем выдавать:

🔸 Сельская ипотека
— Полная стоимость кредита:
0,516-8,041%
— Ставка: от 0,1 до 3%
— Сумма: до 6 млн
— Срок: до 25 лет
— Взнос: от 20%

🔸 Ипотека для работников IT-организаций
— Полная стоимость кредита:
5,291-5,637%
— Процентная ставка: 5%
— Сумма кредита: до 18 млн
— Срок: до 30 лет
— Первоначальный взнос: от 30%

#РСХБ