#ДетиАзии

Харысхан Габышев күн-күбэй ийэтэ Сардаана Романовна Габышева, аймахтара, убайдара буолан уолларыгар cарсыардаттан "ыалдьа" олороллор.

Харысхан ийэтинэн Үөһээ Бүлүү Боотулуутуттан төрүттээх. Дойдутугар көһөн олорбут кэмигэр Ю.Н.Прокопьев аатынан 3-с нүөмэрдээх орто оскуолаҕа үөрэммит, Оҕо спортивнай оскуолатыгар мас тардыһыыга тириэньэр Геннадий Михайлович Охотиҥҥа дьарыктаммыт. Үөһээ Бүлүүгэ сылдьан мас тардыhыыны сөбүлээн дьарыгын саҕалаабыта диэн ийэтэ кэпсиир.

Харысхан быйыл 9-с кылааһы Мэҥэ Хаҥалас улууһун Майа оскуолатыгар үөрэнэн бүтэрбит. Салгыы үөрэххэ туттарсар былааннаах. Ол иннинэ дойдубар Үөһээ Бүлүүгэ баран сынньанан кэлиэм диэн былаанныыр эбит.

Харысханы өссө элбэх дьарык кэтэһэр. Эһиил Манчаары спортивнай оонньууларыгар кыттар баҕа санаалаах.

Сотору кэминэн финал саҕаланыа. Уолбутугар кыайыыны!

"ҮӨҺЭЭ БҮЛҮҮ" Хаһыат
@uoheebuluu
@ulusmediasport

#ссуз

⭐️ "Мастер по ремонту у и обслуживанию автомобилей" бөлөх туйгун устудьуонугар Альберт Сазоновка, техникум выпускнигар, өр сылларга Үөһээ Бүлүүтээҕи ГАИ начальнигынан үлэлээбит Үөһээ Бүлүү улууһун бочуоттаах олохтооҕо Софронов Евсей Николаевич аатынан анал бириэмийэ ананна.

Бириэмийэни Евсей Николаевич улахан кыыһа Надежда Евсеевна уола, медколледжка үөрэнэр устудьуон сиэнэ Лев Егоров туттарда. Софроновтар аҕаларын, эһэлэрин аатынан бириэмийэни ааспыт сылга олохтообуттара.

@uoheebuluu