📣✅ Начинается этап голосования нашего фотоконкурса на лучший национальный костюм!

🏆 Победители будут определены путем голосования под фотографиями. Обязательно ПОДПИШИТЕСЬ на наш канал, чтобы ваш голос был учтен!

🗓️ Голосование продлится с 9 по 16 июня, а результаты будут объявлены 17 июня. ⬇️⬇️⬇️

#планерка

✅ "Үөһээ Бүлүү" хаһыат сүрүн редактора Кристина Семенова чэпчэтиилээх сурутуу декадата саҕаламмытын иһитиннэрдэ.

Бэс ыйын 10 күнүттэн 20 күнүгэр диэри улуус хаһыатыгар чэпчэтиилээх сурутуу саҕаланна. Ол курдук, сыл иккис аҥаарыгар 548 солк. 16 харчы сыанаҕа ааҕааччылар нэдиэлэҕэ биирдэ 12 балаһалаах хаһыаты тутуохтара.

"Үөһээ Бүлүү" хаһыат сурутуу ахсаанынан өрөспүүбүлүкэ 34 улууһун хаһыатыттан 3-с миэстэҕэ сылдьар.

Бастакы миэстэҕэ 979 сурутааччылаах Мэҥэ-Хаҥалас улууһа таҕыста. Иккис миэстэҕэ - Амма улууһун "Амма олоҕо" хаһыат, 705 ааҕааччылаах.
4-с - "Сунтаар сонуннара", 635 сурутааччылаах, 5-с миэстэҕэ Нам улууһун "Эҥсиэли" хаһыата, 618 сурутааччылаах уонна 506 ааҕааччылаах Таатта улууһун хаһыата сылдьар.

Улууспут олохтоохторо, улууспут хаан-уруу хаһыатыгар суруттаран сонуннары, улуус историятын истэ-билэ, ааҕа олоруҥ диэн ыҥырабыт.

"Үөһээ Бүлүү" хаһыат

#планерка

✅ Ойуур хаһаайыстыбатын сүрүн лесничейэ Павел Тимофеев ойуур баһаардарын туһунан иһитиннэрии оҥордо.

Баһаар сезона ыам ыйын 6 күнүгэр арыллыаҕыттан улууска уопсайа 3 ойуур баһаара бэлиэтэннэ. Онтон биирэ умуруоруллубута, иккитэ эргитиллэн турар.

Бэҕэһээ, бэс ыйын 9 күнүгэр, Бүлүү улууһун баһаарыгар 8 парашютист барда.

Ойуур баһаарыттан сэрэхтээх буолуу кытаанах режимэ биллэриллэн турар. Билигин бу режим көтүрүллүөр диэри олохтоохтор ойуурга тахсартан туттунаргыт ирдэнэр. Бу кэмҥэ кураанах оту, бөҕү-сыыһы дьиэ таһыгар да, тиэргэн тас өттүгэр да уматар, ону тэҥэ ойуурга тахсан уоту оттор, түптэлиир кытаанахтык бобуллар. Күннэтэ холбоһуктаах бэрэбиэркэлиир рейдэлэр бара туралларын санатабыт.

"Үөһээ Бүлүү" хаһыат

#планерка

✅ "Верхневилюйский" ХЭТ (пищекомбинат) үлэтин туһунан салайааччы Николай Алексеев иһитиннэрдэ.

Тэрилтэ балаһыанньата уустук соҕус. Төлөммөккө турбут иэс үгүс. Эрдэ бороһуок үүтүнэн хааччыныыга 5,5 мөл. солк. Тыа хаһаайыстыбатын министиэристибэтиттэн субсидия ылыллыбыт. Бу суума билигин иэскэ ыйанан турар.

Барыска тахсар туһугар элбэх үүт туттарыллыахтаах, оччотугар объем улаатыан сөптөөх. Хас биирдии нэһилиэккэ үүт собуота үлэлиэхтээх. Күн бүгүн Боотулуу, Далыр, Нам, Балаҕаннаах, Өргүөт нэһилиэктэригэр собуот үлэлээбэккэ турар. Нам нэһилиэгин собуота кэлэр нэдиэлэттэн үлэтин саҕалыаҕа. Балаҕаннаахха үүтү туттарар биир хаһаайыстыба баар, үүтүн Ороһу нэһилиэгин арыы собуотугар илдьэн туттарар. Айанын ороскуота төлөнөр.

Хомустаах, Дүллүкү нэһилиэктэригэр ларь тиксэриллиэҕэ.

Бу сылга үүт туттарыытын харчыта ыам ыйыгар диэри субсидия өттө төлөммүт, закупочнайа ааһа илик. "Алмазэргиэнбаан" тэрилтэтигэр номинальнай счет арыллан, үүт туттарыытын харчыта мунньуллан, бу счеттан үүтү туттарааччыларга ананар буолуоҕа.

Улуус үрдүнэн 4027 ыанар ынах баар эбит буоллаҕына, күн бүгүн 150 кэриҥэ ынахтан үүт тутуллар.

"Үөһээ Бүлүү" хаһыат

#планерка

✅ Спорт управлениетын салайааччыта Егор Николаев спорт сонуннарын билиһиннэрдэ.

Ааспыт нэдиэлэттэн сарсыардааҥы чэбдигирдэр сэрээккэ Үс Хоһуун иннигэр саҕаламмыта. Бэс ыйын устата хас үлэ күнүн аайы сарсыарда 7 чаастан буолар. Көхтөөх кыттыыны ыларгытыгар ыҥырабыт.

Бэтэрээннэр спартакиадаларыгар 180-ча спортсмен кэлэн кыттыыны ылан барда. 12 спорт көрүҥүнэн ааста. Күрэхтэһии сүрүннээн Бүлүү - Үөһээ Бүлүү улуустарын икки ардыларыгар барда. Көһө сылдьар кубогы үстэ субуруччу бастаан, Бүлүү улууһа илдьэ хаалбыттаах. Ааспыт сылга Ньурба улууһугар ыытыллыбыт спартакиадаҕа эмиэ бастаабыттара. Быйыл Үөһээ Бүлүү улууһун хамаандата бэрт кыранан ситэн, бальнай үҥкүү эбии баал тэбэн биэрэн, бастаата.

Үгүс киһи үлэлээн, спартакиада бэрт үрдүк таһымҥа ааста. Ыаллыы улуустарбыт бэтэрээннэрэ олус астынан бардылар.

"Үөһээ Бүлүү" хаһыат

#планерка

✅ Ис дьыала отделын бэрээдэги бөҕөргөтөр салаатын салайааччыта, полиция майора Владислав Поскачин бэрээдэк, сокуону кэһии туһунан иһитиннэрии оҥордо.

Ааспыт нэдиэлэ устата дьуһуурунай чааска 37 иһитиннэрии киирбит. Ол иннинээҕи нэдиэлэҕэ 52 этэ.

Мантан эт-хаан эчэйиитэ 3, ол иһигэр 2-тэ охсуһуу түмүгэр уонна 1 оҕо охтон эчэйбит.

Түөкүннээһин 8 түгэнэ бэлиэтэммит. Бу, мэлдьи буоларын курдук, кирэдьиит ылан баран төлөөбөккө сылдьар дьон дьыалата.

3 суол саахала тахсыбыт, киһи эчэйиитэ суох. Дьуһуурунай чааска 5 киһи тутуллан киирэн тахсыбыт.

11 административнай боротокуол суруллубут. ГАИ үлэһиттэрэ 98 боротокуолу толорбуттар. 3 арыгы испит суоппар массыына ыыта сылдьан тутуллубут.

"Үөһээ Бүлүү" хаһыат