#көмүскэл

✅ Ыам ыйын 30 күнүгэр «Социальный десант» Кэнтик нэһилиэгэр үлэлээтэ.

Улуус сүрүн социальнай хайысхалаах тэрилтэлэрин салайааччылара, инспектордара, специалистара кэлэн нэһилиэнньэни кытары спортсаалаҕа көрүстүлэр.

Пенсионнай уонна страховой фонда салаатын салайааччыта Альбина Николаева, Социальнай көмүскэл уонна үлэҕэ, социальнай сайдыыга управлениетын салайааччыта Екатерина Николаева,
Опека отделын специалиhа Аина Баскарова олохтоохторго үлэлэрин туhунан наадалаах иһитиннэриилэри билиһиннэрдилэр, киирбит ыйытыктарга хоруйдаатылар.

Олохтоох дьаһалтаҕа Альбина Николаева уонна дьарыктаах буолуу киинин инспектора Екатерина Иванова биэнсийэ уонна дьарыктаах буолуу боппуруостарыгар кыhалҕалаах дьону көрсөн, наадаларын истэн, сүбэлээн-амалаан көмөлөстүлэр.

Сокуоннай саастарын туола илик оҕолору көрөр хамыыhыйа сүрүн специалиhа Н.Алексеева, социальнай приют специалиhа Мария Баянаева, социальнай управление салайааччыта Екатерина Николаева, опека уонна попечительство отделын сүрүн специалиһа А.Баскарова олох уустук балаһыанньатыгар киирэн учуокка турар ыаллары кытта көрүстүлэр, санааларын, кыhалҕаларын иһиттилэр, оҕо көмүскэлин күнүнэн оҕолорго бэлэх туттардылар.

Социальнай управление салайааччыта Екатерина Васильевна уонна главнай специалист Мира Ивановна Роменская ыалларынан сырыттылар уонна 2023 с. социальнай контрагы туһанан, бэйэ дьыалатынан дьарыктанар дьоҥҥо сылдьан көрдүлэр, бэрэбиэркэлээтилэр, үлэлэрин-хамнастарын билистилэр. Салгыы сайдалларын, кэтэх хаһаайыстыбаларын кэҥэтэллэригэр баҕа санааларын эттилэр.

«Социальнай десант» Кэнтик нэһилиэгэр кэлэн үлэлээбит  көрсүһүү түмүгүнэн нэһилиэк баһылыгын солбуйааччытын Айталина Розиновна Ивановалыын, дьаһалта специалистарын кытта үлэлэрин түмүгүн билиһиннэрдилэр уонна салгыы үлэлэһэргэ, олохтоохтор олохторо тупсарыгар кыһалҕаларын быһаарарга бииргэ үлэлэһиэх буоллубут.

«Социальнай десант» хамаандатыгар Кэнтик нэhилиэгин олохтоохторун, Дьаhалтатын аатыттан барҕа махталбытын тириэрдэбит, үлэҕитигэр үрдүк ситиhиилэри баҕарабыт!

@uoheebuluu

#көмүскэл

✅ Ыам ыйын 30 күнүгэр "Социальнай десант" улуустааҕы социальнай харалта салайааччыта Екатерина Николаева салайааччылаах, аҕыс киһиттэн састааптаах хамыыһыйа Балаҕаннаахха кэлэн үлэлээн барда.

Ол курдук, социальнай харалта кылаабынай специалиһа Роменская М.И., улуустааҕы социальнай фонд салайааччыта Николаева А.И., сокуоннай саастарын туола илик оҕолор хаһыыһыйаларын кылаабынай специалиһа Алексеева Н.И., ис дьыала ПДН старшай инспектора Егорова М.Л., реабилитационнай киин социальнай үлэтин специалиһа Иванова Н.И., үлэлээх буолуу киинин инспектора Иванова Е.В., опека отделын специалиһа Баскарова А.И. сынньалаҥ киинигэр нэһилиэнньэни кытта көрүстүлэр. Нэһилиэк олохтоохторо көрсүһүүгэ кэлэн көхтөөх кыттыыны ыллылар, туһааннаах тэрилтэ салайааччыларыттан, специалистарыттан долгутар ыйытыыларыгар толору хоруй ылан астынан тарҕастылар.

Салгыы дьаһалта дьиэтигэр биирдиилээн дьоҥҥо тустаах ыйытыктарга социальнай фонда салайааччыта Николаева А.И. хоруйдаата, сүбэлээтэ-амалаата.

Олохтоохтор наадалаах дөкүмүөннэрин толорон туттардылар, барыта уон киһи тус приемҥа сырытта.

Улуустааҕы социальнай харалта салайааччыта Николаева Е.В., кылаабынай специалиһа Роменская М.И. кэтэх хаһаайыстыбаларын сайыннараары социальнай контракт нөҥүө бэриллэр өҥөнү төһө сөптөөхтүк туһаммыттарын билсэ- көрсө Егоров И.А., Сергеев В.А. сырыттылар, үлэни-хамнаһы билистилэр.

Салгыы нэһилиэкпит ытык кырдьаҕаһыгар, 89 саастаах Софронова М.С. сылдьан, олоҕун-дьаһаҕын билистилэр. Мария Семеновна Балаҕаннаах нэһилиэгэр социальнай үлэһит баар буолуохтааҕын туруоруста, почта үлэтэ сөргүтүллэригэр баҕа санаатын эттэ.

Онтон 1 группалаах инбэлиит Сергеев С.М. сылдьан, социальнай контракт нөҥүө көмө ылан туһанан, бэйэ дьарыгын тэриниэн сөбүн сүбэлээтилэр.

Бүгүҥҥү күҥҥэ кэлэн үлэлээн, дьон- сэргэ санаатын истэн, сүбэлэһэн, көмөлөһөн барбыт "Социальнай десант" бары кыттыылаахтарыгар нэһилиэкпит дьонун-сэргэтин аатыттан махтал тылларын тиэрдэбит.

Олохтоох дьаһалта

@uoheebuluu

#Оҕокүнэ

⭐️ Түгэхтэй алааһыгар Оҕо ыһыаҕа

Бүгүн, Оҕо көмүскэлин күнүгэр улуус киинин уһуйааннара ыһыах ыһаллар.

Хас биирдии оҕо саада быыстапка туруорда, бэйэ оҥоһугун атыыга таһаарда.

@uoheebuluu