#НКО #семинар

⭐️ Бүгүн "Работа России" дьиэтигэр коммерческайа суох тэрилтэлэргэ уонна түөлбэлэргэ аналлаах семинар-практикум буола турар.

Коммерческайа суох тэрилтэ арынан бэйэ дьыалатынан дьарыктаныан баҕалаах дьоҥҥо Дьокуускай куораттан СӨ "Муниципалитеттар икки ардыларынааҕы ресурса киинин" бырайыактары салайар эксперт Дайаана Васильева коммерческайа суох тэрилтэни уонна түөлбэни регистрациялааһын туһунан кэпсээтэ. Ону тэҥэ бырайыактары сөпкө оҥорорго сүбэлэри, докумуон толоруутун ымпыгын- чымпыгын билиһиннэрдэ.

Семинарга 42 киһи кыттыыны ылар. Ыарырҕатар боппуруостардаах, үлэлэһэрдии бэлэм дьону кытта биирдиилээн анаан-минээн кэпсэттэ.

Маннык кылгас үөрэхтээһин туһата грант күрэхтэригэр кыттыы кэмигэр көстүөҕэ. Бэйэтигэр туһаны ылыммыт дьон туох да харгыһа суох өрөспүүбүлүкэ, дойду таһымнаах куонкурустарга кыттар буолуохтара диэн эрэнэбит. Бастыҥ бырайыактаахтар өрөспүүбүлүкэттэн өйөбүл ылары ситиһиэхтэрэ, санаабыт санаалара, толкуйдаабыт толкуйдара олоххо киириэҕэ. Ол барыта Үөһээ Бүлүү улууһа инники кирбиигэ сылдьарыгар, салгыы сайдарыгар тирэх буолуоҕа.

"Үөһээ Бүлүү" хаһыат

#дьиэкэргэнсыла #всейсемьей

🏃‍♂️ "Аҕа уолунаан" улуустааҕы күрэх түгэннэриттэн.

Кыайыылаах хамаанда өрөспүүбүлүкэҕэ улууспут чиэһин көмүскүү барыаҕа.👍🏼👍🏼👍🏼

"Үөһээ Бүлүү" хаһыат

#дьиэкэргэнсыла #всейсемьей

🏃‍♂️ Бастакы түһүмэх - бэрэбинэни суоруу.

Бары бүппүттэрин кэннэ кээмэйдээн баран ким ыраастык, ирдэбили тутуһан суорбутун бэрэбиэркэлиэхтэрэ.

@uoheebuluu

#дьиэкэргэнсыла #всейсемьей

🏃‍♂️ "Аҕа уолунаан" күрэхтэһии саамай үгэнэ.

Аҕалар мас хайыталлар, уолаттара ону хомуйа охсон саһааннаатылар.

Бириэмэнэн Дүллүкү хамаандата бастаата👍🏼👍🏼👍🏼

Манна ыксаабакка, ыгылыйбакка, биир сүбэнэн үлэлээтэххэ кыайыы кэлэр👏🏻

@uoheebuluu