#киһиуоннасокуон

✅ Үлэһит быраабын толору билиэхтээх

Бары билэрбит курдук, хамнаһы ыйга иккитэ төлүөхтээхтэр, хат дьахтары үлэтин күнүн көтүппүтүн да үрдүнэн уураппаттар, оттон бырааһынньык иннинээҕи үлэ күнэ биир чааһынан кылгаан биэрэр.

Оттон сорох үлэ бырааптарын үгүс киһи билбэт буолуон сөп. Маныаха бу 5 холобуру көрүҥ:

✅ Ыал буолан уруу тэринэргэ уонна оҕо төрөөтөҕүнэ 5 үлэ күннээх төлөбүрэ суох уоппуска ылыахха сөп. Бу түгэҥҥэ үлэ биэрээччи аккаастыыр бырааба суох.
РФ ТК 128 ыст олоҕуран сайабылыанньа суруллар.

✅ Самозанятай курдук эбэтэр подряд дуогабарын быһыытынан оҥорсон үлэҕэ киирбит эбит буоллаххытына, үлэ дуогабарыгар уларытар бырааптааххыт. Оччотугар гражданскай-быраап дуогабара үлэлээбит күҥҥүтүттэн саҕалаан үлэ дуогабарынан билиниллэр. Бу быраап РФ ТК 19.1 ыст. тирэҕирэр.

✅ Оҕолоноору сылдьар эбэтэр 14 диэри саастаах оҕолоохтор, итиэннэ 18 сааһыгар диэри доруобуйатынан хаарчахтаах оҕолоох, дьиэ кэргэнигэр кими эмэ көрө-истэр төрөппүт буоллаҕына, үлэһит үлэтин чааһа кылгас буолар. Бу түгэҥҥэ үлэһит толору күн эбэтэр толору нэдиэлэ үлэлээбэтин туһунан сайабылыанньа суруйар бырааптаах. Хамнас бу түгэҥҥэ кыччыыр эрээри, оҕону көрөр-истэр, илдьэр-аҕалар бириэмэ баар буолар. РФ ТК 93 ыст. көрүҥ.

✅ Диспансеризация ааһарга өрөбүл күн көрүллэр. Үлэ биэрээччи көрдөрүүнү ааһарга күн анаабытын таһынан орто хамнаһы төлүөхтээх.

40 диэри саастаахтар — үс сылга биирдэ, онтон салгыы — сыл ахсын биирдии күн сылдьаллар, оттон биэнсийэҕэ тахсыах иннинээҕи саастаахтарга сыл ахсын икки күн ананар. Бу быраап РФ ТК 185.1 ыст. ыйыллар.

✅ Декларацията суох вычет. Дьиэ атыылаһыыга, эмтэниигэ, үөрэтиигэ уонна спортка сыһыаннаан нолуокка вычет ылар бырааптаах буоллаххытына, Федеральнай Нолуок Сулууспатыттан ыспыраапка көрдүүгүт, бу ыспыраапка үлэ биэрээччигэ тиксэр. Оччоҕо НДФЛ туталларын оннугар вычет суумата бүтүөр диэри хамнаһы кытта төлөнө туруохтаах. Бу туһунан РФ НК 219, 220 ыст. көрүҥ.

"Үөһээ Бүлүү" хаһыат

#кыһа #күрэх

⭐️ Бүгүн Дьокуускай куоракка "Саха тылын уонна литературатын бастыҥ учуутала-2024" өрөспүүбүлүкэтээҕи күрэх саҕаланна.

Тэрээһини СӨ Үөрэҕин министиэристибэтэ уонна С.Н. Донской-II аатынан Үөрэҕириини сайыннарар уонна таһымы үрдэтэр институт көҕүлээн ыыталлар.

Куонкуруска Саха сирин оскуолаларыттан улуус таһымнаах күрэҕи ааспыт 13 учуутал кыттар.
Үөһээ Бүлүү улууһун аатыттан М.А.Алексеев аатынан өрөспүүбүлүкэтээҕи лиссиэй-интэринээт саха тылын уонна литературатын учуутала Маргарита Николаевна Анисимова кыттар.

Кэтэхтэн ыытыллыбыт түһүмэххэ учууталлар бары медиавизитка ыытан олороллор.

Бүгүн уонна сарсын үөрэхтээһин араас тиэмэлээх былаһааккаларыгар куонкурус тургутук түһүмэхтэрин ааһыахтара.

Ол курдук, "Методическай мастарыскыайга" идэлэригэр бэриниилэрин, учуутал быһыытынан дьоҕурдарын "Уруокка", оҕону кытта ыкса үлэни "Кылаас чааһыгар", педагог быһыытынан ньымаларын, сатабылларын "Маастар-кылааска" көрдөрүөхтэрэ.

Санатар буоллахха, 2023 сыллааҕы куонкуруска Горнай улууһун учуутала бастыҥ аатын сүкпүтэ уонна Арассыыйа таһымыгар Саха сирин чиэһин ситиһиилээхтик көмүскээн турар.

Маргарита Николаевнаҕа улахан күрэххэ ситиһиини баҕарабыт.

"Үөһээ Бүлүү" хаһыат

#салалтаҕа

✅ Улуус баһылыгын социальнай боппуруостарга солбуйааччынан Анна Михайловна Уларова ананан үлэтин саҕалаата.

Анна Михайловна Харбалаах нэһилиэгиттэн төрүттээх.
1995 с. Аммосов аатынан Дьокуускайдааҕы университетыгар алын сүһүөх кылаас учууталын идэтигэр үөрэммитэ. 2018 с. Москваҕа РАНХиГС үөрэнэн судаарыстыбаннай уонна муниципальнай сулууспалаах идэтин баһылаабыта.

1995-1996 сс. – Ньурба улууһун дьаһалтатын ыччат отделын салайааччыта

1996-2011 сс. – Ньурба оройуонун дьиэ кэргэн уонна оҕо саас дьыалаларыгар сүрүн специалист, сэбиэдиссэй.

2011-2017 сс. – Ньурба куоратын СӨ МТиСР управлениетын салайааччыта.

2017 сылтан Үөһээ Бүлүүгэ ананан үлэлии кэлиэр диэри Ньурба улууһун баһылыгын социальнай боппуруостарга солбуйааччынан үлэлээн кэллэ.

2022-2023 сс. - СӨ Бырабыыталыстыбатын Бэрэссэдээтэлин солбуйааччы Ольга Балабкина секретариатыгар байыаннай дьайыыга сулууспалыы сылдьар байыастар дьиэ кэргэттэригэр көмөнү оҥорор өрөспүүбүлүкэтээҕи бөлөххө үлэлээбитэ.

2023-2024 сс. - Ил Түмэн судаарыстыбаннай мунньах ыччат, физическэй култуура уонна спорт дьыалаларыгар сис кэмитиэтин старший референэ.

"Үөһээ Бүлүү" хаһыат

#Дьиэкэргэнсыла, #Оҕосаассыла

⭐️ ЧОЛБОН ӨЙ КҮРЭҺЭ

Дьиэ кэргэнинэн ааҕыыны көҕүлүүр сыаллаах өрөспүүбүлүкэтээҕи күрэс кулун тутар 14 күнүгэр О.Д.Федорова аатынан киин модельнай библиотекаҕа ыалдьыттыыр.

Кыттыыны ылыахтара:
"Чолбон" сурунаал бас эрэдээктэрэ Гаврил Андросов - Саха сирин суруйааччыларын Сойууһун бэрэссэдээтэлэ, Россия суруйааччыларын Сойууһун бырабылыанньатын сэкиритээрэ,СӨ култууратын уонна Бэчээтин туйгуна, СӨ "Норуотарга эйэни уонна доҕордоһууну бөҕөргөтүү иһин" бэлиэ хаһаайына, Казахстан Евразиятааҕы университетын "Лев Гумилев" мэтээл хаһаайына, "Наш современник" сурунаал Юрий Кузнецов аатынан бириэмийэтин лауреата," Золотой Витязь"норуоттар икки ардыларынааҕы ll-с поэзия турнирын призера, поэт, публицист, тылбаасчыт, кыраайы үөрэтээччи.

Туйаара Павлова, "Чолбон" сурунаал эппиэттиир сэкиритээрэ, СӨ култууратын туйгуна, суруналыыс.

Ангелина Шадринова - Суоһааны ,"Чолбон" сурунаал эрэдээксийэтин Сүбэтин чилиэнэ, СӨ суруйааччыларын Сойууһун чилиэнэ, поэт, прозаик, суруналыыс.

Бу күн сарсыардаттан улуустан талыллыбыт бастыҥ ааҕар дьиэ кэргэттэр "ЧОЛБОН" сурунаал редакцията ыытар күрэһэр кыттыахтара, билиилэрин тургутуохтара.

Кыттааччыларга туоһу суруктар, бириистэр туттарыллыахтара. Кыайыылаах дьиэ-кэргэн өрөспүүбүлүкэ таһымыгар улуус чиэһин көмүскүөҕэ.

Күнүс 15.00 чаастан "ЧОЛБОН" сурунаал үлэһиттэрин кытта атах тэпсэн олорон "ТӨГҮРҮК ОСТУОЛ" ыытыллыаҕа.

Саха тыллаах, таптыыр "ЧОЛБОН" сурунаалын тула санааларгытын сайа этэ, сүбэ- соргу буола төгүрүк остуолга кыттыыны ыларгытыгар ыҥырабыт!

#спорт

⭐️Эрхан Васильев, бэйэтэ 30 кг ыйааһыннаах Нам оскуолатын 6 кылааһын үөрэнээччитэ «Эр бэрдэ» күрэххэ 24 кг ыйааһынаах кумахтаах куулу туппутунан 450 миэтирэни барда.

Ученик 6 класса Намской средней школы Верхневилюйского района Эрхан Васильев весит 30 кг. На турнире "Эр Хоһуун" с мешком песка весом в 24 кг прошел ровно 450 метров.

Ставьте ❤️ молодому спортсмену

Видео: Валерия Золотарева

@ulusmedia
"Үөһээ Бүлүү" хаһыат