#спорт

⭐️Саха сирин Көрдүүр-быыһыыр сулууспата техникумнарга ыалдьыттыы кэллэ

Үс Хоһуун спорт саалатын уораҕайыгар Үөһээ Бүлүүтээҕи техникум уонна СӨ Көрдүүр-быыһыыр сулууспатын үлэһиттэрэ доҕордуу көрсүһүүлэрэ саҕаланна.

Матрена Осипова салайааччылаах техникум СӨ Көрдүүр-быыһыыр сулууспатын кытта ыкса үлэлэһэр. Ол курдук, бу сулууспа өйөбүлүнүнэн техникумҥа "Ыксаллаах быһыыга-майгыга көмүскэл" бөлөҕө устудьуоннарга бастакы идэни биэрэр.

Техникум тэрийбит чемпионатын чэрчитинэн Саха сирин сулууспатын 33 киһилээх хамаандата бүгүн Үөһээ Бүлүүгэ ыалдьыттыы кэллэ. Делегацияны СӨ Көрдүүр-быыһыыр сулууспатын салайааччыта Иннокентий Андросов уонна бастакы солбуйааччыта, СӨ үтүөлээх быһааччыта Василий Тарскай салайан кэллилэр.

Күн устата волейбол, буулдьанан ытыы, остуол тенниһэ, саахымат, канаты тардыһыыга күрэхтэһиэхтэрэ.

@uoheebuluu
@ulusmedia

#спорт #ДоруобуйаКүнэ

🔴 Улуу Кыайыы 80 сыллаах үбүлүөйүн көрсө бүгүн, улуус үрдүнэн ыытыллар оптуорунньук - доруобуйа күнүгэр, Кыайыы болуоссатыгар сарсыардааҥы сэрээккэ буолла.

Бу сарсыарда эти-хааны чэбдигирдэр хамсаныылары улуустааҕы спорт салалтатын инструктора Николай Софронов ыытта, «аармыйалыы» эрчиллиилэри көрдөрдө.

Дьон-сэргэ тэрилтэнэн, биирдиилээн кэлэн сибиэһэй салгыҥҥа эттэрин-сииннэрин уһугуннаран, күннэрэ сэргэхтик саҕаланна👍🏼👍🏼👍🏼

Сарсыардааҥы Кыайыы сэрээккэтиттэн түгэннэри 🔴🔴🔴🔴🔴🔴🔴🔴🔴🔴🔴🔴🔴
комментарийга киирэн көрүҥ

@uoheebuluu

#спорт

⭐️ ГТО нуорматын туттарыыга баһаарынай этэрээт салайар холбоһуктаах хамаандата бастаата

Тэрилтэлэр икки ардыларыгар ыытыллар спартакиада чэрчитинэн ГТО нуорматын туттарыы буолла.

Холбоһуктаах хамаанда ситиһиилэрин баһыйар элбэх өттүн Баһаарынайдар аҕалаллар.

@uoheebuluu

#спорт

⭐️ Ытык Таатта сиригэр ХХII Манчаары оонньууларын иккис күнэ

«ДьулуруйарНьургун Боотур» стадиоҥҥа «кылыы» уонна «ыстаҥа», ону тэҥэ чэпчэки атлетикаҕа: дьахталларга
уонна эр дьоҥҥо 10 000 м. уһуҥҥа сүүрүү, кыргыттарга 3 000 м., уолаттарга 5 000 м. сүүрүү уонна бу уһуҥҥа бэтэрээн дьахталлар уонна эр дьон илин-кэлин түһүөхтэрэ.

«Саhыл уйалаах» ипподромҥа хотугу многоборье иккис көрүҥэ буола турар. Киэһэ өттүгэр өрөспүүбүлүкэ бастыҥ аттарын сүүрдүү сэҥээрээччилэрин муһуоҕа.

А.Е.Мординов аатынан Тааттатааҕы лиссиэй спорт былаһааккатыгар төрүт ох саанан ытыыга биирдиилээн спортсмен «тииҥи бултаһаллар». Салгыы хамаанданан бастыыр иһин киирсиэхтэрэ уонна муҥутуур
кыайыылааҕы быһаарыахтара.

Бастакы күн түмүгүнэн 2 кыыл көмүс уонна 3 үрүҥ көмүс мэтээли аҕалбыт спортсменнарбытын ситиһиилэринэн эҕэрдэлиибит, оттон күрэхтэһэр чаастарын кэтэһэ сылдьар спортсменнарбытыгар
ситиһиилэри, дьулууру, тулууру баҕарабыт!

📸 Валентина Догоюсова хаартыскалара

@uoheebuluu