#бэлиэкүн

⭐️Ил Дархантан Махтал сурук

Саха Өрөспүүбүлүкэтин олохтоох бэйэни салайыныы сайдыытыгар кылааттарын уонна үтүө суобастаах өр сыллаах үлэлэрин иһин Саха Өрөспүүбүлүкэтин Ил Дарханын уонна Бырабыыталыстыбатын Махтал суругун Үөһээ Бүлүү улууһун дьаһалтатын сэкирэтээрэ Людмила Лазаревна Петрова, Үөһээ Бүлүү сэлиэнньэтин баһылыгын сүбэһитэ Георгий Алексеевич Степанов, Өргүөт нэһилиэгин дьаһалтатын сүрүннүүр специалиһа Данил Иннокентьевич Адамов СӨ Бырабыыталыстыбатын бэрэссэдээтэлин солбуйааччыта Георгий Михайлович Степанов илиититтэн туттулар.

Ону тэҥэ Георгий Степанов СӨ Култуураҕа уонна духуобунай сайдыыга министиэристибэтин "СӨ бастыҥ архыыба" бириэмийэ "Архыып пуондатын докумуонун учуоттааһын" анал аат кыайыылааҕын дипломун улуус баһылыгар Валерий Николаевка туттарда.

Бастыҥ үлэлээх улуус архыыбын үлэһиттэригэр эҕэрдэ бастыҥа буолуохтун💐💐💐

@uoheebuluu
@ulusmedia

#бэлиэкүн

⭐️Улуу Кыайыы 80 сылыгар аналлаах Саха Өрөспүүбүлүкэтин үбүлүөйдээх түөскэ кэтэр бэлиэ Харбалаах нэһилиэгин ытык кырдьаҕас олохтооҕор, сэрии кэмин оҕотугар Софья Евсеевна Филипповаҕа ытыс дохсун тыаһынан доҕуһуоллатан туттарылынна.

@uoheebuluu
@ulusmedia

#бэлиэкүн

⭐️ Улуус баһылыга Валерий Николаев Өрөспүүбүлүкэ күнүн көрсө улуус социальнай- экономическай сайдыытыгар кылааттарын иһин Үөһээ Бүлүү оройуонун Бочуот грамоталарын туттарда.

Ол курдук, наҕарааданы Харбалаах нэһилиэгин урбаанньыта Людмила Николаева, Харбалаах нэһилиэгин "Талбаана" уопсастыбаннай түмсүүтүн чилиэнэ Александра Шестакова, Харбалаахтааҕы сынньалаҥ киин уус-уран салайааччыта Людмила Гаврильева туттулар.

Култуура, спорт эйгэтин сайдыытыгар кылаатын иһин улуус дьаһалтатын Махтал суругун Үөһээ Бүлүү улууһун "Чэчир" литературнай түмсүүтүн уонна Харбалаах нэһилиэгин "Төлкө" ийэ тыл түмсүүтүн салайааччыта Дмитрий Кононовка туттарылынна.

@uoheebuluu
@ulusmedia

#бэлиэкүн

⭐️ Өрөспүүбүлүкэ күнүн көрсө оскуола оҕолоро бастакы докумуоннарын туттулар

14 саастарын туолбуттарын туоһулуур бастакы сүрүн докумуону - Российскай Федерация паспорын М.А.Алексеев аатынан өрөспүүбүлүкэтээҕи лицей-интернат 7 "б" кылааһын үөрэнээччилэрэ Алина Александрова, Диана Поскачина, София Сортолова, 7 "а" кылаастан игирэ бииргэ төрөөбүттэр Андрей уонна Алина Литвиновтар, И.Н.Барахов аатынан 1-кы нүөмэрдээх орто оскуола 6-с "а" кылааһын үөрэнээччитэ Егор Семенов, М.Т.Егоров аатынан 2-с нүөмэрдээх орто оскуола 7-с кылааһыгар үөрэнэр Милана Яковлева улуус баһылыга илиититтэн ыллылар.

@uoheebuluu
@ulusmedia

#бэлиэкүн

⭐️ СӨ Ил Түмэн судаарыстыбаннай мунньаҕын Бочуот грамотатын улуус депутаттарын Сэбиэтин бэрэссэдээтэлэ Николай Николаев Үөһээ Бүлүү улууһун Хонтуруоллуур-суоттуур палататын бэрэссэдээтэлигэр Анна Ефимоваҕа уонна улуус дьаһалтатын сүрүн архитекторыгар Елена Мироноваҕа туттарда.

Исидор Барахов аатын үйэтитиигэ дьоһун кылаатын иһин Ил Түмэн судаарыстыбаннай мунньах Бочуот грамотатын эдэр депутат Федот Филиппов Е.Ярославскай аатынан Хотугу норуоттар историяларын уонна култуураларын үйэтитэр холбоһуктаах саха судаарыстыбаннай түмэлин сүрүн научнай үлэһитэ Айталина Решетниковаҕа туттарда.

@uoheebuluu
@ulusmedia